Gaming

डडेल्धुरा । गन्यापधुरा गाउँपालिका–५ कोरालमा खुल्ला पुरुष भलिबल प्रतियोगिता हुने भएको छ । दिपावलीको अवसरमा विगतका वर्ष झै यस वर्ष पनि भलिबल प्रतियोगिताको आयोजना गर्न लागिएको हो । दुर्गा भगवती युवा क्लवको आयोजनामा प्रतियोगिता हुन लागेको क्लवले जनाएको छ ।
कार्तीक १६ गते मंगलबार देखि सञ्चालन हुने प्रतियोगितामा प्रथम पुरस्कार ३१ हजार रुपैयाँ नगद सहित ट्रफि, प्रमाण पत्र र मेडल रहेको छ । यस्तै द्धितिय पुरस्कार २१ हजार र तृतिय पुरस्कार ११ हजार रुपैयाँ सहित प्रमाण पत्र र मेडल रहेको क्लवका अध्यक्ष नरेन्द्र भाटले जानकारी दिए । मंगलबार दिउसो १२ बजे औपचारिक रुपमा उद्घाटन गरिने प्रतियोगितामा सहभागी टिमका लागी दर्ता शुल्क दुई हजार पाँच सय तोकिएको छ ।

Khabardarinews