आर्थिक संकटमा पाकिस्तान सरकारको जनतालाई चिया कम पिउन अनुरोध

पाकिस्तानका जनतालाई देशको अर्थतन्त्रको हितको लागि ‘कम चिया पिउन’ भनिएको छ। वरिष्ठ मन्त्री एहसान इकबालले चियाका…

आइसीसी विश्वकप क्रिकेट लिग–दुई नेपाल र ओमान भिड्ने

काठमाडौं – आइसीसी विश्वकप क्रिकेट लिग–दुई त्रिकोणात्मक एकदिवसिय सिरिजअन्तर्गत अमेरिका भ्रमणमा रहेका नेपाली क्रिकेट टोलीले चिरपरिचित…

एशियामै गाँजा खुल्ला गर्ने पहिलो देश बन्यो थाइल्याण्ड

काठमाडौं ः थाइल्याण्ड गाँजामाथिको प्रतिबन्ध हटाउने एशियाकै पहिलो देश बनेको छ । औषधि र खानामा मसलाका…

२७ गते देखि ३० गतेसम्म सीमा नाका बन्द

स्थानीय तह निर्वाचनलाई लक्षित गर्दै भारतसँगका सीमा नाका ७२ घण्टा बन्द गरिने भएको छ ।
चितवन, पूर्वी नवलपरासी, पश्चिम नवलपरासी र भारत विहार प्रदेशअन्तर्गत पर्ने पश्चिम चम्पारनका सुरक्षा अधिकारीहरूको सुनवलमा बसेको बैठकले सीमा नाका ७२ घण्टा बन्द गर्ने निर्णय गरेको हो ।
वैशाख २७ गते बेलुकी ७ बजेदेखि वैशाख ३० गते बेलुकी ७ बजेसम्म सीमा नाका बन्द गर्ने निर्णय गरेको गरिएको हो ।

टाइटानिक डुबेको ११० वर्षपछि पनि यी चार रहस्य कायमै

आजभन्दा ठिक ११० वर्ष अघि रातको समयमा टाइटानिक एउटा हिमखण्डसँग ठोक्किएको थियो । त्यतिबेला अधिकांश यात्री गहिरो निद्रामा थिए ।

दुर्घटनाका बेला टाइटानिक ४१ किलोमिटर प्रतिघण्टाको गतीमा बेलायतको साउथम्पेटनबाट अमेरिकाको न्युयोर्कतर्फ बढिरहेको थियो र तीन घण्टाभित्र १४ र १५ अप्रिल, सन् १९१२ का मध्यराती टाइटानिक अटलान्टिक महासागरमा समाहित भयो ।

जुन जहाज कहिल्यै डुब्दैन भनेर सर्वत्र चर्चा थियो, त्यो डुब्यो । दुर्घटनामा लगभग १५ सय व्यक्ति मारिएका थिए । ११० वर्ष बितिसकेपछि पनि यसलाई सबैभन्दा ठूलो समुद्री दुर्घटना मानिन्छ ।
घटनास्थलबाट अवशेषलाई सेप्टेम्बर सन् १९८५ मा हटाइएको थियो । दुर्घटनापछि क्यानडाबाट ६५० किलोमिटर टाढा ३,८४३ मिटरको गहिराइमा जहाज दुई भागमा टुटेको थियो र दुई हिस्सा एक अर्काबाट ८ सय मिटर टाढा भएका थिए ।
यो दुर्घटनाको ११० वर्षपछि आज पनि यो दुर्घटनाको विषयमा रहस्य बनेको छ । बीबीसी ब्राजिलले केही विशेषज्ञसँग कुरा गरेर यिनै रहस्यको जवाफ खोज्ने कोसिस गरेको छ ।

१. ‘यो जहाज डुब्न सक्दैनथ्यो’

