७ क्विंटल घण्ट बरामद गरेको कञ्चनपुर प्रहरी फन्दामा, पिडित पक्ष नआए फिर्ता गर्ने तयारी

भुवन भट्ट,महेन्द्रनगर–महेन्द्रनगर बजारबाट शनिबार बिहान प्रहरीले झण्डै ७ कुण्डल मंदिरमा चढाइएका घण्ट बरामद गर्यो । ‘पुराना घण्टहरु घोटेर नयाँ बनाउदै बेचिने गरेको’ भन्ने सूचना पछि कञ्चनपुर प्रहरीले महेन्द्रनगर बजारको गल्लिनम्बर १ स्थित ठकुराटी भाडावर्तन पसलबाट साढे ६ क्विंटल घण्ट बरामद गरेको थियो ।

तर थप बुझ्दै जादा व्यापारीले कतै बाट चोरेर ल्याई नयाँ बनाएर बेच्ने गरेको भन्ने नरहेको पाइएको जिल्ला प्रहरी कार्यालयका प्रहरी नायव उपरीक्षक÷प्रवक्ता सिद्धराज न्यौपानेले बताए । डिएसपी न्यौपानेले धार्मिक आस्थावानहरुले नाम उल्लेख गरी देवीदेवताको मठमा चढाइएका ति घण्टहरु सुरक्षीत सजाइएका हुनुपर्नेमा छापा मार्ने क्रममा पदम ठकुराटीको पसलमा भेटिएपछि बरामद गरीएको जानकारी दिए ।
तर उक्त घण्टहरु महेन्द्रनगर स्थित सिद्धनाथ मंदिर व्यवस्थापन समितीले गुपचुपमा निर्णय गर्दे व्यापारी कहाँ बेचेको भन्ने जानकारी संकलन गर्न सकिएको प्रहरीले जनाएको छ ।

तर मंदिर व्यवस्थापन समितीले नै उक्त घण्टहरु बेचेको पाइएपछि बरामद गरिएका ति घण्ट कहाँ पु¥याउने भन्ने प्रहरीलाई चिन्ताको विषय बनेको छ । सार्वजनिक महत्वको विषय भएकाले मंदिरलाई नै पठाउनु पर्ने अवस्था देखीएको डिएसपी न्यौपानले बताए ।
तर मंदिरमा चढाइएका ति घण्टका पिडित पक्ष हाजिर नभएकाले अहिले केही गर्न सकिने अवस्था भने नरहेको उनले जनाए। उनले थपे,–‘ति घण्टहरुले वैद्यता प्राप्त गरे सम्बन्धीत व्यापारी कहाँ नै पु¥याउनु पर्ने अवस्था पनी नआउला भन्न सकिन्न।’
तर पुरातात्विक सम्पत्तिको रुपमा रहने घण्टहरु धार्मिक आस्था र विश्वास सँग जोडिएका छन् । तिनको संरक्षण गर्नु सबैको दायीत्व हो । घण्टहरुको सुरक्षा र उचित व्यवस्थापन गरिनुपर्ने कतिपय धार्मिक आस्थावानहरू बताउँछन्।
यता सिद्धनाथ मंदिर व्यवस्थापन समितीले भने पुराना करिब ७ कुन्टल घण्ट बिक्री गरीएको स्विकार गरेको छ । अध्यक्ष हिक्मद सिह भण्डारीले साधारण सभाबाट निर्णय गर्दे उक्त घण्टहरु ३ लाख ६६ हजार ४ सय १० रुपैयामा बेचिएको जनाए । तर प्रहरीले बरामद गरेका व्यापारी पदम ठकुराटीलाई भने नबेचिएको उनले जिकिर गरे । उनले भने,–‘ केही दिन अघि मात्रै निर्णय गरी समितीले कवाडी गुड्डु अन्सारीलाई उक्त परिमाणका घण्टहरु बिक्रि गरेको थियो।’

उनले भने,–‘मंदिर चलेकै पुराना घण्ट बिक्रि गरेर हो।’ मंदिरको हित, फाइदाका लागी नै घण्टहरु बिक्रि गर्ने गरेका उनले बताए ।

