महा अभियानमा महताले गरे ४४ हजार सहयोग

डडेल्धुराः डडेल्धुराको भागेश्वर गाउँपालिका ५ सीराडमा रहेको सारदा मावि सिराडले कक्षा ११ र १२ संञ्चालन गर्नुका लागि केहि महिना अगाडि बाट आर्थिक संकलन अभियान सुरु गरेकोछ । महा अभियानमा भागेश्वर ५ सिराड घर भई हाल कैलालीमा सुदुर गारमेन्टस संञ्चालन गरि रहनु भएका रमेश बहादुर महताले नगद ४४ हजार ४ सय ४४ रुपैया सहयोग गरेका हुन् । ।
सुदुर गारमेन्टसका संञ्चालक महताले महा अभियानका संयोजक रतन चाडलाई नगद रकम हस्तान्तरण गरेका हुन् । अभियान बाट रकम संकलन भईरहेको अध्यक्ष चाडको भनाई रहेकोछ । यसरि महा अभियानमा सहयोग गरेकोमा सहयोगी दाताहरु लाई विद्यालय परिवारले धन्यबाद ज्ञापन समेत गरेकोछ ।

 

पत्रकार महासंघको साधारणसभा रोक्न प्रेस युनियन डडेल्धुराको माग

डडेल्धुराः नेपाल प्रेस युनियन डडेल्धुरा शाखाले पत्रकार महासंघको साधारणसभा रोक्न ध्यानाकर्षण पत्र बुझाएको छ । नेपाल पत्रकार महासंघले तोकेको जिल्ला शाखा, प्रदेश र केन्द्रीय अधिवेशन स्थगित गर्न युनियनले माग गरेको हो ।

लोकतन्त्रवादी पत्रकारहरुको अग्रणी संस्था युनियनले श्रमजीवी पत्रकारहरुको साझा संस्था महासंघले सुरु गरेको सदस्यता शुद्धीकरण अभियान तथा नयाँ सदस्यताको विषय किनारा नलाग्दासम्म साधारणसभा नगर्न आग्रह गरेको हो ।

युनियनका जिल्ला अध्यक्ष योगेन्द्र रावलले बिहीबार युनियनकर्मीको उपस्थितिमा महासंघका जिल्ला अध्यक्ष हिक्मत सिंहलाई पत्र बुझाउँदै सदस्यता टुंगो नलगाइ जिल्ला, प्रदेश र केन्द्रीय अधिवेशन घोषणा गरेकोमा आपत्ति जनाएका छन् ।

‘महासंघको नयां सदस्यता र नविकरणको अन्तिम टुंगो लागिनसकेको सन्दर्भमा अधिवेशनको अर्थ नरहने हुंदा अहिले अधिवेशन स्थगित गर्न अनुरोध गर्दछौ । पत्रकार महासंघको सदस्यताको अन्तिम टुंगो लगाएर मात्र अधिवेशनहरूको मिति तोक्न आग्रह गर्दछौ’ उनले बुझाएको पत्र भनिएको छ ।

432579168_1088136082301492_5234658024077726028_n-1712131824.jpg

विद्यार्थी राजनीतिबाट उदाएका शाहिः नेकपा एमाले डडेल्धुराको कमाण्डो समाल्दै

डडेल्धुरा(दिपकराज भट्ट)- डडेल्धुराको गन्यापधुरा गाउँपालिका ३ सकायलमा वि.सं २०३७ साल माघ १० गते जन्मिनु भएका गजेन्द्र शाहिले विद्यार्थी राजनीती बाट आफ्नो यात्रा सुरु गरेका थिए । उनी सानै देखि राजनितीमा रुची राख्ने गर्दथे । उनी विद्यालयमा सकिृय विद्यार्थीको रुपमा रहेका थिए । शाहिले वि.सं. २०५२ साल देखि औपचारीक राजनीतीक यात्रा सुरु गरेका थिए । उनी २०५२ सालमा जनता मा.वि. सकायलमा माध्यमिक विद्यालय प्रारम्भीक कमिटीको सचिव पद समल्ने मौका पाएका थिए । उनले राजनीतीक यात्रा औपचारीक रुपमा अगाडि बढाए , उनी २०५६ सालमा अनेरास्ववियू डडेल्धुराको कमिटीको उप सचिव पदमा रहेर काम गरे यस्तै उनले २०५६ सालमा जिल्ला कमिटीको सचिव पद पनि समालेका थिए । उनले वि.सं. २०५९ सालमा युवा संघ डडेल्धुरा कमिटीको सह संयोजकमा रहेर जिम्मेवारी समाले । उनी २०६४ सालमा राष्ट्यि युवा संघ जिल्ला संयोजकमा निर्वाचितभएर जिम्मेवारी समाले । यस्तै २०६७ सालमा युवा संघको केन्द्रिय सदस्यमा रहेर काम गरे भने २०६९ सालमा युवा संघको स्यायी कमिटी सदस्यमा निर्वाचीत भए ।
उनी २०७५ सालमा युवा संघको केन्द्रिय उपाध्यक्ष पदमा रहेर काम गरे भने २०८० सालमा नेकपा एमाले डडेल्धुराको संयोजक पदको जिम्मेवारी पाए । उनी राजनितीमा निरन्तर सकिृय रहे यस्तै शाहि २०८० सालको नवौं जिल्ला अधिवेसन बाट नेकपा एमाले डडेल्धुराको जिल्ला अध्यक्षमा निर्विरोध अध्यक्षमा चयन भएका हुन् ।

