एमाले अध्यक्ष ओलीले १५ गते डडेल्धुरामा सम्बोधन गर्ने

डडेल्धुराः पूर्व प्रधानमन्त्री तथा नेकपा एमालेका अध्यक्ष केपी शर्मा ओली डडेल्धुरा आउने भएका छन्। मंसिर १५ गते डडेल्धुरा आउन लागेको एमाले डडेल्धुराका प्रचार विभाग प्रमुख सुन्दर जैरुले जानकारी दिएका छन्।

जैरुका अनुसार ओली डडेल्धुरा आउने भएपछि मंसिर १५ गते बिहान १० बजे जिल्ला सदरमुकाम बसपार्कमा सन्देश सभा कार्यक्रम राखिएको छ। बसपार्कमा हुने उक्त कार्यक्रममा उनले सम्बोधन गर्ने छन्।

एमालेको ‘झुलाघाट–चिवाभञ्ज्याङ समृद्धिका लागि सङ्कल्प यात्रा’ यही मङ्सिर १४ गतेदेखि शुभारम्भ हुँदैछ। यात्राको शुभारम्भ ओलीले गर्ने कार्यक्रम रहेको नेकपा एमाले बैतडीका जिल्ला कमिटी उपसचिव लोकेन्द्र भण्डारीले जानकारी दिए।

भागेश्वर मन्दिर (धुरा) मा समाजसेवी विनय प्रकाश मल्लको सहयोगमा निशुल्क चियापान

डडेल्धुराः डेल्धुराको भागेश्वर गाउँपालिकाको महाभारत क्षेत्रमा रहेको भागेश्वर मन्दिर धुरामा मंसिर ११ गते जाँत सम्पन्न भएकोछ ।
जाँतमा डडेलधुरा लगायत सुरपश्चिमका नौ वटै जिल्ला र छिमेकि मुलुक भारत बाट समेत दर्शर्थीहरु आएको पुजारि तिलक चटौतले जानकारि दिएका छन् । जाँतमा समाजसेवी विनय प्रकाश मल्लको सहयोग तथा डडेल्धुरा युवा मञ्च भागेश्वर र जय बाबा घटाल क्लवको सहकार्यमा निशुल्क चियापान कार्यक्रम आयोजना गरेको कार्यक्रम संयोज दिपक राज भट्टले बताएका छन् । मेलामा आएका दर्शनार्थीहरु टिमले निशुल्क चियापान गराएको यस्तै सुरक्षाकर्मि, भजनकृतन मण्डलका सदस्यहरु लाई समेत निशुल्क चियापान गराईएको भट्टको भनाईछ । करिब १ हजार कप निशुल्क वितरण गरेको आयोजकले जनाएकोछ ।

No description available.

भागेश्वर मन्दिर (धुरा) जाँत सम्पन्न

डडेल्धुरा(दिपकराज भट्ट)- डडेल्धुराको भागेश्वर गाउँपालिकाको महाभारत क्षेत्रमा रहेको भागेश्वर मन्दिर धुरामा मंसिर ११ (आज) जाँत सम्पन्न भएकोछ । मेलामा डडेलधुरा लगायत सुरपश्चिमका नौ वटै जिल्ला र छिमेकि मुलुक भारत बाट समेत दर्शर्थीहरु आएको पुजारि तिलक चटौतले जानकारि दिएका छन् । जाँतको राती (रतेडी) मा भक्तजनहरुले गित, भजन गाउने नाच्ने गरेका थिए ।

भागेश्वर मन्दिर भगवान शिवका ‘फुटलिङ्ग’

डडेल्धुराः भागेश्वर शिवजीका ‘फुटलिङ्ग’ मानिन्छन् । यी समुद्री सतहदेखि २००२ मिटर अग्लो शिखरमा छन् । यस धुराको पश्चिममा रुपालगाउँ, पश्चिम उत्तरमा वगरकोट गाउँ पूर्वमा गाङखेतगाउँ क्षेत्र र दक्षिणमा शीर्षगाउँ रहेको छन् । २२ गाउँबाट धुपपोखल पुजासामग्री, उत्पादित खाद्यबस्तु ल्याएर भागेश्वरको पूजाआजा गर्ने चलन रहेको छ । No description available.

