ओम प्रकाश पन्तको संर्घर्षको कथा

                                      डडेल्धुराका ओमप्रकाशको संघर्ष, जो स्वयंसेवीबाट अन्तर्राष्ट्रिय प्रशिक्षक बने

डडेल्धुराः डडेल्धुराको अजयमेरु गाउँपालिका–६ मा एउटा सुन्दर गाउँ छ । उचाईमा रहेको डाँडामा लहरै बनेका पुरानो शैलीका घरले उक्त गाउँ रेलको डब्बा जस्तै देखिन्छ । गाउँको नाम हो, कानाकोट । सोही गाउँमा २०४५ साल माघ ८ गते जन्म भयो ओमप्रकाश पन्तको । उनी बाल्यकालदेखि नै खेलमा निकै रुची राख्थे ।

देवल माविमा एसएलसी उत्तिर्ण गर्नुअघि उनले विद्यालयमा आयोजना हुने थुप्रै खेलकुदका प्रतियोगितामा सहभागिता पनि जनाए । तर, त्यो समयसम्म कुन खेललाई बढी प्राथमिकतामा राख्ने भन्न्ने छुट्याउन भने सकेका थिएनन् पन्तले ।

०६२ सालमा एसएलसी उत्तिर्ण गरेपछि पन्त उच्च शिक्षाका लागि डडेल्धुरा सदरमुकाम आए । सोही समयमा पन्तको नजर जिल्ला खेलकुद विकास समितिमा प्रशिक्षक विरेन्द्रबहादुर चन्दले कराते सिकाइरहेका दृश्यमा प¥यो । अनी पन्तले पनि कराते सिक्ने सोच बनाए । चन्दकै प्रशिक्षणमा पन्त मार्सल आर्ट अन्तर्गतको कराते खेलको थर्ड डाँन ब्ल्याकबेल्ट भए । पन्त सिक्दै गर्दा उनको करातेप्रतिको लगनले धेरैलाई अचम्मित बनाउथ्यो ।

पन्तको जनमथलो कनाकोट
पन्तको जनमथलो कनाकोट

२०६३ सालमा धनगढीमा इन्डो–नेपाल अन्तर्राष्ट्रिय कराते प्रतियोगितामा भयो । प्रतियोगितामा नेपालको तर्फबाट सहभागिता जनाउने खेलाडी थिए पन्त पनि । त्यसको दुई वर्षपछि पाचौँ राष्ट्रिय खेलकुदको तयारी भइरहेको थियो । सुरुवातमा सुदूरपश्चिममै गर्ने भनिए पनि भौतिक संरचना पूर्ण रूपले निर्माण भइनसकेको हुदाँ अन्ततः पाँचौ राष्ट्रिय खेलकुद काठमाडौँमा सञ्चालन भयो ।

उक्त प्रतियोगिताअन्तर्गत कराते खेलमा सुदूरपश्चिमको प्रतिनिधित्व गर्दै सहभागिता जनाउने मौका पाए पन्तले पनि । उनी भन्छन्, ‘पाचौँ राष्ट्रिय खेलकुदमा सहभागिता त जनाउन पाए तर सोचेअनुसार नतिजा भने आउन सकेन ।’

त्यसको तीन वर्षपछि २०६८ फागुन १४ गतेदेखि सुदूरपश्चिममै सुरु भयो छैटौँ राष्ट्रिय खेलकुद प्रतियोगिता । घरेलु मैदानमा भएको प्रतियोगितामा खेलाडीका रुपमा एकपटक फेरि सहभागिता जनाउने मौका पाए पन्तले । तर छैटौँ राष्ट्रिय खेलकुदमा पनि सोचेअनुसारको प्रदर्शन भने गर्न नसकेको अनुभव सुनाउँछन् पन्त । ‘त्यसपछि खेल्न छोडेर प्रशिक्षणतर्फ लाग्ने योजना बनाए,’ पन्त भन्छन्, ‘छैटौँ राष्ट्रिय खेलकुद प्रतियोगिता सकिएको केही समयमै भोलिन्टर ९स्वयंसेवी०का रुपमा प्रशिक्षण सुरु गरे ।’

