कञ्चनपुर

बैतडीः नेकपा एमालेको मध्य पहाडी लोकमार्ग केन्द्रीत विशेष अभियान सुरु भएको छ। बिहीबार पार्टी अध्यक्ष केपी शर्मा ओलीले झन्डोत्तोलन गरेर अभियानको ‘झुलाघाट९चिवाभञ्ज्याङ समृद्धिका लागि संकल्प यात्रा’ अभियानो शुभारम्भ रहेका हुन्। अभियनको शुभारम्भ गर्दै अध्यक्ष केपी ओलीले राष्ट्रिय झण्डा फहराएका थिए।अभियानका लागि एमालेका शीर्ष नेता, भ्रातृ संगठनका प्रमुख तथा पदाधिकारी सबै पुगेका छन्।

एमालेको झुलाघाट–चिवाभञ्ज्याङ यात्रा बैतडीबाट सुरुः

अभियानका क्रममा बास बस्ने ठाउँहरूः
मंसिर–१४ गते गोठालापानी
मंसिर–१५ अमरगढी
मंसिर–१६ सिलगढी
मंसिर–१७ मंगलसेन
मंसिर–१८ दैलेख
मंसिर–१९ सुर्खेत
मंसिर–२० रुकुमकोट
मंसिर–२१ गलकोट
मंसिर–२२ पोखरा
मंसिर–२३ गोरखा
मंसिर–२४ बगरकोट
मंसिर–२५ धुलिखेल
मंसिर–२६ मन्थली
मंसिर–२७ दिक्तेल
मंसिर–२८ भोजपुर
मंसिर–२९ बसन्तपुर
मंसिर–३० संक्रान्तिबजार
पुस–१ फिदिम
पुस–२ चिवाभञ्ज्याङ

सभा,भेला र भेटघाट
गोठालापानी
अमरगढी
सिलगढी
मंगलसेन
दैलेख
सुर्खेत
रिम्ना
वामीटक्सार
कुस्मा
सन्दरबजार
बट्टार
मण्डन कुन्तावेंसी
चरिकोट
हर्कपुर
भोजपुर
बसन्तपुर
फिदिम
च्याङ्थापु

यो पनि पढनुहोस ः

एमालेको झुलाघाट–चिवाभञ्ज्याङ यात्रा बैतडीबाट सुरु – खबरदारी न्युज (khabardarinews.com)

एमाले अध्यक्ष ओलीले १५ गते डडेल्धुरामा सम्बोधन गर्ने – खबरदारी न्युज (khabardarinews.com)

Khabardarinews

 

 

कञ्चनपुरः कञ्चनपुरको महेन्द्रनगरस्थित भीम वाटिका (स्थानीय पार्क) मा भीमदत्त पन्तको शालिक तोडफोड गर्ने दुई जनालाई प्रहरीले पक्राउ गरेको छ।

पन्तको शालिक तोडफोड गर्ने दुई जनालाई पक्राउ गरिएको कञ्चनपुर प्रहरीले जनाएको छ। उनीहरूको नाम खुल्न भने बाँकी छ। राप्रपाले राज संस्था पुनःस्थापना अभियान अन्र्तगत प्रदर्शनमा सहभागीले वाटिकामा प्रवेश गरी पन्तको शालिक तोडफोड गरेका थिए।

तोडफोडबाट शालिकको कम्मर मुनिको भागमा क्षति पुगेको छ। सुरक्षाकर्मीले दुई राउण्ड अश्रुग्याँस प्रहार गरी शालिक तोडफोड रोकेका छन्।

Khabardarinews

 

 

कञ्चनपुरः कञ्चनपुरका उदयमान कवि प्रचण्ड भाष्कर कलौनी (गुणाकर)को २९ वर्षको उमेरमा निधन भएको छ। विगत एक वर्षदेखि घाँटीको क्यान्सर रोगबाट ग्रसित कवि प्रचण्ड भाष्करको शुक्रवार निधन भएको हो।