 

२२ गाउँको ढुङ्गा, पाथर, काठ, नगद जिन्सी र मिस्त्री सहितका बस्तु ल्याएर भागेश्वरको मन्दिर निर्माण गरिएको किबदन्ती छ । पहिलो भागेश्वर देवताकोमा २२ वटा देउरो जाने चलन भएपनि अहिले आएर ग्वानी, डुङ्गरी, सिराड, रुपाल, बगरकोटबाट मात्रै देउरो जान्छ ।
भागेश्वरसँग पासो, कैलपाल, कनवेताल हुन्छन् । पासो देवता भागेश्वरको प्रमुख द्वारपाल हो । भागेश्वरमा चार पटक (श्रावणपुर्णीमा, कार्तिक शुल्क बैकुण्ठचर्तुदशी, माघ शुल्कपुर्णिमा, बैशाख शुल्कपुर्णिमा) पुजाआजा गर्ने प्रचलन भएपनि अहिले आएर दुई पटक पूजिन्छन् ।

No description available.

 

‘श्रावण शुक्लपूर्णामा तथा रक्षावन्धनका दिन दिउँसो पूजिन्छन र कार्तिक शुक्लवैकुण्ठचर्तुदशीका दिन राती पूजिन्छन् ।’ पुजारी हेमराज चटौतले भने, ‘यहाँ दर्शन गर्नाले सबै मनोकामना पुरा हुने गर्दछन् ।’
यहाँ कश्यप गोत्रीय चटौत ब्राह्मणबाट पूजापाठ रुद्री लगाउँने गरिन्छ भने जोशी ब्राह्मणबाट सबै कुराको व्यवस्थापन गर्ने गरिन्छ । चिपुर मणको विष्ट भागेश्वरको द्वार ९ढोका० मा ‘नाङ्गो खुकुरी’ लिएर उभिने चलन हो । भागेश्वरको पूजामा आएको धुप, पोखल रुपालको मडै (क्षेत्रीजाति)बाट जम्मा गर्ने व्यवस्थापन गर्ने गरिन्छ ।
गर्भवती भएकी श्रीमतीमा स्वास्थ्यमा समस्या आएपछि राजा नाग मल्ल भागेश्वरको शरणमा आएर ‘फुटलिङ्ग’मा छातामा छत बनाएर मन्दिर बनाउन बनाएका थिए । तर त्यो सबै चोरिएको छन् । ‘शिवको साक्षात्त फुटलिङ्ग यही भएको हुदाँ आउने दर्शन गर्न आउने सबैलाई मनोकामना पुरा हुन्छ ।’ रुपाल नौतडीका परमानन्द जोशीले भन्नु भयो, ‘यहाँ धेरै पुर्वाधारहरु बनाउँन बाँकी छ । त्यसका लागि राज्य लगानी गर्नुपर्छ ।

No description available.

 

महाभारतको उच्च शिखर स्थानमा भागेश्वर देवता आएर निवास गरि रहेको कुरा ‘ग्वान्नी’ क्षेत्रमा पर्ने ‘किरोड’ गाउँमा बस्ने एक्जना ‘त्रिवड’ भन्ने ‘लोहार’ जातीको घरमा रहेकी एउटा ‘कैलु’ गाइले पनि थाहा पाएकी थिइन् । गाई रहेक दिन शिलामा दुध दिने गर्दथ्यो । तर गाईमालिकले दुध गोठालो दुध चोरकेको आरोप लगाउने गर्दथे । एक कैलु गाईलाई गोठालोले शिवको फुटलिङ्गमा प्रत्यक्ष रुपमा दुध दिएको देखेरपछि आफुसँगा भएको हसियाले गोठालोले फुटलिङ्गमा हालेर रगतको खोला बनाएको थियो ।

भागेश्वर रुपाल नौतडीका गुणाकर जोशी र कमलाकर भाट बिहान अत्यकर्म गर्न नजिकको खोलामा गएपछि खोलाको पानी सुर्य अर्घ गर्दा रगत देखेपछि त्यहीलाई पछ्याउँदै गर्दा ‘फुटलिङ्ग’ रुपमा अहिले अवस्थीत स्थानमै पाएको ईतिहास छ । तेही कारण गुणाकर जोशी र कमलाकर भाटका सन्तानले कर्ताको रूपमा यज्ञमा बस्नु पर्दछ । त्यो पुस्ताका सन्तानकाहरूको अनुपस्थिति (जुठोसुत्केरो) भएको खण्डमा टाँटरगाउँका जोशी र निरोला भण्डारी (जो पहिलो जोशी नै थिए) ब्राह्मणले कर्ताको रूपमा यज्ञमा बस्नु पर्दछ । पूजा शुद्ध पवित्र वस्तु गाईको दूध गङ्गाको जल पहेलो रङ्ग मात्र चाहिने भएको र रातो रंग भागेश्वरलाई नचढ्ने भएका कारण श्रीखण्डको चन्दनबाट पूजा हुने गर्दछ ।

No description available.