तर बरामद घण्टहरु भने सिद्धनाथ मंदिरकै रहेको अध्यक्ष भण्डारीले स्विकारे । घण्टहरु बिक्रीगरेको बाहिर आएपछि मन्दिर व्यवस्थापन समितीले आइतबार बिहान बैठक डाक्ने निधो गरेको छ । अध्यक्ष भण्डारीले उक्त घण्टहरु प्रहरीले बरामद गरिसकेकाले आफुहरुले नै बिक्रि गरेको आधिकारीक प्रमाण जुटाउन बैठक डाकिएको जानकारी दिए । तर उक्त घण्टहरु मंदिरमै पुर्याएर मंदिरको शोभा बढाइनुपर्ने कतिपय धार्मिक आस्थावानहरुको भनाई छ ।

नगर सचिवमा ऐर निर्वाचित

डडेल्धुरा — अमरगढी नगरपालिका डडेलधुराको पाचौ नगर अधिवेशनबाट सर्बसममत रूपमा टेकबहादुर ऐर सचिव मा निर्वाचित भएका छ्न। नेपाल तरुण दल डडेलधुरा सह—सचीव रहेका ऐर समाज सेवामा सक्रिय छन। दिप ज्योति युवा क्लबका अध्यक्ष रहेका ऐर को नेतृत्वले डडेलधुरामा फुटबल खेल मैदान निर्माण भएको छ ,४ वटा राष्ट्रिय स्तरका फुटबल खेल समेत संचालन भएका छन्।
२०६० सालमा नेविसंघ सदस्यता लिएर राजनैतिक यात्रा सुरु गरेका ऐर निरन्तर भातृ संघ र कांग्रेस राजनैतिक सक्रिय छ्न । सहयोगी ,मिलसार, नेता ऐरले अब नेपाली कांग्रेस अमरगढी समिति महत्वपूर्ण कार्य सबै पक्षलाई समेटी स्थानीय , प्रदेश , संघ चुनावमा नेपाली कांग्रेस नेतृत्व स्थापित गर्ने रहेको छ। यसमा सबै कांग्रेसीको साथ, सहयोग आवश्यक रहेको बताएका छन।

अजयमेरुमा ४ वाईसिएल संगठन बिस्तारः अध्यक्षयमा बिष्ट चयन

डडेल्धुरा— डडेल्धुराको अजयमेरु ४ मा आज औपचारिक कार्यक्रम गरि वाईसिएल संगठन विस्तार भएको छ । औपचारिक कार्यक्रममा प्रमुख अथिति नर बहादुर बिष्ट,अथितिमा टिका बहादुर बिष्ट,मदन चटौत,भोजराज भट्ट दान बहादुर बिष्ट रहेका थिए । कार्यक्रम बाट गणेश ऐर लाई अध्यक्षमा, डिकेन्द्र विष्ट लाई उपाध्यक्ष , टिकेश्वरि विष्ट लाई सचिवमा चयन गरेको अखिल क्रान्त्रिकारिका जिल्ला उपाध्यक्ष तारा दत्त भट्टले जानकारि दिनुभयो । यस्तै समति ५१ सदस्यि गठन गरिको छ ।
वाईसिएलले समाजको हकहितका लागि काम गर्ने र सामाजिक विकासका लागि पहल चाल्ने अध्यक्ष बिष्टको भनाई रहेको छ ।

देउवा गृह जिल्लाको नगर सभापतिमा २८ वर्षका जोशी निर्वाचित

डडेल्धुरा – नेपाली कांग्रेसको १४ औं महाधिवेशन अन्तर्गत डडेल्धुरा जिल्लाको परशुराम नगरपालिकाको सभापतिमा २८ वर्षका भरत…

प्रहरी बनाउने भन्दै ठगी गर्ने काँग्रेस नेतालाई कारवाही माग गर्दै पीडितहरु गाउँपालिकामा

