स्वास्थ्य

                                      डडेल्धुराका ओमप्रकाशको संघर्ष, जो स्वयंसेवीबाट अन्तर्राष्ट्रिय प्रशिक्षक बने

डडेल्धुराः डडेल्धुराको अजयमेरु गाउँपालिका–६ मा एउटा सुन्दर गाउँ छ । उचाईमा रहेको डाँडामा लहरै बनेका पुरानो शैलीका घरले उक्त गाउँ रेलको डब्बा जस्तै देखिन्छ । गाउँको नाम हो, कानाकोट । सोही गाउँमा २०४५ साल माघ ८ गते जन्म भयो ओमप्रकाश पन्तको । उनी बाल्यकालदेखि नै खेलमा निकै रुची राख्थे ।

देवल माविमा एसएलसी उत्तिर्ण गर्नुअघि उनले विद्यालयमा आयोजना हुने थुप्रै खेलकुदका प्रतियोगितामा सहभागिता पनि जनाए । तर, त्यो समयसम्म कुन खेललाई बढी प्राथमिकतामा राख्ने भन्न्ने छुट्याउन भने सकेका थिएनन् पन्तले ।

०६२ सालमा एसएलसी उत्तिर्ण गरेपछि पन्त उच्च शिक्षाका लागि डडेल्धुरा सदरमुकाम आए । सोही समयमा पन्तको नजर जिल्ला खेलकुद विकास समितिमा प्रशिक्षक विरेन्द्रबहादुर चन्दले कराते सिकाइरहेका दृश्यमा प¥यो । अनी पन्तले पनि कराते सिक्ने सोच बनाए । चन्दकै प्रशिक्षणमा पन्त मार्सल आर्ट अन्तर्गतको कराते खेलको थर्ड डाँन ब्ल्याकबेल्ट भए । पन्त सिक्दै गर्दा उनको करातेप्रतिको लगनले धेरैलाई अचम्मित बनाउथ्यो ।

२०६३ सालमा धनगढीमा इन्डो–नेपाल अन्तर्राष्ट्रिय कराते प्रतियोगितामा भयो । प्रतियोगितामा नेपालको तर्फबाट सहभागिता जनाउने खेलाडी थिए पन्त पनि । त्यसको दुई वर्षपछि पाचौँ राष्ट्रिय खेलकुदको तयारी भइरहेको थियो । सुरुवातमा सुदूरपश्चिममै गर्ने भनिए पनि भौतिक संरचना पूर्ण रूपले निर्माण भइनसकेको हुदाँ अन्ततः पाँचौ राष्ट्रिय खेलकुद काठमाडौँमा सञ्चालन भयो ।

उक्त प्रतियोगिताअन्तर्गत कराते खेलमा सुदूरपश्चिमको प्रतिनिधित्व गर्दै सहभागिता जनाउने मौका पाए पन्तले पनि । उनी भन्छन्, ‘पाचौँ राष्ट्रिय खेलकुदमा सहभागिता त जनाउन पाए तर सोचेअनुसार नतिजा भने आउन सकेन ।’

त्यसको तीन वर्षपछि २०६८ फागुन १४ गतेदेखि सुदूरपश्चिममै सुरु भयो छैटौँ राष्ट्रिय खेलकुद प्रतियोगिता । घरेलु मैदानमा भएको प्रतियोगितामा खेलाडीका रुपमा एकपटक फेरि सहभागिता जनाउने मौका पाए पन्तले । तर छैटौँ राष्ट्रिय खेलकुदमा पनि सोचेअनुसारको प्रदर्शन भने गर्न नसकेको अनुभव सुनाउँछन् पन्त । ‘त्यसपछि खेल्न छोडेर प्रशिक्षणतर्फ लाग्ने योजना बनाए,’ पन्त भन्छन्, ‘छैटौँ राष्ट्रिय खेलकुद प्रतियोगिता सकिएको केही समयमै भोलिन्टर ९स्वयंसेवी०का रुपमा प्रशिक्षण सुरु गरे ।’