भागेश्वरको पक्षशाला २२ खाम छन् । भागेश्वरको उत्पति नभएको समयमा पाण्डवहरू वनबासको लागि भागेश्वरको धुराहुँदै जाँदा त्यस धुरामा पानी देखिएन् । त्यसपछि त्यस धुरामा अर्जुनले खड्क प्रहार गरेर पानी निकालेका हुन् । यो पानी निकालेको भनिने जललाई काँसीको जल भन्ने चलन छ । गँगोत्रीको जल मानेर यसै जलले भागेश्वरको पूजा गर्ने गरिन्छ । यस जलको न्वालालाई खड्के न्वालो भन्दछन्

भागेश्वर मन्दिरकै नामबाट भागेश्वर गाउँपालिकाको पनि नामाकंरण गरिएको हो । धार्मिक रुपमा पैदल यात्रा गरेर जाने हो भने डडेल्धुरा सदरमुकाम देखि बगरकोटसम्म सवारी साधानमा पुगिन्छ भने तेहाबाट करिब ६ घण्टाको पैदल यात्रामा चुल्ल हुदै भागेश्वर धुरा पुगिन्छ । तेहाँ जाने ब्यक्तिलेहरु आफैसँगै राती बस्नका लागि टेन्ट, त्रिपाल आदीको ब्यावस्था गरेर जानु पर्नेहुन्छ । अर्को बाटो भनेको डडेल्धुरा–बगरकोट–सिराड–बिरखमसम्म गाडी र त्यहाँबाट २ घण्टाको पैदल यात्रामा भागेश्वर मन्दिर पुग्न सकिन्छ ।

हेरौं फोटोहरुः

No description available.

 

No description available.

No description available.

भागेश्वर गाउँपालिकामा पाँच जना उद्यमी सम्मानित

डडेल्धुरा(डिआर भट्ट) –डडेल्धुराको भागेश्वर गाउँपालिकाले पालिकाभित्रका ५ जना उद्यमीहरुलाई नगद सहित पालिकाले सम्मान गरेको छ । नवौं उद्योग दिवसको अवसरमा पालिकाले प्रत्येक वडाबाट एक÷एक जना गरेर पाँच जना उद्यमीलाई सम्मान गरेको गाउँपालिकाका प्रमुख प्रशासकीय अधिकृत खगेन्द्र भारतीले बताए ।

‘स्वदेशी उत्पादन अभियान उद्यमीको सम्मान ’भन्ने नारासहित दिवसको अवसरमा पाँच जनालाई सम्मान गरिएको हो । शनिबार एक कार्यक्रमकाबीच उद्यमीहरुलाई गाउँपालिका अध्यक्ष हेमराज चटौतले प्रतिव्यक्ति दुई हजार नगदसहित सम्मान पत्र प्रदान गरे ।

दिवसको अवसरमा सम्मानित हुनेमा वडा नं १ को पोलेक अल्लो प्रशोधन साझा सुविधा केन्द्रका उद्यमी करिश्मा थापा मगर, वडा नं २ स्थित बुढामगर सिलाई सेन्टरका सञ्चालक कौशिला बुढामगर, वडा नं ३ स्थित मंगलेश्वर कृषि तथा पशुपालन फर्मका सञ्चालक मानसिंह मडै, वडा नं ४ स्थित अशिग्राम कृषि तथा पशुपालन फर्मका सञ्चालक प्रेम नाथ र वडा नं ५ स्थित करिना कृषि तथा पशुपन्छी फर्मका सञ्चालक टेकसिंह चाड रहेका छन् ।

गाउँपालिकाको नीति तथा कार्यक्रममा उद्यमीहरुलाई प्रोत्साहन गर्ने उद्देश्य सहित सम्मान गरिएको प्रमुख प्रशासकीय अधिकृत भारतीले बताए । स्वदेशी उत्पादन गाउँपालिका भरी पुर्याउने पालिकाको लक्ष्य रहेको उनले बताए ।

नवौं उद्योग दिवसको अवसरमा पालिकाले प्रत्येक वडाबाट एक÷एक जना गरेर पाँच जना उद्यमीलाई सम्मान गरेको गाउँपालिकाका प्रमुख प्रशासकीय अधिकृत खगेन्द्र भारतीले बताए ।
नवौं उद्योग दिवसको अवसरमा पालिकाले प्रत्येक वडाबाट एक÷एक जना गरेर पाँच जना उद्यमीलाई सम्मान गरेको गाउँपालिकाका प्रमुख प्रशासकीय अधिकृत खगेन्द्र भारतीले बताए ।