महेन्द्रनगर — बैतडीमा प्रहरी बनाउने आश्वासन दिएर रकम अशुली फरार भएका व्यक्ति घर फर्किएपछि पीडितहरु स्थानीयले सरकार गुहारेका छन् । उनीहरु आफूहरुबाट लिएको अशुलीका लागि पञ्चेश्वर गाउँपालिकामा पुगेका हुन् ।
पञ्चेश्वर गाउँपालिकामा अहिलेसम्म ७÷८ जनाले रकम अशुलीका लागि निवेदन दिएका छन् । पाँच वर्ष अघि प्रहरी बनाउने आश्वासन दिएर पञ्चेश्वर गाउँपालिका ५ बलाराका प्रकाश चन्द रकम लिएर भारत भागेका थिए । गाउँपालिका गुहारेका उनीहरुले चन्दले पाँच लाखदेखि १२ लाखसम्म रकम लिएको बताएका छन् ।
चन्दले प्रहरी निरीक्षक र प्रहरी सहायक निरीक्षक बनाउने भन्दै पञ्चेश्वर गाउँपालिका र मेलौली नगरपालिकाका १२ जनाबाट रकम अशुली गरेको उनीहरुको दाबी छ ।
गाउँपालिकामा आएका पीडितहरुका अनुसार तितावैका शंकर चन्द, जनक चन्द, र रोेडिदेबलका हिरा भण्डारीबाट पाँच÷पाँच लाख लिएका छन् । यसैगरी भीमदत्त नगरपालिका सुकासालका राजु चन्दबाट ६ लाख लिएको उनीहरुले बताएका छन् ।

रकम लिएर चन्द भारत फरार भएपछि दुई जनाले काठमाडांै जिल्ला प्रहरी कार्यालय हनुमान ढोकामा उजुरी दिएका थिए । त्यहीं उजुरीका आधारमा हनुमान ढोका प्रहरीले बैतडी प्रहरीलाई चन्दलाई पक्राउ गरी सहयोगका लागि पत्राचार गरेको थियो ।
गाउँ छाडेर भागेपछि भारतमा बस्दै आएका चन्द केही महिना अघि मात्रै घर फर्केका थिए । उनी घर फर्केपछि पीडितहरुले चन्दलाई कारवाहीको दायरामा ल्याउन माग गरेका छन् ।
नेपाली काँग्रेसको १४ औं महाधिवेशन अन्र्तगत चन्द क्षेत्रीय प्रतिनिधि बनेका छन् । उनले आफूलाई सुरक्षाका लागि बैतडी प्रहरीमा निवेदन दिएका छन् ।
पञ्चेश्वर गाउँपालिकाका अध्यक्ष गोरख बहादुर चन्दले प्रहरी बनाउने आश्वासन दिएर आफूहरुलाई ठगी गरिएकाले कानुनी कारवाहीका लागि गाउँपालिकामा निवेदन आएको बताए ।
‘यो २०७२ सालतिरको कुरा रहेछ, वहाँहरुले ठगी गर्ने प्रकाश चन्दलाई कारवाही र आफूहरुको रकम अशुलीका लागि गाउँपालिकामा निवेदन दिएका छन्’ उनले भने,‘अहिलेसम्म ७÷८ जनाका निवेदन आएका छन्, त्यसमा सबै मेलौली र पञ्चेश्वरका छन् ।’
गाउँपालिकामा निवेदन निवेदन आएपछि आफूले जिल्ला प्रहरी र प्रशासन कार्यालयलाई जानकारी गराउने अध्यक्ष चन्दले बताए । ‘गाउँपालिका पनि यी निवेदन हेरि रहेको छ, पहिला नै प्रहरीमा मुद्दा परेकाले यहाँबाट पनि प्रहरी र प्रशासनलाई जानकारी गराउँछौ’ उनले भने ।