उनले प्रशिक्षण सुरु गरेको झण्डै ८ वर्षपछि २०७६ सालामा अजयमेरु गाउँपालिकाकाले पन्तलाई खेलकुद प्रशिक्षकका रुपमा नियुक्त ग¥यो । ‘अजयमेरुको मुख्य प्रशिक्षक भएपछि विभिन्न विद्यालयमा गएर विद्यार्थीलाई प्रशिक्षण दिन सुरु गरेको थिए,’ उनी भन्छन्, ‘एसियन कराते फेडेरेशनले गर्ने अन्तर्राष्ट्रिय प्रशिक्षणको छनोटमा पनि परेको थिए । प्रशिक्षण पाएपछि फेडेरेशनले लिएको प्रशिक्षकको परीक्षा पास गर्दै अन्तर्राष्ट्रिय प्रशिक्षक बनेको छु ।’

योसंगै अन्तर्राष्ट्रिय स्तरका खेलको प्रशिक्षक हुन पाउने भएका छन् पन्त । पन्तको यो सफलताबाट सिंगो अजयमेरु गाउँपालिका मात्रै नभएर डडेल्धुरा जिल्ला नै दंग छ । अजयमेरु गाउँपालिकाका अध्यक्ष उमेशप्रसाद भट्टले गाउँपालिकाकै सान बढाएको भन्दै बधाई तथा शुभकामना व्यक्त गरेको छन् ।
पश्चिम एक्सप्रेस

Khabardarinews

 

 

गणेश बहादुर मगर- व्यवसायिक रुपमा खेतीपाती गरी आम्दानी बढाउने उद्देश्यले खोलिएको डडेल्धुराका केही व्यवसायिक कृषि फर्महरू पछिल्लो दिन सिकाइ केन्द्रको रुपमा विकास हुन थालेका छन् ।
कुनै बेला डडेल्धुराको आलिताल क्षेत्रमा उत्पादन भएको मुलाको बिउ बंगलादेश सम्म निर्यात भएको समाचारले कृषिकर्ममा लागेका हरू लाई निकै उत्साहित मात्र बनाएन बिस्तारै तरकारी उत्पादनमा लाग्न उत्प्रेरणा पनि दिएको थियो र त्यो समय पछि डडेल्धुरामा कृषि त्यो माथि पनि तरकारी खेती गर्नेहरू बढेका हुन भन्दा फरक नपर्ला ।
कृषि गणना २०६८ अनुसार डडेल्धुरामा कृषि तथा पशुपालन गर्ने परिवारको संख्या २४७९७ रहेको तथ्यांकले देखाउदछ भने कृषि गणना २०७८ अनुसार कृषि तथा पशुपालन गर्ने परिवारको संख्या २६९९४ रहेको छ । तुलनात्मक रुपमा हेर्दा १० वर्षको अन्तरालमा कृषि तथा पशुपालन गर्नेहरूको परिवारको संख्या २१९७ ले बढेको देखिन्छ तर कृषि तथा पशुपालनमा लागेका परिवार मध्ये २४।२४ प्रतिशत लाई मात्र आफ्नो उत्पादनले वर्ष भरी खान पुग्ने तथ्यांकले अधिकांश किसानहरू तरकारी खेती तर्फ आकर्षित भएको अनुमान लगाउन सकिन्छ ।
आर्थिक वर्ष ०७८।७९ मा डडेल्धुरामा मात्र १०९० हेक्टरमा आलुखेती गरि २० हजार नौ सय २८ मेट्रिक टन उत्पादन भएको तथ्यांक कृषि ज्ञान केन्द्र, डडेल्धुरा सँग रहेको छ भने पछिल्लो आर्थिक वर्ष ११७० हेक्टरमा आलुखेती गरिएकोले उत्पादन गत आर्थिक वर्षको तुलनामा राम्रो हुने अपेक्षा गरिएको छ ।
बाँझो जमिनको उपयोग र स्वदेशमै रोजगारी सृजना गर्नुपर्छ भन्ने सोचका साथ २०७५ सालमा डडेल्धुराको गन्यापधुरा गाउपालिका वडा नं। १ लकतडामा करिव १०० रोपनी बाँझो जमिन भाडामा लिई भागेश्वर कृषि तथा पशुपालन फर्मको सुरु भएको हो ।
शिक्षित बेरोजगारहरू बढी रहेको र अधिकांश युवाहरू कामको खोजीमा विदेशिन लागेको देखेर स्वदेशमै केही गर्न सकिन्छ भनेर स्नातक सम्म अध्ययन गरेको युवा प्रसाद दत्त अवस्थीले भारत बाट आयात हुने तरकारी लाई रोक्नु पर्छ भन्दै अर्गानिक तरकारी खेती सुरु गरेका हुन ।
डडेल्धुरा सदरमुकाम नजिकै रहेको भातकाँडा बजार बाट करिव ७ किलो मिटरको दूरीमा रहेको उनको फर्ममा नियमित रुपमा १५ जना र सिजनल रुपमा ४० देखी ५० जनाले रोजगारी पाइरहेको देख्न सकिन्छ ।
कृषि फर्ममा गत वर्ष १३ जना विद्यार्थीहरूले ६ महिना प्रयोगात्मक तालिम लिएका थिए भने यो वर्ष १९ जना विद्यार्थीहरू फर्ममा सिकिरहेका छन् ।
यस वर्षका १९ जना वाली विज्ञानका विद्यार्थीहरू मध्ये बझाङ जिल्लाको देवेश्वरी माध्यमिक विद्यालयका ४ जना विद्यार्थीहरू ६ महिने ओजेटी सकेर भर्खर मात्र विद्यालय गए भने डोटी जिल्लाको के।आई।सिँह गाउँपालिकाको झिमे मालिका माध्यमिक विद्यालयका १५ जना विद्यार्थीहरू फर्ममा व्यवसायिक कृषि सिकिरहेका छन् ।
फर्ममा सिक्न आउने विद्यार्थीहरू लाई फर्मको तर्फ बाट गाँस वासको सुविधा निशुल्क उपलब्ध गराइन्छ । बिहान बेलुकी नै कृषि कर्ममा रमाउन पाउने हुँदा सिक्दा सिक्दै समय बितेको पत्तै नहुने बताउँदै फर्ममा कृषि सिक्दै गरेकी डोटी के।आई। सिँह गाउँपालिकाकी वाली विज्ञान कि छात्रा दिपा विकले बताइन ।

