धनगढी ः मोटरसाइकल दुर्घटना हुँदा डडेल्धुरामा एक जनाको मृत्यु भएको छ। डडेल्धुरा बजारबाट पुइलेक तर्फ गइरहेको ३६२६ नम्बरको मोटरसाइकल अनियन्त्रित भई दुर्घटना हुँदा एक जनाको मृत्यु भएको हो।
शुक्रबार राति पौने ८ बजेतिर डडेल्धुरा बजारबाट घर छचोडा जाने क्रममा ३६२६ नम्बरको मोटरसाइकल अनियन्त्रित भई अमरगढी– ६ बजनीपाटामा दुर्घटना हुँदा चलक साजनको मृत्यु भएको डडेल्धुरा प्रहरी नायब उपरीक्षक देवेन्द्र पालले जानकारी दिए।
गम्भीर घाइते उनलाई उपचारका लागि डडेल्धुरा अस्पताल ल्याउँदै गर्दा मृत्यु भएको डीएसपी पालले बताए। उनका अनुसार मोटरसाइकल दुर्घटनामा सोही ठाउँका २१ वर्षीय मुकेश ताम्राकार घाइते भएको र उनको उपचार डडेल्धुरा अस्पतालमा भइरहेको छ।
