कर्णाली पुलमा ग्यास बोकेको ट्रक जल्यो

धनगढीः कर्णाली पुलमा आगलागी भएको छ। आगलागीबाट ट्रक चलेको छ। साथै पुलका लठ्ठामा समेत आगो सल्केको छ। आज (सोमबार) दिउँसो कैलाली र बर्दिया जोड्ने पुलमा आगलागी भएको हो। एक्कासी ट्रकमा आगलागी भएको प्रहरीले जनाएको छ। ना पा ख ५२९७ नम्बरको ट्रकमा आगो लागेको छ। ट्रकमा रहेका चालक र सह–चालकको उद्धार गरिएको छ।

आगो नियन्त्रणका लागि लम्की–चुहा नगरपालिकाको दमकल मगाइएको छ। आगो नियन्त्रणमा ल्याउने प्रयास भइरहेको इलाका प्रहरी कार्यालय लम्कीले जनाएको छ। ग्यास सिलिण्डर बोकेको ट्रकमा आगो लागेको हो। आगो लाग्नुको कारण भने खेलेको छैन्। अहिले ठूलो संख्यामा प्रहरी र स्थानीय आगलागी भएको क्षेत्रमा जम्मा भएका छन्।

थलीको आयोजनामा धनगढीमा पहिलो कानुनी हाजिरी जवाफ प्रतियोगिता हुने

धनगढी(जनक महरा)-  धनगढीमा पहिलो पहिलो कानुनी हाजिरी जवाफ प्रतियोगिता हुने भएको छ । बोलन्या थलीको आयोजना,अमेरिकन कर्नर धनगढीको सहकार्यमा र डेनोभो इन्स्टिच्युट अफ ल को प्रायोजनमा पहिलो कानुनी हाजिरी जवाफ प्रतियोगिता यहि माघ २० गते हुने भएको हो ।

नेपालको संविधान र संवैधानिक विकासक्रम, विधिशास्त्र,मुलुकी देवानी संहिता र अपराध संहिता २०७४, कक्षा ११ र १२ का अनिवार्य विषयहरु, सामान्यज्ञान, समसामयिक राष्ट्रिय र अन्तराष्ट्रिय घटनाक्रम, रश्रव्यदृश्य सामाग्री प्रतियोगिताका विषयहरु रहने जनाएको छ ।

यस्ता छन् प्रतियोगिताका नियमहरू—
१– एक विद्यालयबाट दुई समुह सम्म सहभागी गराउन पाइनेछ । सहभागीहरु कानुन पढ्ने विद्यार्थी हुनुपर्नेछ ।
२– एक समुहमा तिन जना विद्यार्थी हुनुपर्नेछ र समुहमा एक जना महिला सहभागी अनिवार्य रुपमा राख्नुपर्नेछ ।
३– सहभागीता लागि समूह दर्ता माघ १७ गते भित्र फर्म भरी वा ९७४९७५१४२४ नम्बरमा सम्पर्क गरि नाम टिपाउनु पर्नेछ ।
फाराम भर्न यहाँ क्लिक गर्नुस् ।

सुदूरपश्चिममा माओवादीको दलको नेताबाट खगराज आउट, धामीको इन्ट्री

धनगढी ः सुदूरपश्चिममा नेकपा माओवादी केन्द्रको संसदीय दलको नेता परिवर्तन गरिएको छ।

आज (शुक्रवार) बसेको बैठकले बहुमतबाट सुदूरपश्चिम प्रदेश सभा संसदीय दलको नेता परिवर्तन गरेको हो।

बहुमत प्रदेश सभा सदस्यको निर्णय गरेर दलको नेता परिवर्तन गरिएको बुझिएको छ।

यसअघि दलको नेता रहेका खगराज भट्टलाई हटाएर मानबहादुर धामीलाई दलको नेता बनाएको प्रदेश सभा सदस्य शिवसिह ओलीले जानकारी दिए।

धामी यसअघि प्रमुख सचेतक थिए। सभामुखसहित ११ जना प्रदेशसभा सांसदमध्ये ६ जनाले खगराजलाई हटाएर धामीलाई दलको नेता बनाएका हुन्।