विद्यार्थीहरू मात्र होइन गत वर्ष मात्र डडेल्धुरा भन्दा बाहिरी जिल्लाका ७ वटा समुहले फर्मको अवलोकन भ्रमण गरेको तथा डडेल्धुराका थुप्रै समुह तथा व्यक्तिहरू ले आफ्नो फर्म भ्रमण गरेको फर्म सञ्चालक अवस्थी बताउँछन ।

कसरी हुन्छ मलको जोहो ?
भागेश्वर कृषि तथा पशुपालन फर्ममा उत्पादन भएको तरकारीहरू सुदूरपश्चिमका प्राय स् सबै जिल्लाहरूमा पुग्ने गर्दछ । व्यवसायिक कृषिमा लाग्नु भन्दा पहिलेनै आफ्नो फर्ममा अर्गानिक तरकारी उत्पादन गर्ने संकल्प गरेका फर्म संञ्चालक प्रसाद दत्त अवस्थीको मलको जोहो पनि चाख लाग्दो छ ।
गड्यौला मल ः फर्मको एक कुनामा गड्यौला मल उत्पादन प्लान्ट निर्माण गरिएको छ ।गड्यौला मल जैविक तरिकाले उत्पादन गरिने मल हो , जुन केही विशेष प्रकारका गड्यौला हरू प्रयोग गरि उत्पादन गर्ने गरिन्छ । फर्ममा रहेको ८ वटा च्याम्बर बाट प्रत्येक ६ महिनामा १६ क्विन्टल गड्यौला मल उत्पादन हुने गर्दछ जुन मल लाई फर्मले अर्गानिक तरकारी उत्पादनको लागी प्रयोग गर्ने गर्दछ । फर्मले प्रतिकिलो ८०० रुपैयाँका दरले गड्यौला पनि बेच्ने गर्दछ र यो वर्ष मात्र १५० किलो बिक्री गरेको फर्मको तथ्यांक ले बताउदछ ।

कुखुराको मल:

फर्मको प्रवेशद्वारमै स्थानीय तथा विकासे जातका कुखुराको खोर रहेको छ । त्यो कुखुराको खोरमा जम्मा भएका मल फर्मको लागी मलको अर्को मुख्य श्रोत हो । एक लटमा ५०० वटा विकासे कुखुरा तथा १०० वटा स्थानीय कुखुरा हालिन्छ । कुखुरा बिक्री बाट कुखुरा हुर्काउन लागेको लागत मात्र फर्किए पनि त्यस वाट उत्पादन हुने मल लाई नाफाको रुपमा लिएर अर्गानिक तरकारी खेतीको लागी प्रयोग गर्ने गरिन्छ ।
माछापोखरी ः फर्मको सबै भन्दा तल्लो छेउमा ३ वटा स साना माछा पोखरी निर्माण गरिएका छन जहाँ ५००० माछाका भुराहरू छाडिएका छन् । माछापोखरीमा हुर्केका माछा बेचेर मात्र फर्मले केवल आर्थिक रुपमा मात्र फाइदा लिदैनन् माछाको भुराहरू लाई दिइएको चारो हरू पोखरीको पिँधमा थिग्रिने र पछि माछा हटाउँदा उक्त चारो थिग्रिएको माटो लाई पनि मलको रुपमा प्रयोग गर्न सकिने फर्म सञ्चालक प्रसाद दत्त अवस्थीले बताए । वर्षमा ३ वटा माछा पोखरी बाट ४० कट्ठाका दरले १२० कट्ठा मल निकाल्ने गरेको फर्म सञ्चालक ले बताए ।

गाई भैसी र बाख्रा को गोठ:

फर्मको छेउमा रहेको गाईभैंसी गोठ रहेको छ भने छेउकै सानो कटेरोमा बाख्राहरू पालिएका छन । गाईभैँसीको दूध फर्ममा नै प्रयोग गर्ने गरिन्छ भने खसीबोका हरू बाहिरि बजारमा बिक्री गरिन्छ । खसिबोका र गाई भैँसी हरू संख्यात्मक रुपमा धेरै त छैनन् तर फर्मको लागी प्रशस्त मल दिइरहेको छ ।
यसरी विभिन्न प्रकारका जैविक मल हरुको व्यवस्था आफैँले आफ्नो फार्ममा गर्दा बाहिरबाट रासायनिक मलको प्रयोग गर्न नपरेको फार्मका संचालक बचाउँदछन् । यसले गर्दा माटोको गुणस्तर बढ्नुका साथै खेतीबारीमा तरकारी तथा अन्य बालीहरूको उत्पादनमा पनि वृद्धि भएको छ । जलवायु परिवर्तनबाट निम्तिने विभिन्न समस्यामा रहेको प्रमुख कारण मध्ये रोगकीरा नियन्त्रण गर्नका लागि पनि यस्ता जैविक मलले धेरै सहयोग गर्दछन् । त्यसकारण उत्पादनमा वृद्धि ल्याई आम्दानीमा पनि सहयोग गर्न सक्ने हिसाबले जैविक मलको प्रयोग गर्न अति आवश्यक छ ।

सफलता भन्दा पनि सन्तुष्टि मिलेको छ:
फर्म सञ्चालक को लागी फर्म सञ्चालन त्यति सहज देखिदैन पछिल्लो समयको जलवायुजन्य असरहरू जस्तै खडेरी तथा अ कल्पनीय वर्षाले खेतीपातीमा असर पारिरहेको देख्न सकिन्छ । २०७५ मा सुरु भएको कृषि तथा पशुपालन फर्म राम्रो संग फस्टाईरहेको बेला अचानक २०७८ साल असोजको अन्तिम देखी कार्तिक पहिलो हप्ता भएको अ कल्पनीय वर्षाले फर्ममा रहेको भैसी गोठ, बाख्रा गोठ, कुखुरा खोर, हाते ट्रयाक्टर हरु र बिक्रीका लागी तरकारीहरू बगाए पनि आत्मविश्वास टुटेको छैन प्रसाद दत्त अवस्थीको ।
२०७८ मा नोक्सान भएको फर्मको क्षतिपुर्तिका लागी फर्ममा भएको क्षतिको विवरण सहित प्रहरी मुचुल्का स्थानीय सरकार, प्रदेश सरकार का साथै केन्द्र सरकार सम्म पुगेको र क्षतिपुर्तिको आश्वासन दिएको भन्दै क्षतिपुर्ति पाउनेमा आशावादी फर्म सञ्चालक अवस्थी अव चाही आफू फर्म मा रहेको तरकारी तथा पशुपक्षीहरूको बिमा गरि सुरक्षित हुने तर्फ सोचिरहेको बताउँछन ।
विपद पश्चात सरकारले गर्नुपर्ने राहत तथा पुनर्स्थापनका लागी गर्ने काम तथा बैँकहरूको अनियमित ब्याजदर प्रति गुनासो रहेको बताउने प्रसाद दत्त अवस्थी जेनतेन आफ्नो फर्म लाई बिउँताइ रहेकाछन् । विभिन्न विद्यालयमा वाली विज्ञानको सैद्धान्तिक अध्ययन पश्चात प्रयोगात्मक अभ्यासका लागी विभिन्न कार्यालयमा विद्यार्थी जाने भए पनि विद्यार्थीहरूले आशातित रुपमा प्रयोगात्मक अभ्यास गर्न नपाईरहेको आफ्नो कृषि फर्म मा त्यो सुविधा उपलब्ध गराइरहेको बताउँछन् ।