ब्रह्मदेवमा कल्भर्ट निर्माणमा भारतीय सुरक्षाकर्मीको अवरोध

महेन्द्रनगर — भीमदत्त नगरपालिका­ ९ ब्रह्मदेवमा कल्भर्ट निर्माण गर्न भारतीय सीमा सुरक्षा बल ९एसएबी०ले अवरोध गरेको छ। ब्रह्मदेव बजारको पश्चिमतर्फको नेपाली भूमिमा रहेको नाला दशगजा क्षेत्रमा पर्ने भन्दै एसएसबीले कल्भर्ट निर्माणमा अवरोध गरेको हो। निर्माण रोक्न दुईजना एसएसबीका जवानलाई खटाइने गरिएको छ। ब्रह्मदेवको सिद्धनाथ मन्दिरदेखि ब्रह्मदेव बजारसम्म बनाउन लागिएको सडक कालोपत्रेअन्तर्गत नालामा कल्भर्ट बनाउन लागिएको छ। तर एसएसबीले अवरोध गरेपछि सात महिनादेखि कल्भर्ट निर्माण अवरुद्ध छ। भीमदत्त नगरपालिकाले बाह्य चक्रपथअन्तर्गत सिद्धनाथ मन्दिरदेखि ब्रह्मदेव बजार पश्चिम कुनासम्म नालीसहितको ६७० मिटर सडक निर्माण भैरहेको छ।

‘सडकअन्तर्गत नालामा कल्भर्ट बनाउन सुरु गर्दा एसएसबी आएर दशगजामा पर्‍यो भनेर काम अघि बढाउन दिएको छैन‚’ सडक निर्माण कम्पनी कैलाश राखी जेभीका सञ्चालक चन्द्र सिह कार्कीले भने, ‘कल्भर्ट निर्माण गर्न दिइएको छैन। त्योबाहेकको कार्य अगाडि बढेको छ।’कार्कीले सडक निर्माणका लागि एक करोड ९५ लाख रुपैयाँमा ठेक्का लिएको छ। गत वर्षदेखि निर्माण सुरु गरिएको ठेक्का सम्झौता असोजमा सकिन लागेको छ।

यसअघि भारतीय एसएसबीले ब्रह्मदेव बजारदेखि भारतीय भूमिसम्म निर्माण हुने सडक निर्माण पनि रोकेको थियो। एसएसबीले सीमा विवादको कारण देखाउँदै सडक निर्माण रोकेको थियो। टकनपुर बाँध नजिकको नेपाली भूमिमा सडक निर्माण रोकिए पनि आफ्नो क्षेत्रमा भने भारतले पक्की सडक बनाएको छ। भीमदत्त नगरपालिका ९ का वडा अध्यक्ष राम नाथले एसएसबीले अनावश्यक रुपमा कल्भर्ट निर्माण कार्यमा अवरोध गरेको बताए।

डडेल्धुरामा १३ वर्षीया बालिकामाथि सामूहिक बलात्कार, २ जना पक्राउ

डडेल्धुरा— १३ वर्षीया बालिकामाथि सामूहिक बलात्कार गरेको आरोपमा २ जना पक्राउ परेका छन्। डडेल्धुराको परशुराम नगरपालिकाकी बालिकालाई बलात्कार गरेको आरोपमा सोेही नगरपालिका–१० बस्ने २३ वर्षीय राम सिंह ठगुन्ना र दार्चुला नौगाड गाउँपालिका–५ घर भएका २७ वर्षीय जगदिश धामी पक्राउ परेका हुन्।
असोज ५ गते बलात्कार गरी भागेको भन्ने खबर प्राप्त हुनासाथ ईलाका प्रहरी कार्यालय जोगबुढाबाट खटिएको प्रहरीले उनीहरुलाई बिहीबार साँझ पक्राउ गरेको जिल्ला प्रहरी कार्यालय डडेल्धुराले जनाएको छ। उक्त विषयमा प्रहरीले थप अनुसन्धान गरिरहेको बताएको छ।