डडेल्धुराका ओमप्रकाशको संघर्ष, जो स्वयंसेवीबाट अन्तर्राष्ट्रिय प्रशिक्षक बने
                                                                 डडेल्धुराका ओमप्रकाशको संघर्ष, जो स्वयंसेवीबाट अन्तर्राष्ट्रिय प्रशिक्षक बने

 

उनले प्रशिक्षण सुरु गरेको झण्डै ८ वर्षपछि २०७६ सालामा अजयमेरु गाउँपालिकाकाले पन्तलाई खेलकुद प्रशिक्षकका रुपमा नियुक्त ग¥यो । ‘अजयमेरुको मुख्य प्रशिक्षक भएपछि विभिन्न विद्यालयमा गएर विद्यार्थीलाई प्रशिक्षण दिन सुरु गरेको थिए,’ उनी भन्छन्, ‘एसियन कराते फेडेरेशनले गर्ने अन्तर्राष्ट्रिय प्रशिक्षणको छनोटमा पनि परेको थिए । प्रशिक्षण पाएपछि फेडेरेशनले लिएको प्रशिक्षकको परीक्षा पास गर्दै अन्तर्राष्ट्रिय प्रशिक्षक बनेको छु ।’

योसंगै अन्तर्राष्ट्रिय स्तरका खेलको प्रशिक्षक हुन पाउने भएका छन् पन्त । पन्तको यो सफलताबाट सिंगो अजयमेरु गाउँपालिका मात्रै नभएर डडेल्धुरा जिल्ला नै दंग छ । अजयमेरु गाउँपालिकाका अध्यक्ष उमेशप्रसाद भट्टले गाउँपालिकाकै सान बढाएको भन्दै बधाई तथा शुभकामना व्यक्त गरेको छन् ।
पश्चिम एक्सप्रेस

सुचना
सुचना 

 

‘सङ्क्रमणकालीन न्याय’ ढिलो हुनुमा ओलीले प्रचण्डको दोष देखाएपछि माओवादी के भन्छ?

(प्रदीप बस्याल, वीवीसी) नेपाल भ्रमणमा रहेका संयुक्त राष्ट्रसङ्घका महासचिव एन्टोनियो गुटेरससँगको भेटमा प्रमुख प्रतिपक्षी दलका नेताले…

कतारमा आठ भारतीय नागरिकलाई मृत्युदण्डको सजाय, भारत स्तब्धु

कतारले आफ्ना आठ नागरिकलाई मृत्युदण्ड सजाय सुनाएको घटनाबाट स्तब्धु भएको भारतले बताएको छ। जासुसीको आरोपमा मृत्युदण्डको सजाय पाउनेमा उच्चपदस्थ नौसैनिक अधिकारी रहेका छन्। भारतीय विदेश मन्त्रालयले एक विज्ञप्तिमा नयाँदिल्लीले कतारी अधिकारीहरूसँग निर्णय लिनेु र बन्दीहरूलाई सबै कन्सुलर र कानुनी सहयोग विस्तारु जारी राख्ने बताएको छ।

कतारको अदालतले आज अल दाहरा कम्पनीका आठ भारतीय कर्मचारीसँग सम्बन्धित मामिलमा फैसला सुनाएको हामीसँग प्रारम्भिक जानकारी भएको छ,ु बिहीबार जारी विज्ञप्तिमा भनिएको छ, हामी मृत्युदण्डको फैसलाबाट स्तब्ध भएका छौं र विस्तृत फैसलाको प्रतीक्षा गरिरहेका छौं।ु

खाडीस्थित कम्पनी अल दाहराले एयरोस्पेस, सुरक्षा र रक्षा क्षेत्रलाई ‘पूर्ण सहयोग समाधान’ प्रदान गर्ने उक्त कम्पनीको वेबसाइटमा उल्लेख छ। कतारका अधिकारीहरूका तर्फबाट यसबारे तत्काल कुनै पुष्टि गरिएको छैन।

भारतको विदेश मन्त्रालयले मृत्युदण्ड पाउने ती आठ व्यक्तिको कथित आरोपबारे कुनै विवरण दिएको छैन। यो मुद्दा प्रक्रिया गोप्य प्रकृतिको भएकाले अहिले थप टिप्पणी गर्नु उपयुक्त हुँदैन, मन्त्रालयले सबै कानुनी विकल्पहरूको खोजी गरिरहेको छ,विज्ञप्तिमा भनिएको छ।