विशाल जहाज ‘डुब्न सक्दैन, भगवानले पनि यसलाई डुबाउन सक्दैनन्’ भनिएको थियो । यस्तो भन्नुमा केही कारण पनि छन् ।
रियो डि जेनेरियोकी फेडरल युनिभर्सिटी डिपार्टमेन्ट अफ नेवल एन्ड ओसन इन्जिनियरिङ विभागका प्राध्यापक तथा इन्जिनियर अलक्जेन्डर द पिन्हो अल्होले भने, ‘इन्जिनियरिङको हिसाबले हेर्ने हो भने यो डिजाइनको आधारमा विकसित पहिलो जहाज थियो । जहाजमा थुप्रै वाटर टाइट कम्पार्टमेन्ट बनाइएको थियो । अर्थात् यदि जहाजको कुनै कोठा पानीले भरियो भने अर्को कोठामा पानी पस्न पाउँदैनथ्यो ।’

यो जहाज बनाउन केही समस्या पनि भएको थियो । बिजुलीको तार र पानीको पाइपले राम्रोसँग काम गरोस् भन्नका लागि जहाजको उचाई कति राख्ने भन्नेलगायतका कुरामा अत्यधिक सोच विचार गरिएको थियो ।

प्राध्यापक अल्हो भन्छन्, ‘यसमाथि सोच विचार गरेपछि उनीहरुले जहाजको उचाइ निर्धारण गरेका थिए । पानी भरिइ हाले पनि त्यो छतको उचाइसम्म पुग्न नसक्ने अनुमान गरिएको थियो । उनीहरुले छतमा पनि सुरक्षित कम्पार्टमेन्ट्स बनाएका थिए ।’

तर त्यतिबेला कसैले पनि हिमखण्डसँग जोडदार ठक्करबारे सोचेका थिएनन् होला ।

प्राध्यापक अल्होले भने, ‘ठक्कर यति जोडदार थियो कि जहाजको मुख्य बडीको आधा लम्बाईसम्म छेडिएको थियो । यस्तो परिस्थितिमा पानी छतसम्म पुगेको थियो ।’

‘जहाजमा सबैतिर पानी भरिन थालेको थियो । यस्तो स्थितिमा बच्ने सम्भावना निकै कम हुन्छ । तपाईं पानी निकाल्नका लागि सबै पम्पलाई सक्रिय बनाउन सक्नु होला, विभिन्न कोसिस गर्न सक्नुहुन्छ होला तर पानी जुन गतिमा भित्र आइरहेको हुन्छ त्यहि गतिमा बाहिर निकाल्न सकिँदैन ।’

जहाज बनाउने र नेभिगेटर सिभिल इन्जिनियर थियेरी भन्छन्, ‘टाइटानिक कहिल्यै डुब्न सक्दैन भनेर प्रचार गरिएको थियो । यस्तो भन्नुको पछाडि मुख्य कारण यो थियो कि यहाँ थुप्रै बेसमेन्ट बनाइएका थिए जुन वाटर टाइट भित्ताबाट बनेका थिए । बेसमेन्टका दुई पंक्तिहरु पानीले भरिए पनि जहाज डुब्नेवाला थिएन । तर हिमखण्डसँग ठक्कर हुँदा जहाजलाई अत्यधिक क्षती पुग्यो र वाटरटाइट बेसमेन्टका थुप्रै भित्ताहरु नष्ट भएका थिए ।’

फ्लूमिनेन्से फेडरल युनिभर्सिटीका प्राध्यापक तथा ट्रान्सपोर्ट इन्जिनियर ओरिलो सोरास मूर्ता भन्छन्, ‘टाइटानिकको वाटर टाइट बेसमेन्ट बन्द गर्ने व्यवस्थाले पनि राम्रोसँग काम गरिरहेको थिएन ।’

त्यतिबेला जहाज बनाउन प्रयोग हुने धातु हालको स्टिलजस्तो बलियो पनि थिएन ।

सोरास मूर्ताले भनिन्, ‘जोडदार ठक्करपछि जहाजको ढाँचामा पनि परिवर्तन आएको थियो । ढोका बन्द हुन सकिरहेका थिएनन्, ती अड्किएका थिए । त्यतिबेला पनि टाइटानिक शुद्ध स्टिलले बनाइएके थियो तर त्यतिबेलाको स्टिल अहिलेको जति बलियो हुँदैनथ्यो ।’

साओ पाओलोका म्याकेन्जी पेर्सेबायटेरियन युनिभर्सिटीका प्रध्यापक र धातु विज्ञानका इन्जिनियर जान वेतावुक भन्छन्, ‘सन् १९४० को दशकसम्म समुद्री जहाजको मुख्य बडी धातुको पाताबाट बन्ने गर्दथे ।’

