कपिल देब भट्ट/दार्चुला:- दार्चुलाको महाकाली नगरपालिकाले आफ्नो नगरवसीहरुका लागी आफै खोप खरीद गर्ने निर्णय गरिएको नगरप्रमुख हंस राज भट्टले जानकारी गराउनु भएको छ।”विकासे खर्च काटेर पनि जनताको ज्यानको रक्षा गर्छौ”नगरप्रमुख भट्टले भन्नुभयो। महाकाली नगरपालिकाको जनसङ्ख्या २४४८४ रहेका छ।
त्यसमा पनि१८ बर्ष मुनीका ७३१३जना रहेका छन।जसमा 2020 जनाले खोप लगाइ सकेका छन।अब १५१५१ लाई खोप लगाउन बाकी रहेको छन।प्रति व्यक्ति खोपको लागी हुन आउने सम्पूर्ण रकम नगरपालिकाले तिर्ने गरी ,खोप उपलब्ध गराउन वा खोप खरीद गर्न अनुमतिका लागी नेपाल सरकार लाई पत्राचार गर्ने नगरपालिकाले जनाएको छ।
जिल्ला अस्पताल लाई अक्सिजन रीफिल तथा व्यवस्थापनका लागी रु ५ लाख दिने आजको कार्यपालिकाले निर्णय गरेको प्रमुख भट्टले बताउनु भएको छ।नगरपालिकाले कोरोनाको समयमा गरेको कार्यको चौतर्फी प्रशंसा भैरहेको छ
भट्ट हाल खबरदारी न्युज साप्ताहिक पत्रिकाका सम्पादक हुन् ।
उनले यस अघि हिलटाईम्स, हिमालयटाईम्स र पश्चिम टुडे दैनिकमा काम गरिसकेका छन् भने हाल मध्यान्ह दैनिक र सेभेन स्टार फोर के टिभिमा कार्यरत रहेका छन् ।
बिशेष गरि पर्यटन, सामाजिक कुरुती बिरुद्ध र तथा कृषि सम्बन्धि समाचार लेख्ने गर्छन् ।