संसदीय दलको नेता फेरिएको सूचना प्रदेश सभा सचिवालयमा बुझाइएको पनि बताइएको छ।

नेता फेर्ने बैठकमा तत्कालीन दल नेता खगराज भट्ट, उद्योग पर्यटन वन तथा वातावरणमन्त्री रमेश धामी, सामाजिक विकासमन्त्री झपट साउँद र प्रदेशसभा सदस्य जानकी पौडेल कुँवर भने अनुपस्थित थिए।

धामी दार्चुलाबाट निर्वाचित प्रदेश सभा सदस्य हुन्।

उनी सुदूरपश्चिमको पूर्व वनमन्त्री समेत हुन्। सुदूरपश्चिममा माओवादी केन्द्र पनि २ मन्त्री र एक राज्यमन्त्रीसहित गठबन्धन सरकारमा छ। महेन्द्रनगरपोष्ट

विपिनको रिहाइका लागि पहल गर्दैछौं परराष्ट्र मन्त्री

डडेलधुराः परराष्ट्रमन्त्री एनपी साउदले रुसी सेनामा भर्ती भएकाहरू नेपाल सरकारको अनुमतिमा त्यहाँ भर्ती नभएको स्पष्ट पारेका छन् । उनले विद्यार्थी भिसा र भिजिट भिसा लगायतमा रुस पुगेकाहरूले त्यहाँको सेनामा भर्ती भएको र जोखिममा परेको बताए ।

शुक्रबार डडेल्धुरामा नेपाल प्रेस युनियनले गरेको पत्रकार सम्मेलनमा परराष्ट्रमन्त्रीले भने, ‘रुसमा अहिलेसम्म १० जनाको मृत्यु भइसकेको छ । अरू धेरै जना जोखिममा पर्नुभएको छ । तर यो समस्या नेपाल सरकारको कारणले आएको होइन । जो त्यहाँ गएको छ, रुसी सेनामा काम गरिरहेको छ, उनीहरू विद्यार्थी भिसामा, भिजिट भिसामा त्यहाँ पुगेका हुन् । भिसा प्रयोजनलाई तोडेर उहाँहरू त्यहाँको सेनामा भर्ना हुनुभएको छ ।’

परराष्ट्रमन्त्री साउदले अफ्ठयारोमा परेका आफ्नो नागरिकको उद्धार गर्न सरकार जुनसुकै बेला पनि तयार रहेको बताए । ‘आठ वटा शवहरू अहिले त्यहाँको शवगृहमा राखिएको कुरा मसँग आएको छ । हामीले ती शव नेपाल ल्याउनका लागि कुटनीतिक पहल गरिरहेका छौँ,’ उनले भने, ‘त्यसबाहेक १३३ परिवारले हामीलाई आफ्ना परिवारका सदस्यह त्यहाँ पुगेको र जोखिममा परेको भनेर आग्रह गरेअनुसार हामीले उहाँहरूलाई स्वदेश फिर्ताको प्रबन्ध मिलाउन पहल गरिरहेका छौँ ।’

उनले देश छोड्ने बेला जो कसैले पनि एकपटक सोच्नुपर्ने बताए । ‘‘देश छोड्दा जो कसैले पनि एकपटक सोच्नुपर्छ । कहाँ जाँदैछु रु कस्तो देशमा जाँदैछु रु कुन कानूनीरुपमा ठीक छ, कुन ठीक छैन ? त्यो कुरामा सबैले ध्यान पु¥याउनु आवश्यक छ,’ उनले भने । परराष्ट्रमन्त्री साउदले वर्तमान सरकारले परराष्ट्र सम्बन्धलाई सुधार गरेर सही ट्रयाकमा ल्याउन सफल भएको दाबी गरेका छन् ।

‘प्रधानमन्त्रीले छिमेकी दुई देशहरूको भ्रमण गर्नुभयो । वास्तवमा यी भ्रमणहरू विगतका भन्दा ऐतिहासिक छन्, निर्विवाद र गुणात्मक छन्,’ उनले भने, ‘त्यसकारण यो सरकारले परराष्ट्र सम्बन्धलाई सन्तुलित बनाउने र ट्रयाकमा ल्याउने काम गरेको छ ।’