भीमदत्त नगरपालिका–१७ मझगाँउस्थित आफ्नै निवासमा निधन भएको पारिवारक स्रोतले बताएको छ। क्यान्सरबाट ग्रसित भएपछि उनको काठमाडौँ र भारतको दिल्लीसहित विभिन्न ठाउँका अस्पतालमा उपचार गरिएको थियो। बैतडीको शिवनाथ गाउँपालिका–२ शर्मालीमा जन्मिएका प्रचण्ड उच्च शिक्षाका लागि कञ्चनपुर आएका थिए। छोटो समयमै डोट्याली र नेपाली भाषाका कविता लेखेका थिए।

प्रचण्ड भाष्करका १० छोटा कविता

Khabardarinews

 

 

महेन्द्रनगरः जिल्ला प्रहरी कार्यालय कञ्चनपुरले भीमदत्त नगरपालिका विभिन्न स्थानमा सञ्चालित चार मसाज सेन्टरमा छापा हानेर सञ्चालक , कामदार र ग्राहकलाई पक्राउ गरेको छ ।

जिल्ला प्रहरी कार्यालय कञ्चनपुरका सुचना अधिकारी पुष्कर राज पन्तले चार मसाज सेन्टरमा छापा मारेको बताए । उनका अनुसार भीनपा ४ महेन्द्रनगरको ग्ल्यामर, भीनपा ५ बनखेतको ग्ल्यामर, बनखेतकै कोहिनुर, भीनपा ६ ऐठपुरको डाईमण्ड स्पामा छापा हानिएको छ ।

प्रहरी निरीक्षक पन्तका अनुसार रामसिह विष्ट सञ्चालक रहेको बनखेतको ग्ल्यामर स्पाबाट म्यानेजर महेश पाल, नरेन्द्र शाह सञ्चालक रहेको कोहिनुर स्पाबाट म्यानजेर दया भट्ट सहित सहित ७ महिला, ८ पुरुषलाई पक्राउ गरिएको बताए । स्पाबाट पक्राउ परेका महिला कामदार हुने भने पुरुष ग्राहक हुन । ६ भारतीय पुरुष छन ।

जिल्ला प्रहरी कार्यालय कञ्चनपुरका प्रहरी प्रमुख एसपी कमल थापाले स्पा सेन्टरमा अनैतिक गतिविविध भईरहेको गुनासो आईरहेको बताए ।

यौनजन्य हर्कत भईरहेको गुनासो आएपछि प्रहरीले केही स्पाहरुमा छापा हानेको बताए । ‘समाजलाई अपाच्य हुने हर्कत देखिए, ‘एसपी थापाले भने, ‘अब उहाँहरुमाथि कानुनी प्रकृयादेखि थप विषयमा छानबिन गछौँ ।’

नितान्त व्यवसायिक ढङगले समाजलाई पाच्य हुने काम भन्दा पृथक काम गरेको पाईएको एसपी थापाले बताए । पक्राउ परेका कामदार, ग्राहक तथा सञ्चालकमाथि आवश्यक थप अनुसन्धान गरेर कानुनी कार्बाही गरिने एसपी थापाले बताए ।

Khabardarinews

 

 

डडेल्धुरा(दिपकराज भट्ट)- टिकटकमा निकै चर्चित रहेका कंञ्चनपुरका टिकटक स्टार अंशु बर्माले बझाङका भुकम्प पिडितलाई राहत सहयोग गरेका छन् । ७० परिवारलाई राहत वितरण गरिएको खबरदारी न्युजलाई बर्माले बताएका छन् । उनका अनुसार राहत प्याकेजमा चामल २० बोरि, ब्लाङकेट, त्रिपाल, चाउचाउ, नोट कपि दिएको बताएका छन् ।

असोज १६ गते बझाङ केन्द्रबिन्दु भएर गएको भूकम्पले बझाङ, अछाम डडेल्धुरा र बैतडीमा क्षति गरेको छ,।’
बर्माले टिकटक बाट कमाउने पैसा समय समयमा समाजसेवामा लगानी गर्दै आएका छन् ।

Khabardarinews

 

 

धनगढी – भीमदत्त नगरपालिकाका दुई युवा अबैध लागुऔषध खैरो हेरोइनसहित पक्राउ परेका छन्।