डडेल्धुराका अरु कृषि फर्मको अवस्था के छ:
डडेल्धुराका विभिन्न स्थानीय तहहरूमा पछिल्लो समय विशेष गरेर युवाहरू व्यवसायिक कृषि फर्म दर्ता गरेर कृषिमा लागिरहेको देख्न सकिन्छ । गन्यापधुरा गाउँपालिका, अमरगढी नगरपालिका, परशुराम नगरपालिका, आलिताल गाउँपालिका लगायत जिल्लाका ७ वटै पालिकामा व्यवसायिक कृषि फर्म हरू सञ्चालन मात्र भएका छैनन् ति व्यवसायिक फर्महरु सिकाइ केन्द्रको रुपमा विकास भइरहेको कृषि ज्ञान केन्द्र डडेल्धुराका निमित्त कार्यालय प्रमुख खेमराज पनेरुले बताउनु भयो ।

Khabardarinews

 

 

डडेलधुरा(डिआर भट्ट)- डडेलधुराको भागेश्वर गाँउपालिका ५ मा रहेको सारदा मावि सिराडमा जनचेतनामुलक कार्यक्रम आज सम्पन्न भएकोछ । लुनिभा बालसरोकार डडेल्धुराको आर्थिक सहयोग र सारदा मावि सिराडको सहकार्यमा कार्यक्रम सम्पन्न भएको शिक्षक रमेश भण्डारिले जानकारि दिएका छन् ।
र्यालिमा विद्यालयका १५० विद्यार्थी तथा शिक्षक, अभिभावकहरुको सहभागिता रहेको थियो ।
सचेतनामुलक नारामा जुवातास सम्बन्धि नारा लगाईको थियो । यस सचेतनामुल सन्देशले समाजमा सकारात्मक असर पर्ने लुनिभा बालसरोका डडेल्धुरा भागेश्वरका प्रमुख पुस्पराज भट्टले बताए ।

Khabardarinews

 

 

डडेल्धुराः डडेल्धुरा जिल्लाको नवदुर्गा गाँउपालिका— १ कोटेलि का ४ बर्षिय डम्बर भट्टको उपचारका लागि आर्थिक सहयोग गरिदिनु परिवारले अनुरोध गरेका छन् ।
उनको मस्तिष्क ज्वरो भई एक्कासि बेहोस भएपछि उनलाई अस्पताल लगिएको थियो अहलिे थप उपचारका लागि भारतको बरेलीमा रहेको राममुर्ति अस्पतालमा उपचार भईरहेको आफन्त हेमा भट्टले जानकारि दिईन् ।

बालकको ३० दिन देखि आई सि यु कक्षमा उपचार भई रहेकोछ । थप केही दिन अरु राख्ने अस्पतालले जानकारि दिएकोछ । थप उपचारका लागि आर्थिक स्थिति कमजोर भएकाले सहयोग गरिदिनु परिवारले अनुरोध गरेकोछ ।
यसरि गर्न सकिन्छ सहयोग- 

नाम :- दिपक प्रसाद भट्

Khabardarinews

 

 

धनगढीः कञ्चनपुरका छाडा पशु चौपाया(गाई) सँग मोटरसाइकल ठोक्किदा भएको दुर्घटनामा एक जना गम्भीर घाइते भएका छन् ।

पूर्वपश्चिम राजमार्ग अन्तरगत कृष्णपुर नगरपालिकाको वाणीमा शुक्रबार साँझ बा२ब ८९५० नम्बरको सरकारी मोटरसाइकल गाईसँग ठोक्किदा एक जना गम्भीर घाइते भएको प्रहरीले जनाएको छ ।

प्रदेश ट्राफिक प्रहरी कार्यालय अत्तरियाकाअनुसार घाइते हुनेमा बैतडीको पुर्चौडी नगरपालिका–७ घर भएका २५ वर्षीय करन साउँद रहेका छन् ।