उनले छिमेकी देश भारतसँग हालैमात्र १० हजार मेगावाट विजुली उत्पादन र निकासीका विषयमा व्यापार सम्झौता गरेको बताए । मन्त्री साउदले इजरायलमा युद्धमा परेर हमासको नियन्त्रणमा परेका विपीन जोशीको उद्धारका लागि समेत सरकारले पहल गरिरहेको बताए ।

‘विपीन जोशीसमेत १३२ जना अहिले पनि हमासको नियन्त्रणमा छन् । उनीहरू विभिन्न देशका छन् । हामीले उनको रिहाईका लागि इमान्दार प्रयास गरिरहेका छौँ । युद्धबन्दीकोरुपमा विपीन जोशीको जीवन सुरक्षित छ । हामीले निरन्तर प्रयास गरिरहेका छौँ,’ उनले भने ।

छौ ।

कसरि लिक भयो अनेरास्ववियु नेतृको अश्लील भिडियो

डडेलधुराः अनेरास्ववियुको केन्द्रीय कमिटिमा सुदूरपश्चिम प्रदेशबाट प्रतिनिधित्व गर्ने एक नेत्रीको अश्लील भिडियो बाहिरिएको छ । केन्द्रीय कमिटिमा प्रतिनिधित्व गर्ने ती नेत्रीको अश्लील भिडियो फेसबुक म्यासेन्जरबाट बाहिरिएको हो ।

म्यासेन्जरमा अनेरास्ववियुका नेता, कार्यकर्ताहरुबीच व्यापक आदानप्रदान भइरहेको उक्त भिडियोमा ती महिलाले यौन आनन्द लिइरहेका बेला उनका पाटनरले भिडियो कैद गरेको जस्तो देखिन्छ । तर भिडियो कैद गर्ने व्यक्ति भने देखिएका छैनन् ।

स्रोतका अनुसार यो भिडियोलाई लिएर अनेरास्ववीयुको बैठकमा ती महिलालाई कारवाही गर्नुपर्ने माग समेत उठेको थियो तर केही नेताहरुले त्यसरी कारवाही गर्न थाल्यो भने सबै जना पर्ने भन्दै उनको बचाउ गरेको बताइन्छ । प्रेस पत्रमा लेखिएकोछ ।

प्राप्त भिडियो २ मिनेट १२ सेकेन्डको रहेकोछ । भिडियो बनाईएको स्थान पछाडिको आवाज नेपाली भाषामा कुनै पार्टिको कार्यक्रम चलाएको सुन्नु सकिन्छ ।

सुदूरपश्चिमकी एक अनेरास्ववियु नेतृकाे अश्लील भिडियो लिक (presspatra.com)

सुदूरपश्चिमकी एक अनेरास्ववियु नेतृको अश्लील भिडियो लिक

धनगढी : अनेरास्ववियुको केन्द्रीय कमिटिमा सुदूरपश्चिम प्रदेशबाट प्रतिनिधित्व गर्ने एक नेत्रीको अश्लील भिडियो बाहिरिएको छ । केन्द्रीय कमिटिमा प्रतिनिधित्व गर्ने ती नेत्रीको अश्लील भिडियो फेसबुक म्यासेन्जरबाट बाहिरिएको हो ।

म्यासेन्जरमा अनेरास्ववियुका नेता, कार्यकर्ताहरुबीच व्यापक आदानप्रदान भइरहेको उक्त भिडियोमा ती महिलाले यौन आनन्द लिइरहेका बेला उनका पाटनरले भिडियो कैद गरेको जस्तो देखिन्छ । तर भिडियो कैद गर्ने व्यक्ति भने देखिएका छैनन् ।

स्रोतकाअनुसार यो भिडियोलाई लिएर अनेरास्ववीयुको बैठकमा ती महिलालाई कारवाही गर्नुपर्ने माग समेत उठेको थियो तर केही नेताहरुले त्यसरी कारवाही गर्न थाल्यो भने सबै जना पर्ने भन्दै उनको बचाउ गरेको बताइन्छ ।