 

महरालाई चार दिन हिरासतमा राखेर अनुसन्धान गर्न अनुमति

काठमाडौंः नेकपा माओवादी केन्द्रका उपाध्यक्ष कृष्णबहादुर महरालाई चार दिन हिरासतमा राखेर अनुसन्धान गर्न जिल्ला अदालत काठमाडौंले अनुमति दिएको छ । महरा कपिलवस्तुबाट आजै पक्राउ परेका थिए । उनलाई भेपमा लुकाएर ल्याइएको सुन प्रकरणमा अनुसन्धान गर्नका लागि नियन्त्रणमा लिइएको प्रहरीले जनाएको छ । पक्राउ लगत्तै उनलाई जिल्ला अदालतमा उपस्थित गराइएको थियो । जिल्ला अदालतले चार दिन हिरासतमा राखेर अनुसन्धान गर्न अनुमति दिएको हो ।

बहुचर्चित गीत ‘बैतडी कि बसन्ती’ का गायक जोशी लुधयिनामा हुने होली बिशेष कार्यक्रममा आउँदै

कञ्चनपुर(मनोज भट्ट)- भारतको लुधयिनामा हुने होली बिशेष कार्यक्रममा बहुचर्चित गीत ‘बैतडी कि बसन्ती’ का गायक हंसराज जोशी आउने भएका छन्। हाम्रो प्रतिभा सांस्कृतिक रंगमञ्चले आयोजना गरेको होलि विशेष कार्यक्रमको पाचौँ संस्करणमा गायाक जोशी आउने भएका हुन्।

गायक जोशीले कञ्चनपुरको भीमदत्त नगरपालिका ४ महेन्द्रनगरस्थित खुला मञ्चमा सम्पन्न भएको सुदूरपश्चिम प्रदेश स्तरीय औद्योगिक व्यापार मेला तथा कञ्चनपुर पर्यटन महोत्सवमा स्थान पाएका थिए।

बहुचर्चित गीत ‘बैतडी कि बसन्ती’ का गायक जोशीले काली काँजरमा, बोल माया बोल लगायतका थुप्रै गीतहरू सार्वजनिक गरिसकेका छन्। उनका गीत आशीर्वाद मिडिया प्रा.लि.द्वारा सञ्चालित सुदूर खबर वान मार्फत बजारमा आएका छन्। उनका गीतहरूले नेपाल लगायत भारतको कुमाउ क्षेत्रमा समेत चर्चा बटुलेको छ ।