उनको धनगढीको माया मेट्रो अस्पतालमा भेन्टिलेटरमा उपचार भइरहेको छ । मोटरसाइकल पछाडि सवार प्रकाश जोशी समान्य घाइते भएका छन् ।

गम्भीर घाइते भएका साउँद अछामको नापी कार्यालयका अमिन रहेको खुलेको प्रहरीले जनाएको छ ।

Khabardarinews

 

 

डडेल्धुराः डडेल्धुरामा राति १० बजेसम्म मात्रै देउसी भैलो खेल्न पाइने भएको छ । जिल्ला प्रशासन कार्यालय डडेल्धुराले सूचना जारी गर्दै राति १० बजेसम्म मात्रै देउसी भैलो खेल्न पाइने उल्लेख गरेको हो ।

प्रमुख जिल्ला अधिकारी अञ्जन न्यौपानेद्धारा जारी सूचनामा देउसी भैलोका कार्यक्रम रातको १० बजेसम्म सञ्चालन पाइने भनिएको छ ।

तिहार मनाउने क्रममा पटका, आतिशवाजी जस्ता विस्फोटक पदार्थ ओसारपसार, बिक्री वितरण तथा प्रयोग नगर्न, कृत्रिम फूलमाला प्रयोग नगर्न र कानूनले निषेध गरेका जुवा तास, खडगडे जस्ता क्रियाकलापहरू नगर्न पनि प्रशासनले आग्रह गरेको छ ।
प्रशासनको सुचनालाई अबज्ञा गर्दै व्यापारिहरु
जिल्ला प्रशासन कार्यालय डडेल्धुराले कृत्रिम फूलमाला प्रयोग नगर्न सुचना जारि गरे पनि बजारमा प्लास्टिक जन्य मालाहरुको भने खुलेआम बिकिृ वितरण भईरहेकोछ ।
पछिल्लो समयमा तिहारको रौनकता बढे सागै डडेल्धुरा जिल्ला सदरमुकाममा चहलपहल बढेको छ भने व्यापारमा पनि बृद्धि भएकोछ ।
तिहारका लागि मालाको रुपमा प्रयो गरिने प्लास्टिकको मालहरु पनि खेलेआम बिकिृवितरण भईरहेको छ तर यसमा भने जिल्ला प्रशासन कार्यालय डडेल्धुराले खासै चासो दिएको देखिदैन । प्रशासनले कानुनी दायरामा नल्याउदा व्यापारिहरुले यसको फाई भरपुर उठाएका छन् ।
डडेल्धुरामा प्लास्टिक जन्य मालाको विकल्पका रुपमा बिकसानहरुले फुलहरु व्यावसायिक रुपैयमै उत्पादन गरेका छन् तर बजारमा पाईने प्लास्टिकका मालाहरुको प्रतिबन्ध नहुँदा आर्गानिक सयपत्रि फुलहरुको व्यापार नहुदाँ बारिमै सुकने चिन्ना किसानहरुमा छ ।
के हुन्छ त प्लास्टिकका मालाहरु प्रयोग गर्दा स्वास्थ्यमा असर
प्लास्टिकजन्य सामग्री बनाउन धेरै किसिमका रासायनिक पदार्थ प्रयोग हुन्छन्। र, त्यसमध्येका केही रासायनिक पदार्थले हाम्रो इन्डोक्राइन सिस्टमलाई नकारात्मक असर पार्छ। हर्मोनको उत्पादन र वितरणमा इन्डोक्राइन सिस्टमको भूमिका हुन्छ। हर्मोनमा आउने भड्काउले धेरै किसिमको स्वास्थ्य समस्या ल्याउन सक्छ।

Khabardarinews

 

 

डडेल्धुराः डडेल्धुरामा रहेको डडेलधुरा अस्पतालले भारि संख्यामा कर्मचारि माग गरेकोछ । अस्पतालले २३ गते एक सुचना जारि गर्दै कर्मचारि माग गरेको हो । अस्पातालले हेल्थ असिस्टेन्ट १,स्टाप र्नस ४, फार्मेसि साहयक २, कम्प्युर अपरेटर १,अहेब ३ , अ.न.मीं ३, ल्याब असिस्टेन्ट २, काउन्टर साहयक १, ऐक्सरे साहयक १, कार्यालय सहयोगी १०, स्वीपर ५ जाना माग गरेकोछ ।
हेरौं अस्पातालले जारि गरेको सुचना- 