यद्यपि, पछि यी जहाजको मुख्य बढी बनाउन धातुलाई पगालेर प्रयोग गर्न थालियो ।

वेतावुक भन्छन्, ‘त्यतिबेलादेखि अहिलेसम्म प्रविधि र सामग्री निकै फेरिएको छ । अब धातुलाई पगालेर पातालाई जोडिन्छ । स्टिल बनाउन पनि कार्बनको प्रयोग कम हुन थाल्यो र म्यागनिजको प्रयोग बढ्न थालेका छन् । आजका स्टिल असाध्यै धेरै बलिया हुन्छन् ।’

वैतावुकका अनुसार आजका समुद्री जहाज पानी, समुद्री लहरको उतार चढाव र समुद्री आँधीसँग तालमेल मिलाउन धेरै नै सक्षम छन् ।

टाइटानिक जहाजभित्र बनाइएको जिम

२. ‘ब्लू ब्यान्ड’ हासिल गर्ने होडः

ठूलो दुर्घटनापछि, त्यसका कारणमा सधैँ मानवीय गल्ती पाइन्छ नै ।

विशेषज्ञका अनुसार हिमखण्डले भरिएका इलाकाबाट यात्रा गर्न मुश्किलका बीच त्यहाँ छिटो यात्रा गर्न अत्यधिक दबाब पनि थियो ।

वास्तवमा यो दबाब ‘ब्ल्यू ब्यान्ड’ लाई हासिल गर्नु थियो । सन् १८३९ मा सुुरु भएको यो सम्मान एटलान्टिक महासागरलाई सबैभन्दा तीब्र गतिमा पार गर्ने जहाजले पाउँथ्यो । टाइटानिकलाई यो सम्मानको सबैभन्दा जोडदार दाबेदार मानिएको थियो ।

प्राध्यापक अल्होले भने, ‘त्यतिबेलाको हिसाबले टाइटानिक बनाउन सबैभन्दा उत्कृष्ट इन्जिनियरिङ र प्रविधिको प्रयोग गरिएको थियो । त्यतिबेला समुद्री जहाज बनाउनका लागि संसारका ठूला कम्पनीबीच होडबाजी थियो । बेलायत र जर्मनीबीच त्यतिबेला सबैभन्दा लामो र तीब्र गतिमा चल्ने जहाज बनाउने होड थियो ।’

सबैभन्दा विशाल र तीब्र गतिका जहाजले आधिकारिक रुपमा ब्ल्यू ब्यान्ड पाउँथ्यो । कुनै पनि जहाजका लागि यो उपलब्धि हासिल गर्नका लागि पहिलो यात्रा सबैभन्दा महत्वपूर्ण मानिन्थ्यो ।

अल्हो भन्छन्, ‘पहिलो यात्राका बेला जहाजको स्थिति सबैभन्दा उत्कृष्ट हुन्छ । पहिलो यात्रामा जहाजले सबैभन्दा तीब्र गति हासिल गर्न सक्छ र टाइटानिकले पनि तीब्र गति हासिल गर्ने कोसिस गरेको थियो ।’

उक्त दुर्घटनामा जो बाँचे तीमध्ये कतिले दिएको जानकारी अनुसार जहाजका क्याप्टेनले बाटोमा आसपासका इलाकामा हिमखण्ड भएको सूचना पाएका थिए तर उनले जहाजको गतिलाई काम गरेनन् किनभने एट्लान्टिक महासागरलाई सबैभन्दा तीब्र गतिले पार गर्ने लक्ष्य हासिल गर्न उनी चाहन्थे ।

टाइटानिक जत्रै मानिने जहाज आरएमएस ओलम्पिकको हलमा देखिएको त्रुटी

३. टाइटानिक एक्लो थिएनः

टाइटानिक एक्लो थिएन । यो जहाज चलाउने कम्पनी ह्वाइट स्टार लाइन कम्पनीले २० औँ शताब्दिको सुरुवातमा बेलफास्ट शहरको हारल्याण्ड र वोल्फ शिपयार्डका तीन जहाज तयार गर्न अर्डर दिएको थियो ।