उद्यमीहरुलाई सम्मान गर्दै गाउँपालिका अध्यक्ष चटौतले स्थानीयस्तरमा रोजगारी सिर्जना गर्दै उद्यम गरिरहेकाहरुलाई भागेश्वर गाउँपालिकाले आगामी दिनमा समेत सहयोग गर्ने बताए ।
यसरि पालिका बाट हौसला पाउँदा आफुला थप हौसला र आट मिलेको उद्यमी टेक सिंह चाडले बताएका छन् साथै उनले थपे स्वदेशमै उद्यम गर्ने युवाहरु लाई पालिकाबाट प्राविधिक तथा आर्थिक सहयोग हुन सकेका पालिका आत्मानिर्भर हुने र युवाहरुले बिदेश जानु पर्ने बाध्यता हनेछ ।

थानीय स्रोतमा आधारित सिप छनौट गरेर तालिम दिने गरेको । पाचै वडामा २५७ जना पछिललो तीन बर्षमा
लागत साझेदारी मेसिन औजार दिने गरेको । अल्लोका लागि भागेश्वर गाउँपालिकाको वडा नंम्बर १ को दुनालेक वडा नंम्बर २ को दुनालेक, लेकुडा, उक्कलेक, यस्तै वडा नंम्बर ५ को रुपाली गाड,बुर्ष अहिले उद्यमीहरुले कपडाहरु बनाई रहेकखा छन् । वडा नंम्बर ४ मा तरकारी खेती, कागती, रिठा, वडा नंम्बर ५ मा सुन्तला, जुनार,कागती, किवी,दालचिनी ,तरकारीखेती का लागि सम्भावित क्षेत्र रहेको छ । हामीले यी क्षेत्रहरुमा उद्यमीहरु लाई तालिम दिने र सडि मोनी दिने गरेका छौ उद्यम विकास सहजकता पार्वती शाहिले बताउनुभयो ।
पालिकाले यी सम्भावित क्षेत्रहरुमा आवश्यक रणनीती बनाएर काम गर्ने हो भने पालिकामै स्थानीय उतपादनका उतपादन बढनेमा कुनै दुई मत छैन् ।