विज्ञापन
विज्ञापन

सुदूरपश्चिममा एमालेका उम्मेदवारले गरे मनोनयन दर्ता

धनगढी- राष्ट्रियसभा निर्वाचनका लागि सुदूरपश्चिम प्रदेशमा प्रमुख प्रतिपक्षी दल नेकपा एमालेका उम्मेदवारले मनोनयन दर्ता गराएका छन् । धनगढीस्थित राष्ट्रियसभा निर्वाचन अधिकृतको कार्यालय पुगेर एमालेका उम्मेदवारले मनोनयन दर्ता गराएका हुन् ।

अल्पसंख्यक तथा अपांगतातर्फ रामचन्द्र जोशी (कैलाली), अन्यतर्फ ईश्वरीप्रसाद खरेल (कञ्चनपुर) र महिलातर्फ सावित्रा घिमिर(कैलाली)ले मनोनयन दर्ता गराएका हुन् ।

धनगढीमा ठगी धन्दा स् विद्यार्थीलाई नक्कली शैक्षिक प्रमाणपत्र, विदेश पठाउने भन्दै रकम असुली

धनगढी- सुदूरपश्चिम प्रदेशको अस्थायी राजधानी धनगढीमा विद्यार्थीलाई नक्कली शैक्षिक प्रमाणपत्र थमाएर भिजिट भिसामा विदेश पठाइदिने भन्दै ठगी गरेको पाइएको छ ।

धनगढीको इन्सिच्युट अफ हस्पिटालिटी एण्ड इनफर्मेसन टेक्नोलोजी प्रा।लि।ले प्राविधिक शिक्षा तथा व्यावसायिक तालिम परिषद् ९सीटीईभीटी० बाट ३९० घण्टाको छोटो अवधीका तालिम सञ्चालन गर्ने अनुमति लिएको छ तर उक्त संस्थाले सीटीईभीटीको लोगो प्रयोग गरेर तीन वर्षे डिप्लोमा तहका सिप विकास तालिम उत्र्तिण गरेको भन्दै विद्यार्थीलाई नक्कली शैक्षिक प्रमाणपत्र दिने गरेको पाइएको छ ।

कतिसम्म भने नक्कली शैक्षिक प्रमाणपत्र थमाएर भिजिट भिसामा इनटर्नसीप गराउने दुबई पठाउने भन्दै विद्यार्थीबाट रकम असुली समेत गरेको खुलेको छ । गत वर्ष एसईई परीक्षा उत्र्तिण गरेर दिदीको साथीमार्फत उक्त इन्सिच्युटमा होटल म्यानेजमेन्टमा डिप्लोमा अध्ययनका लागि भर्ना भएका धनगढी उपमहानगरपालिका–३ बिशालनगरका महेश चन्दले संस्थाले विदेश पठाउने भन्दै साढे दुई लाख रुपैयाँ अग्रिम लिएको बताए ।

‘कलेजले इन्टर्नसीपका लागि दशैँ र तिहारको बीचमा दुबई पठाउछु भनेर मसँग दुई लाख पचास हजार रुपैयाँ मागेको थियो । प्रिन्सिपल सरले त्यो बेला काम हुन सकेन भन्नुभयो,’ चन्दले भने, ‘अस्ति मंसिर २८ गते उडान हुन्छ । काठमाडौँ जानु भनेर २५ गते पठाउनुभयो । ७२ घण्टा प्रतिक्षा गर्नुस् भन्नुभयो । काम हुँदैन् भनेपछि २ गते धनगढी फर्किएको हुँ ।’

चन्दकाअनुसार इन्सिच्युटले ६ महिने कोर्ष भन्दै शैक्षिक शुल्क वापत मात्र एक लाख ८० हजार रुपैयाँ त्यसअघि नै लिइसकेको थियो भने १० हजार रुपैयाँ पोशाक खर्चका लागि लिएको थियो । ६ महिना मात्र उक्त इन्सिच्युटमा अध्ययन गरेका चन्दलाई प्रोफेसनल डिप्लोमा इन हस्पिटालिटी म्यानेजमेन्ट ९लेबल–३ ० उत्र्तिण गरेको प्रमाणपत्र दिइएको छ । जबकी डिप्लोमा तह–३ को कोर्ष ३ वर्षको हुने गर्दछ । उक्त प्रमाणपत्रमा प्राविधिक शिक्षा तथा व्यवसायिक शिक्षा परिषद्को लोगो र ओथम लेखिएको लोगो राखिएको छ ।