Khabardarinews

 

 

डडेल्धुरा(डिआर भट्ट): डडेल्धुराको अजयमेरु -६ राजुलमा बृहत साँस्कृतिक कार्यक्रम तथा खुल्ला भलिबल पुरुष भलिबल प्रतियोगिता सुरु भएकोछ । आज दिउसो १ बजे एक औपचारिक कार्यक्रमका बिच कार्यक्रम सुरु भएको हो । अजयमेरु गाँउपालिका द्धारा प्रायोजित तथा अजयमेरु ६ राजुल द्धारा आयोजित कार्यक्रम सुरु भएको हो । कार्यक्रममा प्रमुख अथिती सुदुरपश्चिम प्रदेश सभा सदस्य सरस्वति खड्का, बिशिष्ठ अथितीमा अजयमेरु गाँउपालिकाका प्रमुख उमेश भट्ट (बिकास), अथितीमा पालिका उपाध्यक्ष, वडा अध्यक्षहरुको सहभागिता रहेको थियो भने कार्यक्रमको सभापतिमा अजयमेरु ६ का वडा अध्यक्ष हरि भण्डारि रहेका थिए ।

भलिबलमा प्रथम हुने टिमले रु ७७ हजार ७ सय ७७ नगद, द्धृतीय टिमले ५५ हजार ५ सय ५५ , तृतीय टिमले ३३ हजार ३ सय ३३ र सान्तोना हुने टिमले रु ५ हजार ५ सय ५छ पाउने छ । यो सँगै कार्यक्रममा हुडकेली नाँच, डेउडा लगायतका सास्कृतिक कार्यक्रमहरु रहनेछन् । कार्यक्रम २५ गते सम्म चल्ने छ ।
कार्यक्रममा बोल्दै सभापति भणडारिले भनेः हामी स्थानीय स्तरमा खेल मार्फत स्थानीय कला सँस्कृतीको जर्गेना गर्ने लक्ष्यका साथ हामीले यो कार्यक्रम आयोजना गरेका हौँ । यस कार्यक्रममा साथ सहयोग गर्नुहुने सबैलाई हार्दिक धन्यबाद दिन चाहान्छौ ।

कार्यक्रमका तस्बिरहरु-

Khabardarinews

 

 

✍️ ज्योतिषाचार्य नारायणप्रसाद भण्डारी

आज मिति २०८० कात्तिक २२ गते बुधबार, ई.सं. ८ नोभेम्बर, २०२३ । तिथि- कात्तिक कृष्णपक्ष एकादशी, नक्षत्र- पूर्वफाल्गुनी, योग- ऐन्द्र, करण- भद्रा, चन्द्रराशि- सिंह, सूर्योदय ६ः२०, सूर्यास्तः १७ः१४ ।

मेष : भाइबहिनी वा सन्ततिका तर्फबाट दुःखद खबर प्राप्त हुनेछ ।

वृष : घरायसी समस्याहरू देखा पर्न सक्छन् ।

मिथुन : मनमा देखिएका निराशा र खिन्नताको समाप्ति हुनेछ ।

कर्कट : कुनै भौतिक सामान खरिद गर्नका लागि समय राम्रो छ ।

सिंह : प्रतिफल प्राप्त नहुने क्षेत्रमा निरर्थक लगानी हुने भय छ ।

कन्या : मेवा-मिष्ठान्न आदि खाने वातावरण मिल्नेछ ।

तुला : एक्लोपना र निराशाले सताउनाले मन एकतमासको बन्न सक्छ ।

वृश्चिक : कार्यबोझले शारीरिक थकान बढ्नेछ ।

धनु : नयाँ व्यापार वा व्यवसायतर्फ मन आकर्षित हुनेछ ।

मकर : खर्च बढे पनि घरायसी सुखसुविधाका सामग्रीको जोहो हुनेछ ।

कुम्भ : आफ्ना कामबाट पछुताउनुपर्ने अवस्था आउनेछ ।

मीन : प्राज्ञिक र बौद्धिक क्षमता बढाउनु राम्रो हुन्छ ।
थप सामग्री : गृहपृष्ठ – खबरदारी न्युज (khabardarinews.com)

Khabardarinews