सिकाइ केन्द्र बन्दै डडेल्धुराका व्यवसायिक कृषि फर्महरु

गणेश बहादुर मगर- व्यवसायिक रुपमा खेतीपाती गरी आम्दानी बढाउने उद्देश्यले खोलिएको डडेल्धुराका केही व्यवसायिक कृषि फर्महरू पछिल्लो दिन सिकाइ केन्द्रको रुपमा विकास हुन थालेका छन् ।
कुनै बेला डडेल्धुराको आलिताल क्षेत्रमा उत्पादन भएको मुलाको बिउ बंगलादेश सम्म निर्यात भएको समाचारले कृषिकर्ममा लागेका हरू लाई निकै उत्साहित मात्र बनाएन बिस्तारै तरकारी उत्पादनमा लाग्न उत्प्रेरणा पनि दिएको थियो र त्यो समय पछि डडेल्धुरामा कृषि त्यो माथि पनि तरकारी खेती गर्नेहरू बढेका हुन भन्दा फरक नपर्ला ।
कृषि गणना २०६८ अनुसार डडेल्धुरामा कृषि तथा पशुपालन गर्ने परिवारको संख्या २४७९७ रहेको तथ्यांकले देखाउदछ भने कृषि गणना २०७८ अनुसार कृषि तथा पशुपालन गर्ने परिवारको संख्या २६९९४ रहेको छ । तुलनात्मक रुपमा हेर्दा १० वर्षको अन्तरालमा कृषि तथा पशुपालन गर्नेहरूको परिवारको संख्या २१९७ ले बढेको देखिन्छ तर कृषि तथा पशुपालनमा लागेका परिवार मध्ये २४।२४ प्रतिशत लाई मात्र आफ्नो उत्पादनले वर्ष भरी खान पुग्ने तथ्यांकले अधिकांश किसानहरू तरकारी खेती तर्फ आकर्षित भएको अनुमान लगाउन सकिन्छ ।
आर्थिक वर्ष ०७८।७९ मा डडेल्धुरामा मात्र १०९० हेक्टरमा आलुखेती गरि २० हजार नौ सय २८ मेट्रिक टन उत्पादन भएको तथ्यांक कृषि ज्ञान केन्द्र, डडेल्धुरा सँग रहेको छ भने पछिल्लो आर्थिक वर्ष ११७० हेक्टरमा आलुखेती गरिएकोले उत्पादन गत आर्थिक वर्षको तुलनामा राम्रो हुने अपेक्षा गरिएको छ ।
बाँझो जमिनको उपयोग र स्वदेशमै रोजगारी सृजना गर्नुपर्छ भन्ने सोचका साथ २०७५ सालमा डडेल्धुराको गन्यापधुरा गाउपालिका वडा नं। १ लकतडामा करिव १०० रोपनी बाँझो जमिन भाडामा लिई भागेश्वर कृषि तथा पशुपालन फर्मको सुरु भएको हो ।
शिक्षित बेरोजगारहरू बढी रहेको र अधिकांश युवाहरू कामको खोजीमा विदेशिन लागेको देखेर स्वदेशमै केही गर्न सकिन्छ भनेर स्नातक सम्म अध्ययन गरेको युवा प्रसाद दत्त अवस्थीले भारत बाट आयात हुने तरकारी लाई रोक्नु पर्छ भन्दै अर्गानिक तरकारी खेती सुरु गरेका हुन ।
डडेल्धुरा सदरमुकाम नजिकै रहेको भातकाँडा बजार बाट करिव ७ किलो मिटरको दूरीमा रहेको उनको फर्ममा नियमित रुपमा १५ जना र सिजनल रुपमा ४० देखी ५० जनाले रोजगारी पाइरहेको देख्न सकिन्छ ।
कृषि फर्ममा गत वर्ष १३ जना विद्यार्थीहरूले ६ महिना प्रयोगात्मक तालिम लिएका थिए भने यो वर्ष १९ जना विद्यार्थीहरू फर्ममा सिकिरहेका छन् ।
यस वर्षका १९ जना वाली विज्ञानका विद्यार्थीहरू मध्ये बझाङ जिल्लाको देवेश्वरी माध्यमिक विद्यालयका ४ जना विद्यार्थीहरू ६ महिने ओजेटी सकेर भर्खर मात्र विद्यालय गए भने डोटी जिल्लाको के।आई।सिँह गाउँपालिकाको झिमे मालिका माध्यमिक विद्यालयका १५ जना विद्यार्थीहरू फर्ममा व्यवसायिक कृषि सिकिरहेका छन् ।
फर्ममा सिक्न आउने विद्यार्थीहरू लाई फर्मको तर्फ बाट गाँस वासको सुविधा निशुल्क उपलब्ध गराइन्छ । बिहान बेलुकी नै कृषि कर्ममा रमाउन पाउने हुँदा सिक्दा सिक्दै समय बितेको पत्तै नहुने बताउँदै फर्ममा कृषि सिक्दै गरेकी डोटी के।आई। सिँह गाउँपालिकाकी वाली विज्ञान कि छात्रा दिपा विकले बताइन ।

विद्यार्थीहरू मात्र होइन गत वर्ष मात्र डडेल्धुरा भन्दा बाहिरी जिल्लाका ७ वटा समुहले फर्मको अवलोकन भ्रमण गरेको तथा डडेल्धुराका थुप्रै समुह तथा व्यक्तिहरू ले आफ्नो फर्म भ्रमण गरेको फर्म सञ्चालक अवस्थी बताउँछन ।

कसरी हुन्छ मलको जोहो ?
भागेश्वर कृषि तथा पशुपालन फर्ममा उत्पादन भएको तरकारीहरू सुदूरपश्चिमका प्राय स् सबै जिल्लाहरूमा पुग्ने गर्दछ । व्यवसायिक कृषिमा लाग्नु भन्दा पहिलेनै आफ्नो फर्ममा अर्गानिक तरकारी उत्पादन गर्ने संकल्प गरेका फर्म संञ्चालक प्रसाद दत्त अवस्थीको मलको जोहो पनि चाख लाग्दो छ ।
गड्यौला मल ः फर्मको एक कुनामा गड्यौला मल उत्पादन प्लान्ट निर्माण गरिएको छ ।गड्यौला मल जैविक तरिकाले उत्पादन गरिने मल हो , जुन केही विशेष प्रकारका गड्यौला हरू प्रयोग गरि उत्पादन गर्ने गरिन्छ । फर्ममा रहेको ८ वटा च्याम्बर बाट प्रत्येक ६ महिनामा १६ क्विन्टल गड्यौला मल उत्पादन हुने गर्दछ जुन मल लाई फर्मले अर्गानिक तरकारी उत्पादनको लागी प्रयोग गर्ने गर्दछ । फर्मले प्रतिकिलो ८०० रुपैयाँका दरले गड्यौला पनि बेच्ने गर्दछ र यो वर्ष मात्र १५० किलो बिक्री गरेको फर्मको तथ्यांक ले बताउदछ ।

कुखुराको मल:

फर्मको प्रवेशद्वारमै स्थानीय तथा विकासे जातका कुखुराको खोर रहेको छ । त्यो कुखुराको खोरमा जम्मा भएका मल फर्मको लागी मलको अर्को मुख्य श्रोत हो । एक लटमा ५०० वटा विकासे कुखुरा तथा १०० वटा स्थानीय कुखुरा हालिन्छ । कुखुरा बिक्री बाट कुखुरा हुर्काउन लागेको लागत मात्र फर्किए पनि त्यस वाट उत्पादन हुने मल लाई नाफाको रुपमा लिएर अर्गानिक तरकारी खेतीको लागी प्रयोग गर्ने गरिन्छ ।
माछापोखरी ः फर्मको सबै भन्दा तल्लो छेउमा ३ वटा स साना माछा पोखरी निर्माण गरिएका छन जहाँ ५००० माछाका भुराहरू छाडिएका छन् । माछापोखरीमा हुर्केका माछा बेचेर मात्र फर्मले केवल आर्थिक रुपमा मात्र फाइदा लिदैनन् माछाको भुराहरू लाई दिइएको चारो हरू पोखरीको पिँधमा थिग्रिने र पछि माछा हटाउँदा उक्त चारो थिग्रिएको माटो लाई पनि मलको रुपमा प्रयोग गर्न सकिने फर्म सञ्चालक प्रसाद दत्त अवस्थीले बताए । वर्षमा ३ वटा माछा पोखरी बाट ४० कट्ठाका दरले १२० कट्ठा मल निकाल्ने गरेको फर्म सञ्चालक ले बताए ।

गाई भैसी र बाख्रा को गोठ:

फर्मको छेउमा रहेको गाईभैंसी गोठ रहेको छ भने छेउकै सानो कटेरोमा बाख्राहरू पालिएका छन । गाईभैँसीको दूध फर्ममा नै प्रयोग गर्ने गरिन्छ भने खसीबोका हरू बाहिरि बजारमा बिक्री गरिन्छ । खसिबोका र गाई भैँसी हरू संख्यात्मक रुपमा धेरै त छैनन् तर फर्मको लागी प्रशस्त मल दिइरहेको छ ।
यसरी विभिन्न प्रकारका जैविक मल हरुको व्यवस्था आफैँले आफ्नो फार्ममा गर्दा बाहिरबाट रासायनिक मलको प्रयोग गर्न नपरेको फार्मका संचालक बचाउँदछन् । यसले गर्दा माटोको गुणस्तर बढ्नुका साथै खेतीबारीमा तरकारी तथा अन्य बालीहरूको उत्पादनमा पनि वृद्धि भएको छ । जलवायु परिवर्तनबाट निम्तिने विभिन्न समस्यामा रहेको प्रमुख कारण मध्ये रोगकीरा नियन्त्रण गर्नका लागि पनि यस्ता जैविक मलले धेरै सहयोग गर्दछन् । त्यसकारण उत्पादनमा वृद्धि ल्याई आम्दानीमा पनि सहयोग गर्न सक्ने हिसाबले जैविक मलको प्रयोग गर्न अति आवश्यक छ ।

सफलता भन्दा पनि सन्तुष्टि मिलेको छ:
फर्म सञ्चालक को लागी फर्म सञ्चालन त्यति सहज देखिदैन पछिल्लो समयको जलवायुजन्य असरहरू जस्तै खडेरी तथा अ कल्पनीय वर्षाले खेतीपातीमा असर पारिरहेको देख्न सकिन्छ । २०७५ मा सुरु भएको कृषि तथा पशुपालन फर्म राम्रो संग फस्टाईरहेको बेला अचानक २०७८ साल असोजको अन्तिम देखी कार्तिक पहिलो हप्ता भएको अ कल्पनीय वर्षाले फर्ममा रहेको भैसी गोठ, बाख्रा गोठ, कुखुरा खोर, हाते ट्रयाक्टर हरु र बिक्रीका लागी तरकारीहरू बगाए पनि आत्मविश्वास टुटेको छैन प्रसाद दत्त अवस्थीको ।
२०७८ मा नोक्सान भएको फर्मको क्षतिपुर्तिका लागी फर्ममा भएको क्षतिको विवरण सहित प्रहरी मुचुल्का स्थानीय सरकार, प्रदेश सरकार का साथै केन्द्र सरकार सम्म पुगेको र क्षतिपुर्तिको आश्वासन दिएको भन्दै क्षतिपुर्ति पाउनेमा आशावादी फर्म सञ्चालक अवस्थी अव चाही आफू फर्म मा रहेको तरकारी तथा पशुपक्षीहरूको बिमा गरि सुरक्षित हुने तर्फ सोचिरहेको बताउँछन ।
विपद पश्चात सरकारले गर्नुपर्ने राहत तथा पुनर्स्थापनका लागी गर्ने काम तथा बैँकहरूको अनियमित ब्याजदर प्रति गुनासो रहेको बताउने प्रसाद दत्त अवस्थी जेनतेन आफ्नो फर्म लाई बिउँताइ रहेकाछन् । विभिन्न विद्यालयमा वाली विज्ञानको सैद्धान्तिक अध्ययन पश्चात प्रयोगात्मक अभ्यासका लागी विभिन्न कार्यालयमा विद्यार्थी जाने भए पनि विद्यार्थीहरूले आशातित रुपमा प्रयोगात्मक अभ्यास गर्न नपाईरहेको आफ्नो कृषि फर्म मा त्यो सुविधा उपलब्ध गराइरहेको बताउँछन् ।