संसदमा घण्टौं बहस गर्नुभन्दा एलिना चौहानको गीत बजाऔंः सीके राउत

काठमाडौं : जनमत पार्टीका अध्यक्ष सीके राउतले प्रधानमन्त्रीले मागेको विश्वासको मतमाथि छलफल गर्नुको अर्थ नभएको बताए । बुधबार प्रधानमन्त्री पुष्पकमल दाहाल प्रचण्डले प्रतिनिधिसभामा राखेको विश्वासको मतसम्बन्धी प्रस्तावको विपक्षमा धारणा राख्दै उनले नेपालको राजनीतिमा धोकाको शृङ्खला चलिरहेको बताए ।
विश्वासको मतसम्बन्धी प्रस्तावमा छलफलमा घण्टौं समय बिताउनुभन्दा गायिका एलिना चौहानले गाएको ‘धोकेबाज हौ तिमी’ भन्ने गीत बजाइदिए पुग्ने राउतले बताए । ‘प्रधानमन्त्रीले विश्वासको मत माग्दाखेरि त्यसमा मत दिने कि नदिने विषयमा यहाँ जम्मा भएका छौं । सोही क्रममा हामीले सबै दलका कुरा सुन्यौं, घण्टौंसम्म कुरा सुन्दाखेरि लाग्छ, बरु एलिना चौहानको गीत गाइदिँदा संक्षिप्त हुन्थ्यो, लामो फेहरिस्त दिनै पर्दैनथ्यो’, उनले भने ।
पटक पटक गठबन्धन बन्ने र भत्किने क्रम चलिरहेको भन्दै राउतले यसबाट जनताले के पाए भन्ने प्रश्न गरे । ‘संसदमा यो बहसबाट जनताले के पाइरहेका छन् रु’, उनले प्रश्न गरे ।
अब निर्वाचनअघि गठबन्धन गर्न नपाइने कानुनी व्यवस्था गर्नुपर्ने भन्दै राउतले नभए प्रत्यक्ष निर्वाचित प्रधानमन्त्रीको व्यवस्था गर्नुपर्ने बताए । ‘जनताले दिएको विश्वासको मत हामीले बचाउन सकेका छैनौं । कहिले यता हाल्नुपरेको छ, कहिले उता हाल्नुपरेको छ । बरु विश्वासको मत जनताकै हातमा सुम्पौं । जनताबाट प्रत्यक्ष प्रधानमन्त्री ल्याउने व्यवस्था गरौं’, उनले भने ।

प्रधानमन्त्रीज्यू, यो जीवनको अन्तिम गल्ती नहोस्ः लिङ्देन

काठमाडौंः राप्रपा अध्यक्ष राजेन्द्र लिङ्देनले सत्तालाई आफ्नो सुरक्षा कबजका रुपमा प्रयोग गर्ने उद्देश्यले नयाँ गठबन्धन बनेको बताएका छन् । विश्वासको मत लिने प्रधानमन्त्री पुष्पकमल दाहाल प्रचण्डको प्रस्तावमाथि बुधबार संसदमा भएको छलफलमा भाग लिँदै राप्रपा अध्यक्ष लिङ्देनले नयाँ गठबन्धन स्वार्थको गठजोड भएको बताए । ‘त्यो सत्ता निर्माण हुँदा गरेको ८ बुँदे, ७ बुँदेबाट पनि त्यही कुरा देखिन्छ,’ उनले भने, ‘देश, जनताको वर्तमान परिस्थितिलाई केन्द्रमा राखेर यो सरकार बनेको होइन ।’

‘सत्तालाई आफ्नो सुरक्षा कबजका रुपमा प्रयोग गर्ने उद्देश्यद्धारा गठबन्धन बनेको हो,’ उनले भने । अघिल्लो वर्ष छोटो समय सत्तामा सहकार्य गर्दा प्रधानमन्त्रीले चाल फेर्न लागेको थाहा पाएपछि आफूले जीवनको अन्तिम गल्ती पनि हुनसक्छ भनेको उनले स्मरण गरे । उनले अगाडि भने, ‘यहाँसम्म तानेर आइपुग्नु भएको छ । म फेरि पनि भन्छु, प्रधानमन्त्रीको जीवनको अन्तिम गल्ती यो नहोस् ।’

मानिसले जीवनमा गल्ती गर्ने र त्यसलाई सच्याएर अगाडि बढ्ने भन्दै राप्रपा अध्यक्ष लिङ्देनले भने, ‘कहिलेकाहीँ गल्ती यस्तो हुन्छ, फेरि सच्याउँछु भन्दा सच्याउने मौका हुँदैन । त्यस्तो नहोस् ।’ राप्रपा सत्ता केन्द्रित चलखेलमा सहभागी नहुने र प्रधानमन्त्रीलाई विश्वासको मत पनि नदिने लिङ्देनले प्रष्ट पारे ।

