धनगढीका कोरोना संक्रमित १९ दिनदेखि सम्पर्कविहीन

सेयर गर्नुहोस्

धनगढी : धनगढी उपमहानगरपालिकाका एकजना कोरोना संक्रमित १९ दिनदेखखि सम्पर्कविहीन छन्।  साउन ८ मा सेती प्रादेशिक अस्पतालमा स्वाब संकलन गराएका एक पुरुष अहिलेसम्म सम्पर्कमा आएका छैनन्।

उपमहानगरपालिका स्वास्थ्य शाखाका जनस्वास्थ्य निरीक्षक लक्ष्मीराज उपाध्यायका अनुसार वडा नम्बर ५ का २८ वर्षीय पुरुषमा साउन १६ गते संक्रमण पुष्टि भएको थियो।

नगरपालिकाको टिम, वडाध्यक्ष र प्रहरीले खोजी गर्दा समेत फेला पार्न नसकिएको उपाध्यायले बताए। संक्रमित पुरुषको फोन नउठ्ने कारण फेला पार्न नसकीएको उनले बताए। 

यस्तै, आइतबार संक्रमण पुष्टि भएका वडा नम्बर ८ का ४० वर्षीय पुरुष पनि सम्पर्कविहीन रहेको उपाध्यायले जानकारी दिए।

संक्रमित देखिएका पुरुषले शुक्रबार सेती अस्पतालमा स्वाव संकलन गराएका थिए। उनीहरु दुवैजना सम्पर्कविहीन भएकाले खोजी भइरहेको छ। 

(Visited 41 times, 1 visits today)

Leave a Reply

Your email address will not be published. Required fields are marked *