केही भारतीय मिडियाले भने सजाय पाउनेहरूमा पूर्वनौसैनिक अधिकारी भएको बताएका छन्। उनीहरूमा पूर्वक्याप्टेन र कमान्डर पनि छन्। उनीहरूलाई सन् २०२२ अगस्टमा दोहामा गिरफ्तार गरिएको थियो।

टाइम्स अफ इन्डिया, हिन्दुस्तान टाइम्स र प्रेस ट्रस्ट अफ इन्डिया सबैले उनीहरूलाई ‘जासुसीको कथित मामिला’ मा गिरफ्तार गरिएको उल्लेख गरेका छन्।

दुई महिनामा भित्रियो २ खर्ब २८ अर्ब रेमिट्यान्स

काठमाडौँ, ३० असोज । चालु आर्थिक वर्षको साउन र भदौ महिनामा २ खर्ब २८ अर्ब रुपैयाँ बराबर…

हमासले सार्वजनिक गर्‍यो बन्धक बनाइएकी इजरायली महिलाको भिडिओ

एजेन्सी । अघिल्लो शनिबार इजरायलमाथि आक्रमण गरेको गाजाको मुस्लिम अतिवादी समूह हमासले बन्धक बनाइएकी एक जना महिलाको…

इजरायलबाट नेपालीको उद्धार र स्वदेश फिर्ताका लागि सरकारसँग देउवाको आग्रह

काठमाडौँ – कांग्रेस सभापति शेरबहादुर देउवाले इजरायलका विभिन्न स्थानहरूमा भएको आक्रमणमा परी घाइते भएका र आक्रमणकारीको कब्जामा रहेका नेपालीहरुको उद्धार तथा स्वदेश फिर्ताका लागि सरकारसँग आग्रह गरेका छन् ।

सभापति देउवाले इजरायलमा भएको आक्रमणमा करिब एक दर्जन घाइते र आक्रमणकारीबाट केही नेपालीलाई कब्जामा लिइएको घटनाप्रति कांग्रेसको गम्भीर ध्यानाकर्षण भएको भन्दै घटनाको भर्त्सना र गहिरो चिन्ता प्रकट गरेका छन् ।
इजरायलमा विभिन्न कारणले बसोबास गर्दै आएका नेपालीहरूको एकिन तथ्यांक पत्ता लगाई उनीहरूको जीवन रक्षा र उनीहरूलाई तत्काल सुरक्षित स्थानमा पुर्‍याउनका साथै आवश्यक उद्धार गर्ने र यथासम्भव स्वदेश फर्काउनका लागि नेपाल सरकारले अविलम्ब कूटनीतिक पहल गर्न नेपाली कांग्रेस जोडदार माग गर्दछ, देउवाले भनेका छन् ।

उनले इजरायलमा कार्यरत नेपालीहरूलाई स्वदेश फर्कने वातावरण निर्माण गरिदिन मित्रराष्ट्रहरू, अन्तर्राष्ट्रिय मानव अधिकारवादी संघ संस्था, आप्रवास सम्बन्धी संगठन (आइओएम), अन्तर्राष्ट्रिय रेडक्रस समितिलगायत सम्बद्ध सबै अन्तर्राष्ट्रिय समुदायहरूसँग समेत कांग्रेसकातर्फबाट अपिल गरेका छन् ।

कोहली र केएलको शतकमा भारतले पाकिस्तानलाई दियो ३५७ रनको लक्ष्य

काठमाण्डौं – एसिया कप २०२३ अन्तर्गत सुपर फोरको खेलमा भारतले पाकिस्तानलाई ३५७ रनको लक्ष्य दिएको छ। आइतबार वर्षाले प्रभावित भएपछि सोमबारदेखि सुरु भएको खेलमा भारतले २ विकेटको क्षतिमा ३५६ रन जोड्यो।

भारतका लागि विराट कोहली र केएल राहुलले शतक प्रहार गरे। कोहलीले ९४ बलमा ९ चौका र ३ छक्काको मद्दतमा नटआउट १२२ रन र राहुलले १०६ बलमा १२ चौका र २ छक्काको मद्दतमा १११ रन जोडे।