विश्वस्तरीय डिजाइन टिमद्वारा निर्मित यी तीन जहाज दुनियाँको सबैभन्दा लामो, सुरक्षित र सुविधाले युक्त हुने आशा गरिँदै थियो । इन्जिनियर स्टम्पले भने, ‘यी परियोजनालाई त्यतिबेला असाध्यै प्रचारित गरिएको पनि थियो ।’

सन् १९०८ देखि १९१५ बीच निर्मित यी जहाजलाई ओलम्पिक क्लासको जहाज भनिएको थियो । पहिलो दुई जहाज तयार गर्ने काम सुरु भएको थियो, सन् १९०८ मा ओलम्पिक र सन् १९०९ मा टाइटानिक थियो । तेस्रो जहाज जाइगेन्टिकको उत्पादन सन् १९११ मा सुरु गरियो ।

यद्यपि, तीनै जहाज कुनै न कुनै दुर्घटनाको शिकार भए । ओलम्पिक जहाजको सेवा जून सन् १९११ मा सुरु भएको थियो, त्यसै वर्ष यो एउटा युद्धपोतसँग ठोक्किएको थियो । मर्मतपछि यसको सेवा पुनः सुरु भयो ।

पहिलो विश्वयुद्ध ताका, बेलायती नौसेनाले यसको प्रयोग सैनिकलाई एक स्थानबाट अर्को स्थानमा पुर्याउनका लागि गरेका थिए । सन् १९१८ मा यो एउटा जर्मनी पनडुब्बीसँग ठोक्किएको थियो । मर्मतपछि सन् १९२० देखि पुनः यसको प्रयोग सुरु भयो । पुरानो र विश्वासयोग्य मानिने यो जहाजको प्रयोग सन् १९३५ सम्म गरियो ।

टाइटानिकले आफ्नो पहिलो यात्रा १० अप्रिल, सन् १९१२ देखि सुरु गरेको थियो । साउथम्पेटन बन्दरगाह बाहिर यो अर्को एउटा जहाजसँग झण्डै ठोक्किएको थियो । १४ अप्रिलाम यो ऐतिहासिक दुर्घटनाको शिकार भयो ।

जाइगेन्टिक पनि खासै धेरै प्रयोगमा आएन । यसको नाम फेरेर ब्रिटानिक गरियो । ब्रिटिश नौसेनाले यसअघि विश्वयुद्धका बेला अस्पतालको रुपमा परिवर्तन गरेको थियो । यो जहाज नोभेम्बर सन् १९१६ मा डुबेको थियो ।

आफ्नो जमानामा यी तीनै जहाज अत्यधिक विशाल थिए तर आजको तुलनामा यी निकै साना जहाज भनिन्छन् ।

मूर्ता भन्छन्, ‘आजका जहाजको तुलनामा ती डुङ्गा जत्तिका थिए ।’

टाइटानिकको लम्बाई २६९ मिटर थियो । चालक दल र यात्रीसहित यसमा करिब ३३०० जना बस्ने सुविधा थियो । आजको सबैभन्दा ठूला समुद्री यात्रीको जहाज ‘वन्डर अफ द सी’ हाmे जुन ३६२ मिटर लामो छ र यो जहाजमा चालक दलका २३०० सदस्यका साथै सात हजार यात्री यात्रा गर्न सक्छन् ।

यत्तिका मृत्युको कारण के थियो ?

टाइटानिक दुर्घटनामा करिब १५ सय यात्रीको मृत्यु भएको थियो । त्यसपछि समुद्री जहाजको सुरक्षा व्यवस्थालाई उत्कृष्ट बनाउने कोसिस सुरु भयो । समुद्री जहाजको सुरक्षाका लागि यो दुर्घटनापछि रडारजस्ता उपकरणको प्रयोग सुरु गरियो ।

प्राध्यापक अल्हो भन्छन्, ‘दोस्रो विश्वयुद्धपछि नै रडारको प्रयोग सुरु भएको थियो । यसअघि सबैकुरा हेराइमा नै निर्भर थियो । एक जलसैनिकलाई अग्लो ठाउँमा बसालिन्थ्यो जहाँबाट उनले अगाडि भएका हिमखण्डलगायत बाधा अड्चन देख्न सक्थे । यही तरिका थियो, जहाज तीब्र गतिमा चल्दा यो सुरक्षित थिएन ।’