कुनै दल वा नेता बदनाम होस् भन्ने आफूले नचाहेको तर, समाजमा नेताहरुप्रति विश्वास मर्दै गएको उनले सुनाए । कांग्रेसको १४औं महाधिवेशनका क्रममा आफ्नो अभिव्यक्तिलाई दिएर नेताहरु आफूमाथि आइलागेको भन्दै उनले भने, ‘हात हालाहाल गर्न मिल्ने भए त्यही व्यवस्था गर्न मिल्नेप्रति आक्रोस पोख्नुभयो । तर नेताहरुप्रति सोचमा परिर्वतन भएको छैन मात्र होइन, झन् क्षयीकरण भएको छ ।’

सत्तामा नमिल्नासाथ अछूत जस्तो गर्ने, मिलेपछि महान मान्ने प्रवृत्तिले यसलाई अझ बढाएको उनले बताए । कुनै गठबन्धन बन्दा वा छुट्दा पनि राजनीतिक कारण भए मात्र मानिसहरुले आश गर्नसक्ने भन्दै उनले भने, ‘सम्माननीय प्रधानमन्त्रीज्यू, कसैलाई आक्षेप लगाएर अब उम्कन पाइन्न । मेरो शुभकामना छ, राम्रो गर्नुस् ।’

अब कसैले पनि रोष्टममा उभिएर सुशासनको गफ दिँदैमा नपत्याउने उनले बताए । राप्रपा अध्यक्ष लिङ्देनले भने, ‘फोहोरको डंगुरमाथि बसेर शुद्धताको मन्त्रोचारण सुहाउँदैन ।’ ‘अस्ति जे भयो–भयो, अब उप्रान्त हामी भ्रष्टाचार नगर्ने, न्यायाधीशलाई आफ्नोमा बोलाएर यस्तो फैसला गरिदिनुपरये नभन्ने भन्नुस् न’ उनले अगाडि भने, ‘तपाईंले न्यायाधीशलाई बोलाएर यति कर घटाइदेऊ, यति दण्ड घटाइदेऊ, यसलाई जिताइदेऊ भनेको थाहा छ । ठूलठूलो भ्रष्टाचार काण्डमा आफैं संलग्न हुनु भएको छ । त्यसैले यहाँ आएर ठूलो कुरा गर्दा कसैले पत्याउँदैन ।’

अब पूर्व राजा, धर्मलाई गाली गरेर वाहवाही नपाउने भन्दै उनले काम गरेर देखाउन आग्रह समेत गरे ।

 

यस्तो रह्यो छैटौं डडेल्धुरा महोत्सवको दोस्रो दिन

डडेल्धुरा(दिपकराज भट्ट)- डडेलधुरामा डडेल्धुरा महोत्सव २०८० सुरु भएकोछ । २४ गते सुरु भएको महोत्सवमा पहिलो दिन औपचारिक उद्घाटन कार्यक्रम गरिएको थियो । महोत्सवको दोस्रो दिनमा भने गायक टंक लिमिल्सना, रमेश राजु भट्टराई, गायक रमेश मल्ल, मोडल झर्ना बोहराले आफ्नो प्रस्तुती राखेको थिए ।

स्थानिय कला,संस्कृतिको संरक्षण, स्थानीय उत्पादनको बजारीकरण संगै पर्यटन प्रवद्धन र डडेल्धुराको समग्र विकासको लक्ष्य उद्येश्यका साथ महोत्सव आयोजना गरियको आयोजकले जनाएको छ । महोत्सवमा स्थानीय उत्पादनसंगै कृषि उपजको प्रदर्शनी, रमाइलो मेला स्थानीयसंगै राष्ट्रिय कलाकारको प्रस्तुती सहित जिल्लास्तरीय पुरुष भलिबल प्रतियोगिता,खुला पुरुष महिला डेउडा प्रतियोगिता समेत हुने छन।

महोत्सवमा टिकट शुल्क एक सय रुपैयाँ र विद्यार्थीलाई ५० रुपैयाँ तोकिएको छ भने ७० वर्षमाथिका ज्येष्ठ नागरिक तथा क र ख वर्गका अपाङ्गता भएका नागरिकलाई प्रवेश शुल्क निशुल्क हुने छन । महोत्सवमा टिकटबाट संकलन भएको रकमको ५ प्रतिशत डडेल्धुरामा क्रिकेट मैदान निर्माणका लागि सहयोग गरिने आयोजक डडेल्धुरा उद्योग वाणिज्य संघले जनाएको छ।

शालीन मृत्यु प्रकरणमा प्रहरीले मुख खोल्यो, अनुसन्धानमा प्रभाव पार्ने कुनै पनि विषय सम्प्रेषण नगर्नू

