शनिबार यी मन्दिरमा दर्शन गरे दुर्घटना, पिर, दु:ख-संकट सबै नष्ट हुने

सेयर गर्नुहोस्

शनिबार भगवान शनिदेवप्रति समर्पित छ । त्यसैले यदि तपाईंको शनिको दशा चलिरहेको छ भने यो दिन मन्दिरमा शनिदेवको पूजा गरेर शान्त पार्न सक्नु हुनेछ । यो दिन भगवान हनुमान तथा काली माताको पनि पूजा गरिन्छ । शनिबारलाई अकाल मृत्यु निवारण गर्ने बारको रुपमा पनि लिइन्छ । यो दिन शनिदेवका साथै भगवान रुद्रको पूजा गरिन्छ । शनिबारको दिन कालो रंगको कपडा लगाउने र कालो वस्तु गरिबलाई दान गर्दा फल प्राप्ति हुनेछ ।

शनिबारका दिन काठमाडौमा रहेको संकटा मन्दिरको बिशेष महत्व छ । यसैगरी काठमाडौको टुँडिखेलको पश्चिमतिरको कम्पाउन्डछेउमा रहेको महाकालको मन्दिरपनि उत्तिकै महिमा छ । दैलेखमा रहेको विलासपुर भैरव मन्दिरको पनि उच्च स्थान छ । आज शनिबारका दिन दर्शन गर्न छुटाउनै नहुने यी मन्दिरका बारेमा उल्लेख गर्दैछौ ।

काठमाडौं, टुँडिखेलको पश्चिमतिरको कम्पाउन्डछेउ महाकालको मन्दिर छ । पश्चिमतिर फर्किएको यो मन्दिर मिलिटरी अस्पतालअगाडि पश्चिम फर्किएको अवस्थामा छ । बाटाको किनारामै रहेको यस मन्दिरमा तीन तहको धातुको छाना छ ।

त्यस अनुसार, एक पटक महाकाल आकाशमार्गबाट चीनतिर जाँदै गरेको एक जना तान्त्रिक गुभाजुले थाहा पाएछन् । टुँडिखेलतिर बाख्रा चराइरहेका ती गुभाजुले यिनलाई नेपालमै राख्ने विचार गरी राजालाई बोलाएछन् । त्यसपछि महाकालको एउटा भव्य मूर्ति बनाई उनलाई यहीं बसी देशको रक्षा गर्न तान्त्रिक विधिले आग्रह गरेछन् ।

तर महाकालले भने आपूm ब्रह्माण्डभर घुमिरहनुपर्ने हुँदा यहाँ सधैं बसिरहन नसक्ने, शनिबार मात्र यहाँ बसी नेपालको सुरक्षा गर्ने बताएछन् । यसरी महाकालले वचन दिएकाले प्रत्येक शनिबार महाकालको दर्शन र पूजनमा श्रद्धालुहरूको भीड लाग्ने गरेको हो भनिन्छ ।

काठमाडौंको संकटा मन्दिर संकटा देवीको एक प्रसिद्ध मन्दिर हो । यो मन्दिर नयाँ सडक स्थित नेपाल वायुसेवा निगमको कार्यालयको पछाडीको गल्लीमा पर्दछ जसलाई टेबहाल भनिन्छ ।

संकटा मन्दिरको पहिलो तल्लामा संकटा देवी अवस्थित छ भने तल्लो तल्लामा करुणामई अवस्थित रहेको छ । यस मन्दिरमा विशेष गरी शनिवार तथा दशैको बेला भक्तजनहरुको ठूलो भिड लाग्ने गर्छ ।

विलासपुर भैरव मन्दिर दैलेख जिल्लाको एक प्रसिद्व मन्दिर हो। यो मन्दिर दैलेख जिल्लाको सदरमुकाम नारायण नगरपालिका अन्तरगत पर्ने विलासपुर डाँडामा अवस्थित छ। यस मन्दिरको अर्को नाम विलासपुर बटुक भैरव पनि भनिन्छ। बाइसे राज्य कालका खस राजा विलासपुरे राजाहरूले कुल देवताको रुपमा पूजा गर्ने प्रचलनमा ल्याएको यो मन्दिरको निकै महत्व मानिन्छ।

विलासपुर मन्दिरको स्थापनाको बारेमा अहिले सम्म कुनै ठोस प्रमाण उपलब्ध हुन सकेको छैन। तर पनि स्थानिय जन श्रुती अनुसार यस मन्दिरको स्थापनाको बारेमा फरक फरक मत पाइएको छ।6

(Visited 122 times, 1 visits today)

Leave a Reply

Your email address will not be published. Required fields are marked *