१…
न कुनै विधानमा हुन्छ, न धारामा हुन्छ
न सूचनापाटीमा हुन्छ , न नारामा हुन्छ
लाग्छ, प्रेम एउटा अलिखित दस्तावेज हो
मात्र मुटुमा लेखिन्छ र आफ्नै पारामा हुन्छ ।
२…
समयसित
सक्छस् अलिकति अप्ठेरो अलिकति हैरानी दे
ए समय दे मलाई , मात्र चोटहरुको निशानी दे
म अनिदा सपना बोकेर अनिदै रातमा छु अचेल
मलाई दुः खको बिस्तारा अनि आँसुको सिरानी दे ।
३…
जेजे दिनुछ दे जिन्दगी उपहार सम्झिने छु
कहिल्यै बिर्सिने छैन बारम्बार सम्झिने छु
अचानो हुन सिकाएकी छन् मेरी आमाले
म न चोट सम्झिने छु न प्रहार सम्झिने छ ।
४…
धकेल्ने(उचाल्नेहरु छन्, चढाउने(चढ्ने पनि छन्
कुर्सीहरुकै इतिहास रच्न अगाडि, बढ्ने पनि छन्
कोही मञ्चन गर्ने कोही रमिता हेर्ने यति मात्र छैनन्
कुर्सीभित्रका कथा कविता लेख्ने अनि पढ्ने पनि छन् ।
५…
प्रेममा पनि घात हुन्छ, प्रतिघात हुन्छ
र पनि मन किन, उसैको आबाद हुन्छ
सुनेकी थिएँ मौनतामा पनि त हुन्छ प्रेम
जहाँ आँखा आँखाको मीठो संवाद हुन्छ ।।
पार्वति भट्ट (अमरगढी)
भट्ट हाल खबरदारी न्युज साप्ताहिक पत्रिकाका सम्पादक हुन् ।
उनले यस अघि हिलटाईम्स, हिमालयटाईम्स र पश्चिम टुडे दैनिकमा काम गरिसकेका छन् भने हाल मध्यान्ह दैनिक र सेभेन स्टार फोर के टिभिमा कार्यरत रहेका छन् ।
बिशेष गरि पर्यटन, सामाजिक कुरुती बिरुद्ध र तथा कृषि सम्बन्धि समाचार लेख्ने गर्छन् ।