टाइटानिक दुर्घटनाको सुरक्षाको प्रावधानमाथि जोड दिइयो । टाइटानिक दुर्घटनामा धेरैको मृत्यु हुनुको कारण उनीहरुसँग लाइफ बोट थिएनन् ।

प्राध्यापक अल्हो भन्छन्, ‘यो जहाज कहिल्यै डुब्न सक्दैन, यो धारणाका कारण जहाजमा आधा मात्रै लाइफबोट राखिएका थिए ।’

यस्तै मूर्ताले भने, ‘समुद्री जहाजको सुरक्षाको हिसाबले यो दुर्घटना एक महत्वपूर्ण पाटो साबित भयो । समुद्री जहाजको सुरक्षाको विषयमा संस्थागत ढाँचा बनाइयो, निर्माणका बेला सुरक्षा मापदण्डलाई उच्च प्राथमिकता दिइयो । यसलाई लगातार उत्कृष्ट गर्ने योजनामा काम गरियो । ’

‘आजको समयमा रडार र सोनारले निकै अघि हिमखण्डबारे पत्ता लगाउँछन् । आज समुद्री यात्राका बेला समुद्र म्यापिङ वा समुद्री यात्राको चार्ट अत्यधिक आधुनिक भइसकेका छन् ।’
बीबीसी

अस्टिनमा पशुपति नाथ मन्दिरको शिलन्यास गरिने

अशोक शाही
अस्टिन, टेक्सास
टेक्सास राज्यको अस्टिनमा निर्माण गर्न लागिएको पशुपतिनाथ मन्दिरको चैत्र महिनाको २७ गते ( अप्रिल १० ) का दिन शिलन्यास हुने भएको छ । शिलन्यास कार्यक्रमको तयारी तिब्र रुपमा भईरहेको ग्रेटर अस्टिन नेपाली समाजले जनाएको छ ।
कुल २ लाख डलर लागत अनुमान रहेको उक्त मन्दिरको आगामी चैत्र २७ गते राम नवमीका दिन शिलन्यास गर्ने कार्यक्रम रहेको ग्रेटर अस्टिन नेपाली समाजका पूर्व अध्यक्ष देवराज न्यौपाने जानकारी दिनु भयो । न्यौपानेका अनुसार कार्यक्रममा टेक्सस हाउस अफ रेप्रिजेन्टेटिभ टेरी मेजा, हटो, गैर आवासिय नेपाली सँघ टेक्सास च्याप्टरका अध्यक्ष सोफिन थापा र छिमेकी नगरका मेयरहरु, डालस, ह्युस्टन, सान आन्टोनियो लगायतका ठाऊँहरुबाट नेपाली समुदायको उल्लेख्य सहभागिता रहने छ ।

अप्रिल १० गते बिहान ८ बजे बिशेष पूजाआजा तथा दिउसो २ बजे औपचारिक कार्यक्रमको आयोजना गरिने ग्रेटर अस्टिन नेपाली समाजले जानकारी दिएको छ । सोहि दिन ग्रेटर अस्टिन नेपाली सामुदायिक तथा अध्यात्मिक केन्द्रको पनि उद्घाटन गरिने छ । 1251 Co RD 138 Hutto अस्टिनत्क Texas 78634 स्थानमा हुने कार्यक्रममा सहभागिताको लागि सबै नेपालीहरुमा निमन्त्रणा समेत गरिएको समाजले जनाएको छ ।

टेक्सासको राजधानी अस्टिनमा नेपालीहरुको उल्लेख्य बसोबास रहेको छ । नेपालीहरुमा एकता तथा भाइचाराको सम्बन्ध बिकास गर्ने उद्देश्यले सन २०१३ मा ग्रेटर अस्टिन नेपाली समाजको स्थापना गरिएको थियो । केन्द्रको हाल आफ्नै नाममा जग्गा तथा भवन रहेको छ । उक्त जमिनमा क्रमस पशुपति नाथको मन्दिर, बुद्ध मन्दिर, सभाकक्ष, बगैचा निर्माण गर्ने लक्ष रहेको ग्रेटर अस्टिन नेपाली समाजका अध्यक्ष भोजराज भट्टले बताउनु भयो ।

