लकडाउनको बिचमै कञ्चनपुरमा ३२ लाख बढी राजस्व संकलन

 कञ्चनपुरमा निषेधाज्ञा (लकडाउन)को समयमा ३२ लाख बढी राजस्व संकलन भएको छ । निषेधाज्ञामा राजस्व छलेर अवैद सामान ल्याउने, निषेधाज्ञाको समयमा मास्क नलगाउने र निषेधाज्ञाको उल्ङ्घन गरेर सवारी साधन चलाउनेबाट जिल्लामा ३२ लाख भन्दा बढी राजस्व संकलन भएको जिल्ला प्रहरी कार्यालय कञ्चनपुरका डिएसपी अमर बहादुर थापाले जानकारी दिए ।

“निषेधआज्ञाको समयमा नेपाल सरकारबाट जारी भएको अध्यादेशको आधारमा तोकिएको जरिमाना अनुसार निषेधाज्ञाको समयमा मास्क नलगाई हिड्ने ४ सय ४६ जनाबाट ३७ हजार ५० रुपैया राजस्व संकलन गरिएको छ ।” डिएसपी थापाले भने, “यसैगरी निषेधाज्ञाको समयमा निषेधाज्ञा उल्ङ्घन गर्ने ठूला तथा साना सवारी साधनबाट १ लाख ६ हजार ७ सय रुपैया राजस्व हालसम्म संकलन भएको अवस्था छ ।”

उनका अनुसार निषेधाज्ञाको समयमा भन्सार छलेर अवैद सामान ल्याउने व्यक्तिहरुबाट समेत ३१ लख २५ हजार ५ सय ३१ रुपैया राजस्व हालसम्म संकलन भएको छ । यो सबै गरेर हालसम्मको राजस्व संकलन हेर्दा ३२ लाख ६९ हजार २ सय ८१ रुपैया राजस्व संकलन भएको उनले बताए । यो सँगै प्रहरीले गोप्य सूचनाको आधारमा निषेधाज्ञाको समयमा ३४०.४१ क्यूफिट काठ पनि बरामत गरेको छ ।

(Visited 3 times, 1 visits today)

Leave a Reply

Your email address will not be published. Required fields are marked *

Shares