खबरदारी अंक

खबरदारी अंक डडेल्धुरा, महेन्द्रनगर ः खबरदारी न्युज साप्ताहिक पत्रिकाको कार्तिक १३ गतेको अंक Khabardarinews

प्रिय लेखक रामलाल जोशी (बाआमा) ः तपाईले पढनुभयो

नेपाली साहित्यका युगिन लेखक हुन। सखी ऐना कथासंग्रह (२०७२) मदन पुरस्कार बिजेता यस पुस्तक पश्चात बाआमा…

अपूर्ण प्रेम

जनक जोशी – भदौरे झरी दर्किएर पर्दै थियो। अत्तरियाबाट पूर्व जाने सहचालक साथीहरू ठूलो ठूलो स्वरमा…

जो हरेक वर्ष बुद्ध मूर्ति दान गर्छन्, २०८६ सालसम्मलाई पक्कापक्की

सबिना श्रेष्ठ छुस्याबहालमा शनिबार प्रतिस्थापन गरिएको दिपंकर बुद्ध मूर्ति, साथमा दाताहरू पूर्णसिद्धि शाक्य र सुगिन्द्र शाक्य।…

प्रेममा पनि घात हुन्छ….

१… न कुनै विधानमा हुन्छ, न धारामा हुन्छ न सूचनापाटीमा हुन्छ , न नारामा हुन्छ लाग्छ,…

‘छक्का पञ्जा ४’को ट्रेलरमा अटाएनन् जीतु

‘मुन्द्रेको कमेडी क्लब’बाट निर्देशक दीपाश्री निरौला बाहिरिएसँगै कार्यक्रमका होस्ट जीतु नेपाल र ‘छक्का पञ्जा’ टिमबीच मनमुटावको चर्चा चल्यो । सार्वजनिक कार्यक्रममा एकसाथ देखिएर जीतु र दीपकराज गिरी, केदार घिमिरे, दीपाश्री निरौलाले सम्बन्ध नबिग्रिएको सन्देश दिन खोजे ।
तर, व्यक्तिगत रुपमा सम्बन्ध नबिग्रिएको सन्देश दिन खोजेपनि व्यावसायिक सम्बन्धबाट भने जीतु र अन्य कलाकार टाढिएका छन् । बलिउड चलचित्र ‘सूर्यवंशी’ हेर्न पुगेका दर्शकले नेपाली चलचित्र ‘छक्का पञ्जा ४’को ट्रेलर पनि हेर्न पाउँछन् । यो ट्रेलर चलचित्र आउँदैछ भन्ने जानकारी दिनका लागि मात्र खिचिएको हो ।

प्राज्ञिक विद्यार्थी परिषद नेपाल अमरगढी नगर ईकाइ समिती डडेल्धुराद्वारा प्रदिवेदन लेखन प्रशिक्षण

(दिपक राज भट्ट)डडेल्धुरा — प्राज्ञिक विद्यार्थी परिषद नेपाल अमरगढी नगर ईकाइ समिती डडेल्धुराद्वारा आयोजित एक दिवसीय प्रदिवेदन लेखन प्रशिक्षण आज सम्पन्न भएको छ।
सामाजिक र शैक्षिक क्षेत्रमा अग्रस्थानमा हरेको विद्यार्थी परिषदले, युवाहरूले कुनै पनि घटना ,सभासमारोह, भ्रमण योजना मेलापर्व पर्यटकिय क्षेत्र जस्ता विभिन्न कार्यहरू संग सम्बन्धि गहिरो अध्ययन गरि विश्लेषण र निष्र्कष सहित त्यसको तथ्यलाई खोज मुलक ढंगले संकलन गरि बस्तुगत विश्लेषण गर्न सकुन् भन्ने उद्देश्यले उक्त प्रशिक्षणको आयोजना गरिएको विद्यार्थी परिषदका सुदुरपश्चिम सह—सचिव एवं डडेल्धुरा जिल्ला संयोजक सन्दीप महराले बताउनु भयो।
माउन्टेन बहुमुखी क्याम्पस बागबजार डडेल्धुरा शनिबार आयोजित कार्यक्रममा अमरगढी नगरपालिका क्षेत्र भित्रका ६ वटा विद्यालयका २६ जना विद्यार्थीहरुको सहभागीता रहेको थियो । कार्यक्रम भव्यरुपमा सम्पन्न गरिएको नगर सचीव कल्पना जैशिले बताउनु भयो।
असल,चरीत्रवान,नैतिकवान,ईमानदार,अनिशासित एवं राष्ट्र प्रथमको भावका साथ काम गर्ने व्यक्ति निर्माण गर्ने उद्देश्यले दलगत र सत्तामुखी राजनीति भन्दा माथी रहि शिक्षक,विद्यार्थी र शिक्षाविद्द प्राज्ञिक समुहलाई एक ठाउँमा संगठित गर्दै शैक्षिक परिवारको परिकल्पनामा विगत २५ वर्ष देखि विभिन्न आरोहअबरोहहरु पार गर्दै शैक्षिक र सामाजिक क्षेत्रमा आफ्ना रचनात्मक गतिविधि संचालन गर्दै आएको र आगामी दिनहरूमा अझ ससक्त रुपमा गर्दै जाने जिल्ला संयोजक महराले बताउनु भयो ।