ईलाका प्रहरी कार्यालय बेलडाडीबाट खटिएको प्रहरी टोलीले वडा न. २ क्याम्पबाट उनीहरूलाई पक्राउ गरेको हो।

पक्राउ पर्नेमा भीमदत्त नगरपालिका वडा-२ उल्टाखाम बस्ने राजु चौधरी र वडा न. १९ बागफाँटाका अमित चौधरी रहेको प्रहरीले जनाएको छ।

शंका लागि चेक जाँच गर्दा अमित चौधरीको साथबाट ४ ग्राम ३२० मिलिग्राम खैरो हेरोइन फेला पारेको प्रहरीको भनाइ छ। दुबै जनालाई नियन्त्रणमा लिई थप अनुसन्धान कार्य भईरहेको छ।

Khabardarinews

 

 

१५ दिनअघि त्यागेका थिए अन्न

धनगढीः डडेल्धुराको भागेश्वर ४ डंगरि घर भई हाल कञ्चनपुर वाणि बस्दै आएका पन्तको निधन भएकोछ । सुदूरपश्चिममै ख्याति प्राप्त संस्कृतीविद्, ज्योतिषी तथा सनातन अभियन्ता कृष्णदत्त पन्तले अस्तिमात्रै अन्न त्यागे। जनैपूणिर्माको दिन थियो, त्यहीँ दिन १ सय २ वर्षीय पण्डित पन्तले अन्न त्यागेका हुन्।

सनातन धर्म र संस्कृती, संस्कार र पूर्वीय दर्शनका ज्ञाता पन्तले सो दिन अन्नमात्रै त्यागेकोमा त्यसपछि जलसमेत त्यागेका थिए। पन्तले आजसम्म अन्नदेखि जलसम्म केही ग्रहण नगरी शास्त्रीय अवसानको लागि संघर्ष गरिरहेका थिए। उनका पुत्र डिआर पन्तका अनुसार आज पन्तको सो संघर्षको घडी समाप्त भएको छ। यानिकी ज्योतिषी पन्तको निधन भएको छ।

पन्त धार्मिक र शास्त्रीय अवसानको पथमा लम्किएका हुन्। आज ९शुक्रबार० पन्तको निधन भएको पारिवारिक स्रोतले जानकारी दिएको छ। जीवनकालभर संस्कृतीविद्, ज्योतिषी र सनातन अभियन्ता बनेर क्रियाशील पन्तले १०२ वर्षको उमेरमा आएर पनि सनातन मान्यताअनुसार देहत्यागको बाटो रोजेका हुन्।

पन्तले देहत्यागका लागि एक हप्ताबढी अन्न ९खाना(पानी० छोडेका थिए। यस्तै अस्तिसम्म माला जप गरिरहेका पन्तले हिजैबाट माला जप्न पनि छाडेका थिए। डडेल्धुराको डुगरी गाउँमा जन्मिएका पन्त हाल कञ्चनपुरको कृष्णपुर नगरपालिका(२ मा सपरिवार बस्दै आएका थिए।

तत्कालीन विस। १९९७ मा शिक्षक बनेर देशभर ज्ञानको ज्योति फैलाउन हिंडेका पन्तले देशका विभिन्न सयौं भाषा पाठशालामा अध्यापन गरेका थिए। अध्यापनमात्र होइन, पन्तले आफैंले पाठशाला स्थापनासमेत गरेका थिए। त्यसपछि विस। २०१९ सालमा सो पेशाबाट राजीनामा दिएर उनले त्यसपछि सनातन धर्मको अभियन्ता बनेर काम गरे।

उनले लामोसमय सनातन धर्मको प्रवर्द्धन तथा प्रवचनमा योगदान दिए। जीवनकालमा उनले २०० भन्दा बढी पुराण वाचन गरेको बताइन्छ। उनी संस्कृतीविद्, सनातन अभियन्ता र ज्योतिषीमात्र होइन, सुदूरपश्चिम र नेपालको लोकपरम्परा, पद्धतिका ज्ञाता एवं पूर्वीय दर्शनका व्याख्याता र प्रवचक पनि थिए।