भारतीय पत्रकार अय्यूबलाई देश छोड्न प्रतिबन्ध

नयाँदिल्ली — भारतीय पत्रकार एवं अभियन्ता राना अय्यूबलाई भारत सरकारले देश छाड्न प्रतिबन्ध लगाएको छ । बेलायतमा आयोजित पत्रकार सम्बन्धी एक कार्यक्रममा सम्बोधन गर्न प्रस्थान गर्ने क्रममा उनलाई विमानस्थलबाटै फिर्ता ल्याइएको हो ।

राना अय्यूब लण्डनपछि इटाली लगायतका देशमा पुगेर सम्बोधन गर्ने कार्यक्रम तय गरिएको थियो । तर अय्यूबलाई भारत सरकारले विदेश प्रस्थान गर्नबाट रोकेको हो । अय्यूबले मुम्बई अध्यागमनबाटै आफूलाई अधिकारीहरूले उडानबाट रोकेको बताएकी छन् । अय्यूबले विमानस्थल पुगेको एक घण्टापछि आर्थिक अपराध सम्बन्धी अनुसन्धान गर्नका लागि भन्दै अपराध अनुसन्धान निकायबाट इमेल पाएको समेत बताएकी छन् ।

वासिङटन पोस्टकी स्तम्भकार समेत रहेकी ३७ वर्षीया अय्यूबमाथि भारतको संघीय सरकारले अनुसन्धान गरिरहेको छ । ‘मलाई घर फर्कन भनियो’ अय्यूबले भनेकी छन्, ‘मैले अवार्ड पाउने र गार्जियन पत्रिकाको न्यूजरूमलाई पनि सम्बोधन गर्ने कार्यक्रम तय भएको थियो । मेरो सम्पूर्ण योजना सार्वजनिक भएका छन् ।’

प्रखर वक्ताको रुपमा पनि चिनिने पत्रकार अय्यूब नरेन्द्र मोदी नेतृत्वको सरकारको कट्टर आलोचक पनि हुन् । मुस्लिम एवं अल्पसंख्यकका मुद्दालाई उठाउने अय्यूबले यसअघि पनि भारतमा पटक पटक हिन्दू कट्टरपन्थीहरूबाट धम्की र विरोधको सामना गर्नु परेको छ । केही महिनाअघि उनीमाथि हिन्दू कट्टरपन्थीहरूबाट धम्की आएको विषयलाई लिएर अन्तर्राष्ट्रिय समुदायले विरोध समेत गरेका थिए ।
भारत सरकारलाई राष्ट्रसंघका विशेषज्ञको आग्रह : पत्रकार राना अय्यूबमाथिको उत्पीडन रोक

नेपालले मलेसियाविरुद्ध बलिङ गर्दै

काठमाडौं । त्रिकोणात्मक टी-२० शृङ्खलाअन्तर्गत मलेसियाविरुद्धको खेलमा नेपालले पहिले बलिङ गर्दैछ ।

कीर्तिपुरस्थित टी-यू अन्तर्राष्ट्रिय मैदानमा मलेसियाले टस जितेर ब्याटिङ रोजेपछि नेपालले पहिले बलिङ गरेको हो ।
शृङ्खलामा दुवै टिमको यो दोस्रो खेल हो । यसअघि नेपाल र मलेसियाले पपुवा न्यूगिनीलाई हराएको थियो ।

आजको खेलमा नेपाली टिममा एक परिवर्तन गरिएको छ । मलेसियाविरुद्धको खेलमा विकेटकिपर ब्याट्सम्यान दिलीप नाथले डेब्यु गरेका छन् । खेलअघि दिलीपलाई विनोद दासले डेब्यु क्याप प्रदान गरेका थिए ।
दिलीपले लोकेश बमको स्थानमा पहिलो रोजाइमा खेल्दैछन् ।