बझाङ्गी भाषाको पहिलो लघुचलचित्र छायाङ्कन शुरु

सत्यराज सिंह(बझाङ) — बझाङ्गी भाषाको पहिलो लघु चलचित्रको छायाङ्कन बुधबार बाट शुरु भएको छ । सुदूरपश्चिम प्रदेशको हिमाली जिल्ला बझाङको सदरमुकाम चैनपुरबाट सो लघु चलचित्रको छायाङ्कन शुरु भएको हो । हैट क्रेसनको प्रस्तुतीमा निर्माण भइरहेको यो लघु चलचित्रको निर्मातामा इराकु लामा, महेश खड्का, सृजर्ना रोकाया र दुर्गा रोकाया रहनुभएको छ । त्यस्तै निर्देशकमा प्रविन रोकाया र छायाङ्कनमा नारायण जि।सी रहनुभएको छ ।
लघु चलचित्रमा कलाकारहरु निल गगन रोशन सिंह पिम्याल, सरोज खड्का, जीवन जंङ्ग थापा, सृजना स्नेही, शितल स्नेही, कृष्ण रेग्मी, जनक खड्का, महेश खड्का, निरज खड्का र नविन थापा लगायतका कलाकारहरुको सहभागिता रहेको छ ।
लघु चलचित्रको कथामा बझाङको ऐतिहासिक, धार्मिक र पर्यकीय पक्षलाई ध्यान दिएर बझाङको प्रचारप्रसार गर्ने र चलचित्रको छायाङ्कन बझाङको धार्मीक तथा ऐतिहासिक क्षेत्रमा रहेर गरिने निर्देशक प्रविन रोकायाले बताउनुभयो ।
छायाङ्कन बझाङको सदरमुकाम चैनपुरमा रहेको सुर्मा देवी मन्दिर, देवल विमानस्थल बारिल झर्ना, खप्तड लगाएत जिल्लाका विभिन्न ठाउँमा लघु चलचित्र छायाङ्कन हुने निर्देशक रोकायाको भनाई छ । लघु चलचित्रमा बझाङको स्थानिय कथा, संस्कृर्ती, भेषभुषा र सुगन्धमा विशेष जोड दिइने र उक्त लघु चलचित्रमा स्थानिय र देशको विभिन्न क्षेत्रबाट संगठित कलाकारहरुको प्रस्तुती रहने निर्माता महेश खड्काले बताउनुभयो ।