उनले ९६ वर्षको उमेरमा अन्तिम पुराण वाचन गरेका थिए। त्यसपछि पुराण वाचन छोडेका उनी ज्योतिषीतर्फ लागेका थिए। सनातन धर्मको अभियानै चलाएका उनलाई सुदूर नेपालको लोक परम्परा र पद्धतिको ज्ञाता मानिन्छ। उनले पूर्वीय दर्शन गीता, महाभारत वेद रामायणको पनि व्याख्या गर्ने, प्रवचन गर्ने गर्दथे।

Khabardarinews

 

 

माओवादी आफै रुपान्तरण हुन जनतामा फर्केका हौंः सचिव आचार्य

धनगढी- नेकपा (माओवादी केन्द्र)का सचिव डिलाराम आचार्यले माओवादीहरु रुपान्तरण हुन तीन महिने अभियान संचालन गरिएको बताए । उनले जनताभन्दा माओवादी नेता कार्यकर्तामा रुपान्तरणको आवश्यकता भएको महशुस गरेर अभियानमार्फत जनतामा फर्केको बताए ।
मंगलबार धनगढीमा प्रेस सेन्टर नेपालले आयोजना गरेको पत्रकारसँगको भेटघाट कार्यक्रममा बोल्दै आचार्यले भने, “जनता बिग्रेका छैनन् । खुला राजनीतिमा आएसँगै हामी नेता कार्यकर्तामा फोहोर मैला लागेको छ । त्यो फखाल्न जनतामा फर्केका हौं ।”
सचिव आचार्यले अहिलेको राजनीतिक उपलब्धी आफ्नो पार्टीकै नेतृत्वमा प्राप्त भएको बताउँदै त्यसको पुष्टि पहिलो संविधानसभामा पार्टीको पक्षमा व्यक्त भएको जनतमले पुष्टिल गरेको बताए । माओवादीप्रतिको विश्वास गुम्नु अस्वीकार नभएको बताउँदै आचार्यले भने, “माओवादीको जनताको विश्वास गुम्नुको मुख्यकारण जनताले हाम्रो पार्टीलाई अस्वीकार गरेको होइन, हामी भित्रको टुटफुट र विभाजन भएको नै हो । एकीकृत चार टुक्रामा विभाजित हुँदा आउने परिणाम यस्तै हुन्थ्यो ।”
आफूहरुले गम्भीर समिक्षा गरेर फेरि समाजवादी आन्दोलनको नेतृत्व गर्ने परी नेता कार्यकर्ताले प्रतिवद्धता जाहेर गरेर जनतामा फर्केको बताए ।
सचिव आचार्यले ‘जनतासँग माओवादी, विशेष रुपमान्तण’ तीन महिने अभियानमा सुदूरपश्चि प्रदेशमा ७९ वटा अभियान टोली खटिएको जानकारी दिए । सुदूरपश्चिमका ८८ स्थानीय तह र ७३४ वडामा १५८० नेता कार्यकर्ता खटिएको समेत जानकारी उनले दिए ।
अभियान टोलीले पहिलो चरणका कार्यक्रम चलिरहेको बताउँदै सचिव आचार्यले तीन महिनापछि गाउँसम्मको पार्टी र जनताको आवस्थाको बिस्तृत प्रतिवेदन आउने र त्यसपछि आर्थिक, सामाजिक, शैक्षिक, विकास निर्माणलगायतका जनताको जीवनसँग प्रत्यक्ष जोडिएका समस्यालाई कसरी समाधान गर्ने योजना पार्टीले बनाउने बताए ।
थुप्रै जटिला र कठिनाइका साथ पार्टीले ठूलो जनशक्ति दूरदराजका बस्तीमा केन्द्रीत गरेको बताउँदै आचार्यले पार्टी रुपान्तरण हुने अभियानमा सबैले सहयोग र समर्थन गर्न पनि आग्रह गरे ।
एक अर्को प्रसंगमा आचार्यले सुदूरपश्चिम आर्थिक, सामाजिक, सांस्कृतिक, राजनीतिक, भाषिक, भौगोलिक तथा उब्जाउ जमिन र जातीय हिसाबमा पछि नपर्नुपर्ने भएपनि गरिबी, बिपन्नता, बेरोजगारीलगायतका क्षेत्रमा गम्भीर समस्या पैदा भएको बताउँदै त्यसबाट मुक्त गर्नेगरी पार्टीले संघ र प्रदेश सरकारसँग समन्वय गरेर अगाडि बढ्न बताए ।

