दुर्गेशको ‘आलुजस्तो गायक’ युट्युब ट्रेन्डिङको पहिलो स्थानमा

सेयर गर्नुहोस्

गायक दुर्गेश थापाको नयाँ गीत आलुजस्तो गायक गीत सार्वजनिक भएको केही घन्टामै युट्युब ट्रेन्डिङको पहिलो स्थानमा पुगेको छ। उनको यो नयाँ गीत बिहीबार युट्युब मार्फत सार्वजनिक भएको हो।

दुर्गेश बेलाबेला विवादमा आइरहन्छन्। पछिल्लो समय ऋषि धमलाको जनता जान्न चाहन्छु कार्यक्रममा दुर्गेशलाई नारायणगोपालको कुनै एउटा गीत गाउनु भनेर अनुरोध गर्दा उनले भक्तराज आचार्यको गीत गाएपछि विवादमा आएका थिए। त्यो घटनापछि ट्रोलुको सिकार बनेका थिए।

धेरैले उनको आलोचना गरे। तर मान्छेबाट गल्ती हुन्छ भन्दै दुर्गेशलाई समर्थन गर्नेको कमी थिएन। उनै दुर्गेश थापाले जनता जान्न चाहन्छ कार्यक्रममा भएको घटनालाई केन्द्रमा राखेर नयाँ गीत सार्वजनिक गरेका छन्।

आलुजस्तो गायकु बोलको यो गीतमा दुर्गेशले आफू गायक कसरी र कुन परिस्थितिमा भएको कथा समेटेका छन्। गीतको शब्दले भन्छ, हो हो माले भन्ने मान्छे गायक भो बबाल, नगर सवाल , गीतमा बसन्त थापाले शब्द र संगीत दिएका छन्।

भिडिओमा शिव बिकको निर्दर्शन तथा कोरियोग्राफी छ। अर्जुन तिवारी र टोलीको सिनेमाटोग्राफीमा तयार भएको, आलु जस्तो गायकुमा दुर्गेश सहित भिडिओमा पल शाह, पुष्प खड्का र सरिता केसीको पनि नृत्य छ। गीत बिहीबार युट्युब च्यानल इनाक्सी इन्टरटेनमेन्ट मार्फत सार्वजनिक भएको हो। भिडियो हेर्नुहोस।

(Visited 118 times, 1 visits today)

Leave a Reply

Your email address will not be published. Required fields are marked *