काठमाडौँः चितवनको रत्ननगरस्थित एकता शिशु निकेतनको होस्टेलमा झुण्डिएको अवस्थामा मृत फेला परेकी बालिका शालीन पोखरेलको मृत्यु प्रकरणमा वैज्ञानिक तथ्यका आधारमा अनुसन्धान जारी रहेको चितवन प्रहरीले जनाएको छ।

उक्त घटनाका विषयमा सञ्चारमाध्याम तथा सामाजिक सञ्जालमा फरकफरक धारणाहरु सार्वजनिक भइरहेकोमा गम्भिर ध्यानाकर्षण भएको जनाउँदै चितवन प्रहरीले घटनाको अनुसन्धान प्रभावित हुने गरी कुनै पनि सामाग्रीहरु सम्प्रेषण नगर्न अनुरोध गरेको छ।

चितवनका प्रहरी नायव उपरीक्षक श्रीराम भण्डारीले आज एक सूचना जारी गरी वैज्ञानिक तथ्यका आधारमा वस्तुनिष्ठ अनुसन्धान जारी रहेको र वैज्ञानिक परीक्षणको रिपोर्ट हालसम्म प्राप्त नभइसकेको अवस्थामा अनुसन्धान कार्यमा प्रभाव पार्ने गरी कुनै पनि विषयवस्तु सम्प्रेषण नगर्न अनुरोध गरेका हुन्।

यही फागुन १२ गते उक्त घटना भएको थियो। परिवारकातर्फबाट बलात्कारपछि हत्या भएको आरोपमा किटानी जाहेरी समेत परेको छ। प्रहरीले स्कुलका प्रिन्सिपल बालहरि देवकोटासहित तीन जनालाई पक्राउ गरेको छ। स्कुल पक्षले भने आत्महत्या गरेको दावी गर्दै आएको छ।

डडेल्धुरामा फोहर व्यवस्थापन नहँदा रेविज संक्रमण बढदै

डडेल्धुरा सदरमुकामका छाडा कुकरमा बन्धाकरण गर्दै भेटेरिनरी अस्पताल डडेल्धुरा
डडेलधुरा(दिपकराज भट्ट)- अघिल्लो साता मात्र डडेल्धुरा जिल्ला सदरमुकाममा रेविज संक्रमित कुकरको आतंक बढदै गएको थियो । यो घटना बाहिरिए पछि भेटेरिनरी अस्पतालले चासो दियो तुरुन्तै बजार क्षेत्रमा रहेका छाडा कुकुरहरुमा रेविज भ्याक्सिन लगाउने अभियान चालेको थियो ।
पछिल्लो समयमा रेविजको जोखिम बढन थलेपछि भेटेरिनरी अस्पतालले छाडा कुकर नियन्त्रण गर्नमा चासो दिएकोछ । रेविज जियन्त्रण गर्नकै लागि ण्भेटेरिनरी अस्पतालले बजार क्षेत्रमा रहेको करिब एक सय ७० छाडा कुकुरहरुमा बन्धाकरण गर्न लागेको अस्पताल प्रमुख राम बहादुर खड्काले जानकारि दिनु भयो । यो महिना भित्रमा बजार क्षेत्रका सबै छाडा कुकुरहरुमा बन्धाकरण गरिनेछ ।
डडेल्धुरामा फोहर व्यवस्थापन नहुँदा रेविजको संक्रमण बढदै गएको संक्का :
पछिल्लो समयमा डडेल्धुरा जिल्ला सदरमुकाममा फोहर व्यवस्थापन उपयुक्त तवरले हुन सकेको छैन् । जसले गर्दा सदरमुकाममा रेविजको संक्रमण बढदै गएको अधिकारिहरु बताउछन् । फोहर छाडा रुपमा छाडिने समस्या छ , त्यहा जनावरहरुको आवतजावत बढी हुने गरेकोछ जसले रोग संक्रमण गर्ने दर बढदै गएको हो ।
उता अमरगढी नरगपालिकाले फोहरको अस्यायी व्यवस्थापनका लागि हुलाक वन नजिकै फोहर संकलन केन्द्र बनाएको छ , जसको सहि तवरले घेरवार नहुदा जंगली जनावहरुको आवतजावत बढदो क्रममा रहेकोछ ।
जंगली जवार सँग कुकुरहरुको सम्र्पक हुदाँ रेविज संक्रमण बढेको आशंका गरिएकोछ ।

Facebook