कञ्चनपुर, २८ माघ । कञ्चनपुरमा लागुऔषध चरेशसहित एक जना पक्राउ परेका छन् ।
भीमदत्त नगरपालिका–१८ सालघारीस्थित किराना पसल चलाउँदै आएका ४१ वर्षीय निरज बडुलाई ४८ ग्राम चरेशसहित पक्राउ गरिएको प्रहरीले जनाएको छ।
जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले शंकाका आधारमा चेकजाँच गर्दा बडुले पसलमा लुकाएर राखेको अवस्थामा चरेश बरामद गरिएको बताए।
पक्राउ परेका बडुलाई हिरासतमा राखेर थप अनुसन्धान भइरहेको प्रहरी नायब उपरीक्षक थापाले बताए।
