पीएसजी च्याम्पियन्स लिगको फाइनलमा

सेयर गर्नुहोस्

काठमाडौं- फ्रान्न्सेली क्लब पेरिस सेन्ट–जर्मेन (पीएसजी) च्याम्पियन्स लिग फुटबलको फाइनलमा प्रवेश गरेको छ।

लिस्बोनमा मंगलबार राति भएको सेमिफाइनलमा जर्मन क्लब आरबी लाइप्जिकलाई ३–० गोलले पराजित गरी पीएसजीले फाइनल यात्रा निश्चित गरेको हो।

पहिलो हाफमा दुई गोल गरेको पीएसजीले दोस्रो हाफमा थप एक गोल गरेको थियो। पीएसजीका लागि १३ औँ मिनेटमा माक्र्विन्होसले, ४२ औँ मिनेटमा एन्जल डी मारियाले र ५६ औँ मिनेटमा ख्वान बेर्नाटले गोल गरेका थिए।

पीएसजीलाई जिताउन नेयमारले कुनै गोल गर्न सकेनन्। तर, गोलका लागि अवसर सिर्जना गरे। डी मारियाको गोलका लागि नेयमारले सहयोग गरेका थिए।

पीएसजीले अब उपाधिका लागि बायर्न म्युनिख वा लियोनसँग प्रतिस्पर्धा गर्नेछ। बायर्न र लियोनबीचको सेमिफाइनल खेल भरे राति हुँदैछ।

(Visited 55 times, 1 visits today)

Leave a Reply

Your email address will not be published. Required fields are marked *