Khabardarinews

 

 

डडेल्धुराः डडेल्धुरा गौरा भलिबल तथा डेउडा (२०८०)सहयोगिमा एसियन व्यवस्थापन कलेज धनगढी रहेकोछ । डडेल्धुरामा खुल्ला भलिबल प्रतियोगिता हुने भएकोछ । खबरदारी न्युजको आयोजना र डडेल्धुरा युवा मञ्चको प्रर्बद्धनका खेलको आयोजना हुन लागेको हो । डडेल्धुरा गौरा तथा डेउडा कार्यक्रममा सात ओटा कार्यक्रम गरिने आयोजक खबरदारी न्युजका अध्यक्ष जनक महराले बताएका छन् । कार्यक्रममा खुल्ला भलिबल प्रतियोगिता, रक्तदान, खुल्ला डेउडा, योग शिविर, अग्नी नियन्त्रण सम्बन्धि सचेतना नाटक प्रर्दशनि, कृषि उपज प्रर्दशनी , नृत गायन,पञ्चेबाजा, बैंक वित्तिय सचेतना कार्यक्रम हुनेछन् । खुल्ला भलिबल प्रतियोगितामा प्रथम टिमले ३७ हजार ३७ , द्धतीय हुने टिमले रु १६ हजार १६ र तृतीय हुने टिमले रु ८ हजार ८ सय ८८ रुपैया नगद सहित कप पाउनेछ । यस्तै डेउडा तर्फ उतकृष्ट २ टिमले नगद सहित सम्मान पाउनेछ ।

कार्यक्रमको भलिबल सह आयोजकमा सिपि अस्पाताल धनगढी र नोभा फार्मेसि धनगढी -डडेल्धुरा रहेका छन् । यस्तै रक्तदान कार्यक्रमको सह आयोजकमा गंगोत्री मेडिकल हल धनगढी, नेक्सेस कलेज धनगढी रहेका छन् । यस्तै डेउडा तर्फ सह आयोजकमा मित्र सिलाई सेन्टर डडेल्धुरा रहेकोछ भने शिर्षक प्रायोजकमा लुनिभा बाल सरोकार डडेल्धुरा रहेका छन् । यस्तै बैंक वित्तिय सचेतना कार्यक्रमको सह आयोजकमा ग्लोबल आई ।एम ए बैंक शाखा डडेल्धुरा रहेकोछ । यस्तै अग्नी नियन्त्रण सम्बन्धि सचेतना नाटक प्रर्दसनीमा नेपाल आर्मि डडेल्धुराको सहयोग रहेको कार्यक्रम संयोजक दिपक राज भट्टले बताएका छन् ।

कार्यक्रम यहि भदौ ३१ र असोज १ गते भागेश्वर गाँउपालिकाको केन्द्र बगरकोटमा रहेको सरस्वति मा।वि। मा हुने छ । यस अगाडि आयोजकले सिजन १ सम्पन्न गरि सकेको र यो दास्रो सिजन चालु रहेकोछ । डडेल्धुरा लाई पर्यटकिय क्षेत्रको रुपमा चिनाउनुका लागि साथै खेलाडिहरुको प्रोत्साहन बढाउनुका लागि कार्यक्रम अमायोजना गरेको महराको भनाई छ । कार्यक्रममा डडेल्धुराका पर्यटकिय क्षेत्रको ब्यानर प्रर्दसनि समेत गरिनेछ । कार्यक्रममा मुख्य व्यवस्थापकको रुपमा समाजसेवि विनोद पाण्डेयको सहकार्य रहेको महराले बताएका छन् । कार्यक्रम सम्बन्धि कुनै जिज्ञासा, सुझाव भए ९८४३८७९०५६ मा सम्र्पक गर्नुहोला ।

Khabardarinews