भरत, विक्की र सन्तोषमा ‘कमेडी च्याम्पियन २’को विजेता को

गतबर्षको भन्दा यसबर्षको ‘कमेडी च्याम्पियन’ले कम चर्चा पायो । तर, उत्कृष्ट ४ को प्रस्तुतिका क्रममा सहभागी विक्की अग्रवालले प्रस्तुत गरेको ‘पेन्टोमाइम’ र अर्का प्रतिस्पर्धी भरतमणी पौडेलले प्रस्तुत गरेको पूर्व यूवराज पारस शाहको अभिनयले भने शोको चर्चालाई बढाइदियो ।
विक्कीको प्रस्तुतिमा निर्णायक सन्तोष पन्तले दिएको प्रतिक्रियाले आलोचना पनि बटुल्यो । विभिन्न चरणहरु र आरोह–अवरोह पार गर्र्दै नेपालकै पहिलो कमेडी रियालिटी शो ‘कमेडी च्याम्पियन’को दोश्रो सिजन फाइनलको नजिक आइपुगेको छ । शनिबार हुने फाइनलमा एक जना प्रतिस्पर्धीले दोश्रो सिजनको उपाधि जित्छन् । साथमा, उनले कार र थुप्रै गिफ्ट ह्याम्पर पनि जित्नेछन् ।
ताप्लेजुङका भरतमणी पौडेल विभिन्न नेता तथा कलाकारको क्यारिकेचर गरेर चर्चामा छन् । उनले पूर्व संचारमन्त्री गोकुल प्रसाद बाँस्कोटा, राष्ट्रिय सभाका सांसद रामनारायण विडारी, पूर्व युवराज पारस शाह, सांसद योगेश भट्टराई, नेता राजेन्द्र महत्तो लगायतको क्यारिकेचर गरेर दर्शकको मन जिते । समसामयिक बिषयमा भरतमणीले गर्ने अभिनयले दर्शकलाई आकर्षित गरेको छ । यसैले, अडिसनमा खासै चर्चामा नआएका भरतमणी उत्कृष्ट २४ बाट भने निरन्तर चर्चामा छन् ।
सिक्किमका विक्की अग्रवालको कमेडी नयाँ शैलीको छ । उनी, कसैको पनि क्यारिकेचर गर्दैनन् । तर, समसामयिक बिषयदेखि विभिन्न प्रसंगलाई फरक ढंगले प्रस्तुत गर्दै दर्शकको मन जित्न उनी सफल छन् । विक्कीको कमेडीले नयाँ खुराक पस्किरहेको छ ।
विक्कीले कमेडीलाई नयाँ परिभाषा दिने कोशिश गरेको वुझाई धेरैको छ । गोरखाका सन्तोष थापा उत्कृष्ट ३ का अर्का प्रतिस्पर्धी हुन् । भलै, भरतमणी र विक्कीको जस्तो चर्चा सन्तोषको छैन । तर, निर्णायक मध्येका एक मनोज गजुरेल विक्की र भरतमणीको फ्यूजनको रुपमा सन्तोषलाई लिन्छन् ।
भोली बेलुकी ९ बजेपछि दर्शकले ‘कमेडी च्याम्पियन २’को फाइनल कान्तिपुर टीभी र ओएसआर डिजिटलमा हेर्न पाउनेछन् । फाइनलका लागि विभिन्न प्रस्तुतिको छायांकन बुधबार नै भैसकेको छ । अब, भोली यो शोको निर्माण टिमले विजेताको घोषणा भने लाइभ नै गर्नेछ । निर्देशक विशाल भण्डारीका अनुसार, विजेताको घोषणाको लाइभ प्रशारण बेलुकी साढे १० बजेबाट सुरु हुनेछ । बेलुकी साढे ११ बजेसम्म दर्शकले यो बर्षको ‘कमेडी च्याम्पियन २’को विजेता पाउनेछन् ।

कविता कस्या

कस्या टाकुरा
जहाँ देखि हिमाल देखिन्छ
जहाँ देखि सूर्योदयको
रमणीय दृष्यावलोकन हुन्छ
पुर्वको क्षितिजमा राकिएर
सूर्य उदाउदा
धर्तीको स्वर्ग नै
भन्दा फरक पर्दैन
झललल्ल हिमाल झल्कने
नवकान्ती टल्कने पहाडको
टुप्पो हो कस्या
अन्तुडाडा र टाइगर हिल भन्दा
केही कम छैन दृष्यावलोकनका लागि
कमी छ हेर्न आउनेको
कमी छ सरकारले
पर्यटकीय क्षेत्र भनी घोषणा हुनुको
पर्यटकीय पुर्वाधार नहुनुको
राजधानी नजिक भए
नगरकोट हुन्थ्यो
पहुच शक्ति र पर्यटक भए
अन्तुडाडा हुन्थ्यो
तर दुरदराजको डाडो कस्या
अपिसैपालको आगन हो
सेताम्य हिमाल आखै अगाडी
धितमर्ने गरि हेर्न सकिन्छ
छन त छन ढकमक्क फुलेका
लालीगुरास छ
छ यहाँ प्रकृतिको अनुपम छटाछन्नता छ
झ्याउकिरीको झुनझुनाहट छ
छ यहाँ पर्यटकीय संभावना छ
बाँजबुताउज कि झपझ्यानी डाली छ
टपरी भरी ऐसेलु
छापरी भरी काफल टिप्दै
प्रकृतिको उपयोग गर्दैछिन बिन्नरी
गद्दी भैंसी,खैला गाई चराउदै छिन चन्नरी
कुहिरोको घुम्टो ओडी बसेको घनघस्या
नाउ ठूलो घनघस्याको लेक ठूलो तेल्याको
दुबै लेकले बिचमा सजाएको छ कस्या
शल्लेश्वर र उग्रतारा ,सहश्रलिङ्ग र शैलेश्वरी
भागेश्वर र डागेश्वरी,सिँगास र त्रिपूरा
यतै बाट दर्शन हुन्छ
सुन्दर ,रमणीय ,मनोरम कस्या
कहालीलाग्दो टोपी खस्ने उकालो मात्र होइन
पर्यटकीय गन्तव्य हो
समृद्धिको आधार पनि हो
कस्या

कैलाश कुमार पाण्डे
परशुराम १२ डडेल्धुरा