डडेल्धुराका अरु कृषि फर्मको अवस्था के छ:
डडेल्धुराका विभिन्न स्थानीय तहहरूमा पछिल्लो समय विशेष गरेर युवाहरू व्यवसायिक कृषि फर्म दर्ता गरेर कृषिमा लागिरहेको देख्न सकिन्छ । गन्यापधुरा गाउँपालिका, अमरगढी नगरपालिका, परशुराम नगरपालिका, आलिताल गाउँपालिका लगायत जिल्लाका ७ वटै पालिकामा व्यवसायिक कृषि फर्म हरू सञ्चालन मात्र भएका छैनन् ति व्यवसायिक फर्महरु सिकाइ केन्द्रको रुपमा विकास भइरहेको कृषि ज्ञान केन्द्र डडेल्धुराका निमित्त कार्यालय प्रमुख खेमराज पनेरुले बताउनु भयो ।

 

शारदा मावि सिराडमा सचेतनामुलक कार्यक्रम

डडेलधुरा(डिआर भट्ट)- डडेलधुराको भागेश्वर गाँउपालिका ५ मा रहेको सारदा मावि सिराडमा जनचेतनामुलक कार्यक्रम आज सम्पन्न भएकोछ । लुनिभा बालसरोकार डडेल्धुराको आर्थिक सहयोग र सारदा मावि सिराडको सहकार्यमा कार्यक्रम सम्पन्न भएको शिक्षक रमेश भण्डारिले जानकारि दिएका छन् ।
र्यालिमा विद्यालयका १५० विद्यार्थी तथा शिक्षक, अभिभावकहरुको सहभागिता रहेको थियो ।
सचेतनामुलक नारामा जुवातास सम्बन्धि नारा लगाईको थियो । यस सचेतनामुल सन्देशले समाजमा सकारात्मक असर पर्ने लुनिभा बालसरोका डडेल्धुरा भागेश्वरका प्रमुख पुस्पराज भट्टले बताए ।

No description available.

भीमदत्तको शालिक तोडफोड गर्ने दुई जना प्रहरी खोरमा

कञ्चनपुरः कञ्चनपुरको महेन्द्रनगरस्थित भीम वाटिका (स्थानीय पार्क) मा भीमदत्त पन्तको शालिक तोडफोड गर्ने दुई जनालाई प्रहरीले पक्राउ गरेको छ।

पन्तको शालिक तोडफोड गर्ने दुई जनालाई पक्राउ गरिएको कञ्चनपुर प्रहरीले जनाएको छ। उनीहरूको नाम खुल्न भने बाँकी छ। राप्रपाले राज संस्था पुनःस्थापना अभियान अन्र्तगत प्रदर्शनमा सहभागीले वाटिकामा प्रवेश गरी पन्तको शालिक तोडफोड गरेका थिए।

तोडफोडबाट शालिकको कम्मर मुनिको भागमा क्षति पुगेको छ। सुरक्षाकर्मीले दुई राउण्ड अश्रुग्याँस प्रहार गरी शालिक तोडफोड रोकेका छन्।

 

चौलोले प्रख्यात बडाल जाँत सम्पन्न

डडेल्धुराः चौलोले प्रख्यात रहेको सुदूरपश्चिमको प्रसिद्ध बडाल जाँत समपन्न भएकोछ ।डडेल्धुराको गन्यापधुरा गाउँपालिका–२ बडालस्थित बडाल देवताको मन्दिरमा हरेक बर्ष कार्तिक शुक्ल द्वादशीको दिन बडाल जात लाग्ने गर्दछ । कार्तिक शुक्ल एकादशीको रातिदेखि द्वादशीको दिनमा जात्रा हुने गरेको गन्यापधुरा गाउँपालिका–२ का अध्यक्ष मनोज देउवाले बताए।

