टाउकोमा गम्भीर चोट लागेका गुरुङलाई आर्थिक सहयोग

सेयर गर्नुहोस्

कास्की। टाउकोमा गम्भीर चोट लागि उपचाररत विश्व गुरुङको सहयोगार्थ बेलायत र हङकङबाट सङ्कलित दुई लाख ७५ हजार नगद प्रदान गरिएको छ। 

पर्वत मोदी गाउँपालिका–१ लौसीबोट घर भई हाल पोखरा १२ फूलबारी सफा मार्गमा बस्दै आएका उनको दुई वर्षअघि भर्‍याङबाट लड्दा टाउकोमा गम्भीर चोट लागेको थियो। २५ वर्षीय गुरुङको उपचारपछि पनि हालसम्म होस खुल्न सकेको छैन।   

उपचारमा एक करोडभन्दा बढी रकम खर्च भइसकेको र हाल उपचारका लागि आर्थिक अभाव भएपछि बेलायतमा रहेका नेपाली, लौसीबोट हङकङ समाज र लौसीबोट बेलायतबाट सङ्कलित सो रकम उनकी आमा डिलकुमारी गुरुङलाई प्रदान गरिएको छ।  

सहयोग रकम पर्वत घर भई हाल पोखरा–१० अमरसिंहचोकमा बस्दै आएका युनाइटेड क्लबका अध्यक्ष लालकाजी गुरुङ र लक्ष्मी गुरुङको संयोजनमा लौसीबोट पोखरा सम्पर्क समाजका अध्यक्ष लोकबहादुर गुरुङ र लौसीबोट गाउँ समाजका अध्यक्ष कुलवीर गुरुङले विश्वका आमा डिलकुमारीलाई हस्तान्तरण गरेका हुन्। रासस

(Visited 39 times, 1 visits today)

Leave a Reply

Your email address will not be published. Required fields are marked *