होटल म्यानेजमेन्टमा डिप्लोमा अध्ययन गराएर इन्टर्नसीप गर्न विदेश पठाउने प्रलोभन देखाएर भर्ना गरेको इन्सिच्युटले आफ्नो भविष्यमाथि खेलवाड गरेको गुनासो चन्दले गरेका छन् । उनकी दिदी प्रतिमा चन्दले अवैधानिक रुपमा इन्सिच्युट सञ्चालन गरी आफ्नो भाईसहितका विद्यार्थीको भविष्यमाथि खेलवाड गर्ने इन्सिच्युट अफ हस्पिटालिटी एण्ड इनफर्मेसन टेक्नोलोजीलाई कारवाही गरिनुपर्ने बताएकी छन् । चन्दले अहिलेसम्म विद्यार्थीबाट लिइएको रकमसहित क्षतिपूर्ति समेत दिनुपर्ने बताइन् ।

‘डिप्लो कोर्ष भनेर विद्यार्थीलाई भर्ना गरी यो इन्टिच्युटले ठगी गरेको छ । विद्यार्थीको भविष्यमाथि खेलवाड गरेको छ,’ चन्दले भनिन्, ‘सबै विद्यार्थीबाट लिइएको रकम फिर्ता गरिनुपर्छ । इन्टिच्युटका सञ्चालकलाई कारवाहीको दायरामा ल्याउनुपर्छ ।’ इन्सिच्युटले अग्रिम पैँसा लिएर चन्दलाई विदेश नपठाएपछि उनीसँगै अध्ययन गरेर विदेश जान तयार भएका विद्यार्थीहरु समेत चिन्तामा परेका छन् ।

इन्सिच्युट अफ हस्पिटालिटी एण्ड इन्र्फमेसन टेक्नोलोजीलाई शैक्षिक शुल्क बाहेक विदेश जान दुई लाख ५० हजार बुझाइसकेका धनगढीकै किरण बिष्टले कलेजले आफूहरुमाथि अन्याय गरेको बताए ।

‘होटल म्यानेजमेन्टमा डिप्लोमा कोर्ष गरेपछि इन्टर्नसीप गर्न विदेश पठाउछौँ भनेपछि हामी पनि भर्ना भएका थियौँ,’ बिष्टले भने, ‘शैक्षिक शुल्क छाडेर मैले पनि साढे दुई लाख दिएको छु तर काम हुन्छ की हुँदैन थाहा छैन । साथीको अवस्था देख्दा कलेजले हामीमाथि अन्याय गरेको जस्तो लाग्दैछ ।’ आफूजस्तै अन्य साथीहरु पनि अन्यौलमा परेको बिष्ट बताउँछन् ।

सहमतीमै विदेश पठाउन खोजेको दाबी

इन्सिच्युट अफ हस्पिटालिटी एण्ड इनफर्मेसन टेक्नोलोजीले भने अभिभावकै सहमतीअनुसार भिजिट भिसामा विदेश पठाउने प्रक्रिया थालेको बताउँदै अहिले सरकारले रोकेका कारण सफल नभएको दाबी गरेको छ । टेक्नोलोजीका प्रिन्सिपल सबिन रोकायाले अभिभावकै आग्रहअनुसार भिजिट भिसामा विदेश पठाउन खोजेको दाबी गरेका हुन् ।

‘हामीले विद्यार्थीहरुलाई यसअघि पनि विभिन्न देश जस्तै, अमेरिका, डेनमार्क, दुबईमा पठाएका छौँ । महेश चन्दको हकमा उहाँको अभिभावकै आग्रहअनुसार भिजिट भिजामा पठाउने प्रयास गरेका हौँ,’ रोकायाले भने, ‘उहाँसँगै साथीहरुलाई भारत पठाएको छौँ ।’ रोकायाले लन्डनको ओथम क्वालिफिकेसनबाट स्वीकृत लिएर ६ महिना पढाउने र एक वर्ष इन्टर्नसीप गराएर भोकेसन लेबल ३ को सर्टिफिकेट दिने गरिएको बताए । तर ६ महिना पढाएर डिप्लोमा तह ३ उत्र्तिण गरेको प्रमाणपत्र विद्यार्थीलाई थमाइएको छ ।