डडेल्धुराको बजारको यो थात्रो सडक

डडेल्धुरा जिल्ला सुदुरपश्चिमका सात पहाडि जिल्लाको केन्द्रमा रहेको जिल्ला हो । डडेल्धुराको भिमदत्त राजमार्ग भएर डोटि,डडेल्धुरा,बझाङ,बैतडी,बाजुरा,अछाम गाडिहरु गुडने गर्दछन् ,भने बागबजारको सडकखण्ड भएर बैतडी,बझाङ,र्दाचुला गाडिहरु गुडने गर्दछन ।
डडेल्धुरालाई स्मार्ट सिटि बनाउने योजना भने अमरगढी नगरपालिकाले लिएको थियो । स्मार्ट सिटिका लागि आधारभुत कुराहरु समेत हुनु सकेका छैनन् । स्मार्ट सिटि निर्माणका लागि प्रारम्भीक अध्ययन गरेर चरणबद्ध रुपले काम हुने आशा भने आम नागरिकमा रहेको छ ।
डडेल्धुरा बागबजार देखि किर्तिपुर सम्मको सडकखण्ड देख्दा गल्ली जस्तो देखिन्छ कारण व्यवस्थित नहुन नै हो । कहि खाल्डाखुल्डी त कहि खोका छाप्राले सडक अव्यवस्थित पारेको छ । निमार्ण सामग्रि हप्तौ सम्म सडक छेउमै हुनाले पनि दिनहस जसो ट्राफिक जाम हुने गर्दछ । सडक छेउमा छाडा गाईवस्तुले पनि उतिकै जोखिम बढाएका छन् ।
मुख्य बजारको रुपमा रहेको बागबजारमा त दिनहु जाम नै जाम रहन्छ कहिले एम्बुलेन्स पनि दशौं मिनेट जाम झेल्न बाध्य हुन्छन् । साघुरो सडकमा पसल अगाडि पार्किङ गर्नु, निर्माण सामग्री राख्नाले जाम संगै दुर्घटनाको जोखिम पनि बढेको छ । व्यवसायिहरुले गाडिहरु मनपरि ढङगले रोक्ने सामान लोड अनलोड गर्नाले जाम बढने आम स्थानिय को बुझाई छ ।
मुख्य सडक (बागबजार —किर्तिपुर) चौडा गर्नुका लागि २ पटक टेन्डर आएपनि दुई पटक नै रद्ध भएको छ । यसरि पुर्वाधर विकासमा बाधा हुदा आम नागरिले सास्ति खेप्नु परेको छ ।
चुनावि नाराको रुपमा रहेको यो सडकले भने आफ्नो मुहार फेर्न पाएको छैन् । सडकभरि खाल्डाखुल्डी, छाडा गाईवस्तु ले जिल्ला सदरमुकाम नै कुरुप बनेको छ ।
सुन्दर डडेल्धुरा बनाउनुका लागि यहाका स्थानिय जनप्रतिनिधि र आम नेता कार्यकर्ताहरुले सडकको स्तरोउन्नती म जोड दिन जरुरि देखिन्छ । जसले गर्दा सेवा प्रवाहमा पनि सहज हुने र सौन्र्दयता पनि बढने छ । सधै चुनावि नारामा मात्र सिमित नरहेर कामको पनि थालनी होस यहि छ सम्मुर्ण जिल्ला नागरिकको अपेक्षा । छाडा गाईवस्तुहरु नियन्त्रणमा सम्बनिधत निकायले ध्यान दिनु जरुरि देखिन्छ ।
दिपकराज भट्ट