देउवा–मोदी भेटवार्ता शनिबार

नयाँ दिल्ली — प्रधानमन्त्री शेरबहादुर देउवाले शुक्रबारदेखि गर्ने तीनदिने औपचारिक भारत भ्रमणको तालिका सार्वजनिक भएको छ । परराष्ट्र मन्त्रालय र भारतको विदेश मन्त्रालयले सोमबार छुट्टाछुट्टै विज्ञप्तिमार्फत भ्रमण तालिका सार्वजनिक गरेका हुन् । तालिकाअनुसार देउवाले शनिबार हैदराबाद हाउसमा भारतीय समकक्षी नरेन्द्र मोदीसँग भेटवार्ता गर्नेछन् ।

देउवाले भारतका उपराष्ट्रपति वेंकैया नायडूसँग शिष्टाचार भेट गर्ने पनि कार्यक्रम छ । भारतका विदेशमन्त्री एस जयशंकर र राष्ट्रिय सुरक्षा सल्लाहकार अजित डोवलसँग पनि उनको भेटवार्ता हुनेछ । मोदीले देउवाको सम्मानमा दिवाभोज आयोजना गर्ने कार्यक्रम छ । प्रधानमन्त्री देउवाले नयाँदिल्लीमा व्यापारी नेताहरूको भेलालाई सम्बोधन पनि गर्ने परराष्ट्र मन्त्रालयले जनाएको छ । देउवाले आइतबार काठमाडौं फर्कनुअघि बनारसको पनि भ्रमण गर्ने भएका छन् ।

प्रधानमन्त्री देउवाले भारतीय समकक्षी मोदीको निमन्त्रणामा भ्रमण गर्न लागेका हुन् । भ्रमणमा प्रधानमन्त्री देउवा पत्नी आरजु राणा देउवा पनि सँगै हुनेछिन् । देउवाको टोलीमा परराष्ट्रमन्त्री नारायण खड्काका साथै अन्य मन्त्री, सचिवलगायत हुने परराष्ट्र मन्त्रालयले जनाएको छ । भ्रमण टोली कति सदस्यीय हुने, को–को हुने भन्ने सम्बन्धमा गृहकार्य भइरहेको प्रधानमन्त्री देउवाका प्रेस प्रमुख गोविन्द परियारले बताए ।

देउवाको भ्रमणले नेपाल र भारतबीचको बहुआयामिक, सदियौं पुरानो र सौहार्दपूर्ण सम्बन्धलाई थप प्रगाढ बनाउने परराष्ट्र मन्त्रालयले जनाएको छ । भारतको विदेश मन्त्रालयले भारत र नेपालबीच सदियौं पुरानो विशेष मित्रता एवं सहयोगको सम्बन्ध रहेको उल्लेख गरेको छ । ‘पछिल्ला वर्षमा साझेदारीले सहयोगका सबै क्षेत्रमा उल्लेखनीय वृद्धि गरेको छ । आगामी भ्रमणले दुई देशका जनताको हितका लागि दुईपक्षीय सहकार्यको समीक्षा गर्ने अवसर प्रदान गर्नेछ,’ विज्ञप्तिमा भनिएको छ । प्रधानमन्त्री देउवाले मोदीको गृहराज्य गुजरातमा गत पुसमा हुने भनिएको ‘भाइब्रेन्ट गुजरात समिट’ कै अवसरमा भारत भ्रमण गर्ने तय भएकामा कोरोना भाइरसको संक्रमण बढेकाले स्थगन गरिएको थियो ।

चीनमा १ सय ३३ जना यात्रु बोकेको हवाईजहाज दुर्घटना

चीनमा एक सय ३३ जना यात्रु बोकेको हवाईजहाज दुर्घटनामा परेको छ । चाइना इस्टर्न एअरलाइन्सको बोइङ ७३७ जहाज गुवाङ्सी प्रान्तमा दुर्घटनाग्रस्त भएको चिनियाँ सरकारी टेलिभिजन सीसीटीभीलाई उद्धृत गर्दै समाचार संस्था एएफपीले जनाएको छ ।

हवाईजहाज युनान प्रान्तको राजधानी कुनमिङबाट ग्वान्जाओका लागि उडेको थियो । जहाज दुर्घटना भएपछि जङ्गलमा आगो लागेको देखिएको र उद्धारको काम भइरहेको खबरमा उल्लेख छ ।

दुर्घटनाबारे विस्तृत विवरण आउन बाँकी छ ।