संस्थाको वैधानिकतामाथि प्रश्न

इन्सिच्युट अफ हस्पिटालिटी एण्ड इनफर्मेसन टेक्नोलोजीले विद्यार्थी महेश चन्दलाई थमाएको डिप्लोमा तहको प्रमाणपत्रमा प्राविधिक शिक्षा तथा व्यावसयिक तालिम परिषद्९सिटीईभीटी०को लोगो समेत प्रयोग गरेको पाइएको छ । सिटीईभीटीबाट सम्बन्धन प्राप्त गरेको अवस्थामा समेत आफ्नै लोगो र छाप प्रयोग गर्नुपर्ने हो तर यो इन्सिच्युटले विद्यार्थीलाई दिएको सर्टिफिकेटमा सिटीईभीटीसँगै ओथम क्वालिफिकेसन लेखिएको लोगो प्रयोग गरेको छ ।

प्राविधिक शिक्षा तथा व्यवसायिक शिक्षा परिषद्का सूचना अधिकारी एकराज अधिकारीले इन्सिच्युट अफ हस्पिटालिटी एण्ड इन्र्फमेसन टेक्नोलोजीले ३९० घण्टाका छोटो अवधीमा पाँच वटा तालिम सञ्चालन गर्ने स्वीकृति लिएको पाइएको बताए । उनकाअनुसार बार टेन्डर, जर्नल कुक, अस्सिटेन्ट वेटर, हाउस किपिङ र बेकर तालिम सञ्चालनको अनुमती लिइएको छ । यो बाहेक इन्सिच्युट अफ हस्पिटालिटी एण्ड इन्र्फमेसन टेक्नोलोजीले डिप्लोमा तहका कुनै पनि कार्यक्रम सञ्चालनको अनुमती लिएको छैन ।

‘सीटीईभीटीबाट जुन कार्यक्रमको स्वीकृति लिएको छ त्यो बाहेक अरु चलाउन पाइदैन् । त्यो संस्थाले ३९० घण्टाको तालिम चलाउने अनुमती लिएर डिप्लोको प्रमाणपत्रमा हाम्रो लोगो प्रयोग गरेको देखिन्छ, त्यो अवैधानिक हो । गर्न पाइदैन्,’ अधिकारीले भने ।

नेपालमा सीटीईभीटी बाहेक अहिलेसम्म अन्य वैदेशिक संघसंस्थाले सीप विकास सम्बन्धी तालिम सञ्चालन गर्ने अनुमती पाए(नपाएको कुरा जानकारीमा नरहेको बताउँदै अधिकारीले प्रमाणपत्रमा लोगो प्रयोग गरिएको ओथमको वैधतामाथि समेत प्रश्न उठाएका छन् । ‘नेपालमा विदेशी संस्थाले अनुमती लिएर सीप विकासका कार्यक्रम सञ्चालन गरिरहेको कुरा हाम्रो जानकारीमा छैन,’ अधिकारीले भने, ‘त्यो ओथम भन्ने के हो रु त्यसको बैधता के हो रु त्यो कुरा सम्बन्धीत प्रशासनले छानविन गरेपछि थाहा होला ।’

इन्सिच्युटले दाबी गरेको ओथमको स्वीकृत पत्र

इन्सिच्युट अफ हस्पिटालिटी एण्ड इनफर्मेसन टेक्नोलोजीका प्रिन्सिपल रोकायाले भने सर्टिफिकेटमा सिटीईभीटीको लोगो त्रुटीबस पर्न गएपनि ओथम भन्ने संस्था भने बैध नै भएको दाबी गरेका छन् । तर ओथमले प्रदान गरेको भनिएको प्रमाणपत्रमा डिजिटल लोगो बाहेक छाप समेत प्रयोग गरिएको देखिदैन् ।

अर्कोतिर यो संस्था धनगढी उपमहानगरपालिका–३ को कोभिडा इन्टरनेशनल एकेडेमीको भवनमा सञ्चालनमा रहेपनि कार्यालय देखिनेगरी कुनै बोर्ड समेत राखिएको छैन ।