कोहलीको यो ४७औं एकदिवसीय शतक हो। कोहली र केएलबीच तेस्रो विकेटका लागि २३३ रनको साझेदारी भएको थियो। त्यसअघि श्रीलंकाको कोलम्बोमा टस हारेर पहिले ब्याटिङ गरेको भारतले २४।१ ओभरमा २ विकेटको क्षतिमा १४७ रन जोड्दा खेल वर्षाका कारण रोकिदा सोमबारसम्मका लागि स्थगित भएको थियो।

आइतबार ओपनरद्वय रोहित शर्मा ५६ रन र शुभमन गिल ५८ रन बनाएका थिए। उनीहरुबीच पहिलो विकेटका लागि १२१ रनको साझेदारी भएको थियो।
सोमबार भारतका लागि कोहली र राहुलले २४।१ ओभरदेखि पूरै ब्याटिङ गर्दा पाकिस्तानले विकेट लिन सकेन। बलिङमा पाकिस्तानका शाहिन शाह अफ्रिदी र शादब खानले एक एक विकेट लिए।

भारतको चन्द्रयान–३ चन्द्रमाको दक्षिण ध्रुवमा अवतरण

काठमाडौं – भारतको चन्द्रयान–३ सफलतापूर्वक चन्द्रमाको दक्षिण धुव्रमा अवतरण भएको छ । नेपाली समयानुसार आज बुधबार बेलुका ६ः१९ बजे यानले चन्द्रमामा ‘सफ्ट–ल्याण्डिङ’ गरेको हो ।

भारतीय अन्तरिक्ष अनुसन्धान संस्था (इसरो) ले एक महिनाअघि यानलाई प्रक्षेपण गरेको थियो । अवतरणसँगै भारत चन्द्रमाको दक्षिण धुव्रमा यान अवतरण गराउने पहिलो र चन्द्रमाको सतहमा चन्द्रयान सफलतापूर्वक अवतरण गर्ने चौंथो देश बनेको छ ।

यसअघि अमेरिका, तत्कालीन सोभियत संघ र चीनले सफलतापूर्वक चन्द्रमाको सतहमा यान प्रक्षेपण गरेका छन् । चन्द्रमाको दक्षिण ध्रुवमा अवतरण गर्ने योजनाका साथ उडेको रुसको लुना–२५ यान गत आइतबार चन्द्रमामा दुर्घटनाग्रस्त भएको थियो ।

उक्त घटनापछि चन्द्रयान–३ अवतरणका लागि वैज्ञानिकले सुरक्षित स्थानको खोजी गरेका थिए । अवतरणको दृश्यलाई इसरोले युट्युव र फेसबुकबाट प्रत्यक्ष प्रसारण गरेको थियो । ब्रिक्स सम्मेलनका लागि दक्षिण अफ्रिका पुगेका भारतीय प्रधानमन्त्री नरेन्द्र मोदीले प्रत्यक्ष प्रसारण हेरेका थिए । उनले आजै बेलुका देशवासीलाई सम्बोधन गर्ने कार्यक्रम छ ।

यो परियोजनाको मुख्य उद्देश्य चन्द्रमामा पानी खोजी गर्नु हो । जसलाई रकेट फ्युलको रुपमा प्रयोग गर्नेदेखि चन्द्रमामा मानव बसोबासका लागि उचित वासस्थानको खाजी गर्नु रहेको छ । चन्द्रमाको दक्षिण धुव्र अँध्यारो हुने भएकाले त्यस क्षेत्रमा पानीको बरफको सम्भावना उच्च हुने वैज्ञानिकको भनाइ छ ।

प्रतिबन्ध घोषणा गरेको १० महिनामा प्लाष्टिकका फूल मालाको आयात

काठमाडौं । सरकारले वातावरण संरक्षणका लागि भन्दै प्रतिबन्ध घोषणा गरेको १० महिनामा प्लाष्टिकका फूल मालाको आयात…

नेपाल र भारतबीच क्रसबोर्डर डिजिटल भुक्तानी सम्झौता

काठमाडौं । नेपाल र भारतबीच क्यूआर कोडमार्फत वित्तीय कारोबार गर्न दुईपक्षीय सम्झौता भएको छ । अहिलेसम्म…