चौलोले प्रख्यात बडाल जाँतमा स्थानीय बाजागाजा, भोक्कर, देवलहरूका भाला, गुर्जा, खुकुरी र तरबार हातहातमा समातेर चौलो खेलिने गरिन्छ । मेलामा स्थानीय अन्य गाउँबाट पनि देउरो ल्याउने चलन रही आएको छ।

बडाल जाँतको अवसरमा गन्यापधुरा गाउँपालिकाले आज सार्वजनिक बिदा दिइएको थियो । डडेल्धुरालगायत प्रदेशका विभिन्न क्षेत्रबाट बडाल जाँतमा दर्शनार्थीहरु आउने गरेका छन् । मेलामा स्थानीय उत्पादनको बिक्रि समेत हुने गरेकोछ।

मेलालाई सभ्य र भव्य रुपमा सम्पन्न गर्न अरु वर्षझै यो वर्ष पनि जुवातास, मदिरा पूर्णरुपमा बन्द गरिएको , मेला सभ्यभव्य रुपमा सम्पन्न भएको गन्यापधुरा गाउँपालिका–२ का अध्यक्ष देउवाले बताए ।

 

डडेल्धुरा प्रहरीमा चार महिनामा आत्माहत्याका ९ मुद्दा दर्ता

डडेल्धुराः जिल्ला प्रहरी कार्यालय डडेलधुरामा चार महिनाको अवधिमा ४७ मुद्दा दर्ता भएका छन् । जिल्ला प्रहरी कार्यालय डडेल्धुराको तथ्याङ्क अनुसार चार महिनाको अवधिमा विभिन्न घटनामा ४७ मुद्दा दर्ता भएका हुन् ।

जिल्ला प्रहरी कार्यालय डडेल्धुराका अनुसार आर्थिक वर्ष २०८०।८१ को साउन महिना देखी कार्तिक मसान्त सम्मको चार महिनामा जुवाका पाँच, अभद्र ब्यवहारका तिन, अपराधिक उपद्रको एउटा, सवारी बाट भवितब्य ज्यानका दुई वटा मुद्दा दर्ता भएका छन ।

यस्तै, जवरजस्ती करणीका तिन, सवारी ज्यानका तिन, झुण्डिएर आत्महत्याका नौ वटा, फुटकरज्यानका दुई वटा, भिर बाट हाम फाली गरेको आत्महत्याको एउटा, ज्यान सम्बन्धिको एउटा, भवितब्य ज्यानका सात वटा मुद्दा दर्ता भएको जिल्ला प्रहरी कार्यालय डडेल्धुराका प्रहरी निरीक्षक बिर बहादुर थापाले बताए । यस्तै, सहकारी ठगीको एउटा, बहुबिवाहका दुई वटा, चोरीको एउटा, लागुऔषधका पाँच वटा र ठगी तथा अपराधिक बिस्वासघातको एउटा मुद्दा दर्ता भएको उनले बताए ।

जिल्लामा हुन सक्ने अपराधिक क्रियाकलाप न्यूनिकरणका लागि डडेल्धुरा प्रहरीले ‘समुदाय प्रहरी साझेदारी कार्यक्रम’ र ‘लागु औषध बिरुद्धको महाअभियान २०८०’ अन्तरगत समुदाय लक्षित बिभिन्न सचेतनामुलक कार्यक्रमहरुलाई निरन्तरता दिईरहेकोे डडेल्धुराका प्रहरी प्रमुख तथा प्रहरी नायब उपरीक्षक दिपक कुमार कार्कीले बताए ।

बल्खुमा सँगै देखिए दुर्गा प्रसाईं र राप्रपा सांसद ज्ञानेन्द्र शाही

काठमाण्डौंः मेडिकल व्यवसायी दुर्गा प्रसाईंले नतृत्व गरेको प्रदर्शनमा राप्रपाका सांसद ज्ञानबहादुर शाही पुगेका छन्।

प्रशासनले माइतीघर मण्डलामा विरोध प्रदर्शनमा रोक लगाएपछि बल्खुमा आयोजना गरिएको प्रदर्शनमा सांसद शाही पुगेका हुन्।

यो अभियानको नेपालमा राजतन्त्रको पुनर्स्थापना तथा हिन्दू राज्य कायमलगायतका एजेन्डा छन्। राप्रपाले भने प्रसाईंको नेतृत्वमा आयोजित प्रदर्शनमा सहभागिताबारे आधिकारिक निर्णय गरेको छैन।