नेपाली झण्डा जलाएर म्यूजिक भिडिओ, कारबाहीको माग

सेयर गर्नुहोस्

नेपाली झण्डा जलाएर म्यूजिक भिडिओ बनाइएको छ। मंगोलहप र्‍याप मार्फत आज युट्युबमा सार्वजनिक गीतमा नेपालको झण्डा जलाइएको दृश्य राखिएको छ। https://www.youtube.com/watch?v=THyGVAWzSx4&feature=emb_title

जातिय द्वेष फैलाउने विषयलाई प्राथमिकता दिएर बनाइएको भिडिओमा नेपाली ढाका टोपीको समेत अपमान गरिएको छ। गीतमा प्रयोग गरिएका हरेक शब्दले साम्प्रदायिक हिंसा फैलाउन उस्काउन खोजिएको छ।

झण्डै ९०० लाइक आएको उक्त भिडिओमा भने ४१ हजार बढी डिसलाइक आएको छ। ४ मिनेट २७ सेकेण्डको उक्त भिडिओमा राजनीति दलका शिर्ष नेताहरूको तस्वीर समेत जलाइएको छ।

अहिले सामाजिक सञ्जाल प्रयोगकर्ताहरूले यसमा आपत्ति जनाएका छन्। उक्त गीतमाथि प्रतिबन्ध लगाएर कलाकारमाथि कारबाहीको माग समेत गरिएको छ।

नेपाल प्रहरीलाई त्यस्तामाथि कारबाही गर्न माग गरिएको हो। विभिन्न संघ संस्था तथा व्यक्तिहरूले उक्त भिडिओबारे प्रहरीमा उजुरी दिने तयारी समेत गरिएको छ। 

(Visited 65 times, 1 visits today)

Leave a Reply

Your email address will not be published. Required fields are marked *