डडेल्धुरामा स्वास्थ्य विज्ञान प्रतिष्ठानको प्रारम्भिक अध्ययन

डडेल्धुरा — स्वास्थ्य विज्ञान प्रतिष्ठान स्थापनाका लागी प्रारम्भिक अध्ययन टोली पुगेको छ । सुदूरपश्चिम स्वास्थ्य विज्ञान प्रतिष्ठान प्रारम्भिक अध्ययनकालागी बिहिबार सरोकारवाला संग सुझाव संकलन तथा अन्तरक्रिया गरिएको छ । डा. चेतराज पन्तको नेतृत्वमा स्वाथ्य मन्त्रालयको अध्ययन टोलीले बिहिबार सुझाव संकलन गरेको छ । संकलित सुझाव मन्त्रालयमा पेश गरीने डा. पन्तले बताएका छन ।
प्रतिष्ठान स्थापना हुन सके सुदूरपश्चिमका स्थानियले स्वास्थ्य उपचार संगै सुलभ रुपमा स्वाथ्यका बिषय अध्ययन गर्न पाउने छन । स्वास्थ्य बिषयलाई ग्लोवल मनिका रुपमा लिईएको भन्दै उनले यसका लागी सुझाव संकलन गरिएको बताए ।
कार्यक्रममा जनप्रतिनिधी, राजनितिक दल लगायत सरोकारवालाहरुले प्रतिष्ठान स्थापनका लागी आवश्यक पहल गर्ने बताएका छन । प्रतिष्ठान स्थापनका लागी आवश्यक प्रक्रिया थालिनै जनाउदै कार्यक्रमका सहभागीहरु सरकारले तदारुकता देखाउनु पर्ने औल्याए ।
कार्यक्रममा डडेल्धुरा अस्पतालका मेसु डा. जगदिशचन्द्र बिष्टले जिल्ला अस्पताल बाट उप क्षेत्रिय हुदै संघिय सरकार मातहतको अस्पताल संग १७० रोपनी जमिन भएको बताएका थिए । प्रतिष्ठान स्थापनाका लागी एक हजार रोपनी जमिन आवश्यक पर्ने भएकाले सबैले पहल गर्नु पर्ने उनको भनाई थियो । अस्पतालमा गत वर्ष मात्रै २३ हजार विरामी ओपिडिमा भर्ना भएका थिए । भने सयौले मेजर मानर अप्रेशन, सिएस गरेकाले अस्पतालमा विरामीको चाप उल्लेख्य रहेको बताए छन ।

देउवाको गृहजिल्ला डडेलधुरामा कांग्रेस नेता कार्यकर्ता अनशनमा

काठमाडौं । नेपाली कांग्रेसका सभापति एवं प्रधानमन्त्री शेरबहादुर देउवाका गृहजिल्लाका कांग्रेस नेता तथा कार्यकर्ताहरू रिले अनशनमा बसेका छन्।

धाँधलीपूर्ण तरिकाले क्रियाशील सदस्यता वितरण गरेर जबरजस्ती वडा अधिवेशन गराइएको भन्दै उनीहरू बिहीबारदेखि रिले अनशनमा बसेका हुन्।

वडा अधिवेशन प्रक्रिया रद्द गर्न केन्द्रीय कार्यसमिति र केन्द्रीय निर्वाचन समितिमा औपचारिक जानकारी गराए पनि कुनै सुनुवाइ नहुँदा बाध्य भएर अनशनमा बस्नु परेको डडेलधुरा कांग्रेसका उपसभापति करूणाकर भट्टले जानकारी दिए।

‘धाँधलीपूर्ण ढंगबाट बाँडिएको क्रियाशील सदस्यताको आधारमा सम्पन्न वडा अधिवेशनलाई मान्यता नदिन हामीले केन्द्रीय समिति र निर्वाचन समिति दुवैलाई लिखित जानकारी पठाएको छौं,’ आयोमेलसँग भट्टले भने, ‘त्यहाँबाट कुनै जवाफ नआएपछि अनशन बस्ने निर्णयमा पुगेका हौं।’
क्रियाशील विवाद टुंगो लगाउन, सम्पन्न भएको वडा अधिवेशनलाई मान्यता नदिन लगायतका माग अघि सारेर जिल्ला पार्टी कार्यालयमा आफूहरू अनशनमा बसेको उनले बताए।
जिल्लाबाट पठाइएको क्रियाशील सदस्यहरूको नाम काटेर पार्टी सभापति देउवाको निर्देशनमा केन्द्रबाट नाम थप गरिएको डडेलधुरा कांग्रेसका सभापति कर्ण मल्ल, उपसभापति भट्टलगायतका पदाधिकारीहरूले आरोप लगाएका छन्।
क्रियाशील सदस्यता वितरणमा विवाद सिर्जना भएपछि विवाद नटुंगिएसम्म जिल्ला कार्यसमितिले वडा अधिवेशन स्थगित गर्ने निर्णय गरेको थियो। तर, निर्वाचन समितिले जिल्ला कार्यसमितिको निर्णयलाई अटेर गर्दै डडेलधुरामा भदौ २५ गते वडा अधिवेशन गरेको थियो।
क्रियाशील सदस्यता विवाद नटुंग्याएर वडा अधिवेशन प्रक्रिया अगाडि बढाएको भन्दै जिल्ला सभापति, उपसभापतिलगायतका पदाधिकारीहरूले बहिष्कार गरेका थिए।