 

एमालेको झुलाघाट–चिवाभञ्ज्याङ यात्रा बैतडीबाट सुरुः कहाँ कहाँ हुदैछ त कार्यक्रमहरु

बैतडीः नेकपा एमालेको मध्य पहाडी लोकमार्ग केन्द्रीत विशेष अभियान सुरु भएको छ। बिहीबार पार्टी अध्यक्ष केपी शर्मा ओलीले झन्डोत्तोलन गरेर अभियानको ‘झुलाघाट९चिवाभञ्ज्याङ समृद्धिका लागि संकल्प यात्रा’ अभियानो शुभारम्भ रहेका हुन्। अभियनको शुभारम्भ गर्दै अध्यक्ष केपी ओलीले राष्ट्रिय झण्डा फहराएका थिए।अभियानका लागि एमालेका शीर्ष नेता, भ्रातृ संगठनका प्रमुख तथा पदाधिकारी सबै पुगेका छन्।

एमालेको झुलाघाट–चिवाभञ्ज्याङ यात्रा बैतडीबाट सुरुःएमालेको झुलाघाट–चिवाभञ्ज्याङ यात्रा बैतडीबाट सुरुः

अभियानका क्रममा बास बस्ने ठाउँहरूः
मंसिर–१४ गते गोठालापानी
मंसिर–१५ अमरगढी
मंसिर–१६ सिलगढी
मंसिर–१७ मंगलसेन
मंसिर–१८ दैलेख
मंसिर–१९ सुर्खेत
मंसिर–२० रुकुमकोट
मंसिर–२१ गलकोट
मंसिर–२२ पोखरा
मंसिर–२३ गोरखा
मंसिर–२४ बगरकोट
मंसिर–२५ धुलिखेल
मंसिर–२६ मन्थली
मंसिर–२७ दिक्तेल
मंसिर–२८ भोजपुर
मंसिर–२९ बसन्तपुर
मंसिर–३० संक्रान्तिबजार
पुस–१ फिदिम
पुस–२ चिवाभञ्ज्याङ

सभा,भेला र भेटघाट
गोठालापानी
अमरगढी
सिलगढी
मंगलसेन
दैलेख
सुर्खेत
रिम्ना
वामीटक्सार
कुस्मा
सन्दरबजार
बट्टार
मण्डन कुन्तावेंसी
चरिकोट
हर्कपुर
भोजपुर
बसन्तपुर
फिदिम
च्याङ्थापु

यो पनि पढनुहोस ः

एमालेको झुलाघाट–चिवाभञ्ज्याङ यात्रा बैतडीबाट सुरु – खबरदारी न्युज (khabardarinews.com)

एमाले अध्यक्ष ओलीले १५ गते डडेल्धुरामा सम्बोधन गर्ने – खबरदारी न्युज (khabardarinews.com)

मोटरसाइकल दुर्घटनामा अमिन गम्भीर घाइते, भेन्टिलेटरमा उपचार हुँदै

धनगढीः कञ्चनपुरका छाडा पशु चौपाया(गाई) सँग मोटरसाइकल ठोक्किदा भएको दुर्घटनामा एक जना गम्भीर घाइते भएका छन् ।

पूर्वपश्चिम राजमार्ग अन्तरगत कृष्णपुर नगरपालिकाको वाणीमा शुक्रबार साँझ बा२ब ८९५० नम्बरको सरकारी मोटरसाइकल गाईसँग ठोक्किदा एक जना गम्भीर घाइते भएको प्रहरीले जनाएको छ ।

प्रदेश ट्राफिक प्रहरी कार्यालय अत्तरियाकाअनुसार घाइते हुनेमा बैतडीको पुर्चौडी नगरपालिका–७ घर भएका २५ वर्षीय करन साउँद रहेका छन् ।

उनको धनगढीको माया मेट्रो अस्पतालमा भेन्टिलेटरमा उपचार भइरहेको छ । मोटरसाइकल पछाडि सवार प्रकाश जोशी समान्य घाइते भएका छन् ।

गम्भीर घाइते भएका साउँद अछामको नापी कार्यालयका अमिन रहेको खुलेको प्रहरीले जनाएको छ ।